مختارات - قلب داود (9 ترنيمة )

(قلبيَ الخفاق أضحى مضجعك في حنايا الصدر أخفي موضعك)2
قد تركت الكون في ضوضائه و اعتزلت الكل كي أحيا معك
ليس ليَّ فكرٍ ولا رأي ولا شهوة أخرى سوى أن أتبعك
وأبي يعقوب أدري سره قد عرفت الآن كيف صارعك
(يا أليف القلب ما أحلاك بل أنت عالٍ مرهبٍ ما أروعك
يا قويًّا ممسكًا بالسوط في كفه والحب يدمي مدمعك)2
لم يسعك الكون ما أضيقه كيف للقلب إذًا أن يسعك
قد تركت الكون في ضوضائه و اعتزلت الكل كي أحيا معك
قد تركت الكل ربي ما عداك ليس لي في غربة العمر سواك)2
ومنعت الفكرَ عن تِجوَاله، حيثما أنت فأفكاري هناك
قد نسيت الأهلَ والأصحاب بل قد نسيت النفس أيضاً في هواك
قد نسيت الكلَ في حبك يا متعة القلب فلا تنسى فتاك
(ما بعيد أنت عن روحي التي في سكون الصمت تستوحي نداك
في سماء أنت حقاً إنما كل قلب عاش في الحب سَمَاك)2
هي ذي العين وقد أغمضتها عن رؤى الأشياء علِّي أن أراك
وكذاك الأذُنُ لقد أخليتها، من حديث الناس حتى أسمعك
قلبي الخفاق أضحى مضجعك في حنايا الصدر أخفي موضعك

1- (مين غيرك بيحن عليَّ لما بكون تعبان
مين غيرك أنت ومين يتراءف مع ضعفي كإنسان)2
القرار –(مين مين)4
(مين غيرك يا يسوع مين )2
2- (مين غيرك يسمع أناتي قبل ما أقولها كلام
مين غيرك أنت ومين يرفعني ويملا القلب سلام)2
3-(مين غيرك كان واقف جنبي يوم ما احتاجت أمان
مين غيرك أنت ومين طمني ومن يومها أنا فرحان)2

1- يسوع قال لي أنا حارسك مالك خايف من إيه
حملك وأخذته عـنك مالك تعـبان من إيه
خوفك ده عدم إيمان تعـبك ده مالوهش مكان
سلمت الدفة لمـين يحدفها شمال ويمـين
ليه تايه يا مسكين وأنا ليك ملجأ ومعين
ليه تعيش في الدنيا شريد وأنت ليك كل المواعيد
أنا عندي ليك بركات بس أنت قول لي هات
أديك من غير حساب خـيرات من عند الآب
2- في نهاية ألمي وتعبى قلت لهم أنا عطشان
وبعطشي وظمأي رويـتك وبروحي بقيت مليان
تصرخ دايماً وحزين وكأنه ما لكش معين
سلمت الدفة لمـين يحدفها شمال ويمـين
ليه تايه يا مسكين وأنا ليك ملجأ ومعين
ليه تعيش في عطش وفي جوع ليه عينيك مليانة دموع
أنا عندي ليك بركات بس أنت قول لي هات
أديك من غير حساب خيرات من عند الآب
3- نكست عشانك راسي إكليلي كان أشواك
وبموتي وجدت حياتك بعد ما زالت خطاياك
ليه أنا شايفك حيران كان أمـلي تكون فرحان
سـلمت الدفة لمين يحدفها شمال ويمـين
ليه تايه يا مسكين وأنا ليك ملجأ ومعين
ليه تعيش عبد ومملوك وأنت أبوك ملك المـلوك
أنا عندي ليك بركات بـس أنت قول لي هات
أديك من غير حساب خيرات من عند الآب

القرار – (هارمي كل اتكالي عليك وعلى كلامك هارمي الشبكة
كل حياتي مِلك إيديك إيد مين غيرك تدّي البركة؟)2

1- (أنا سلمتك كل حياتي وباقول دايماً تبقى مشيئتك
أصل أنا حتى بقلبي الخاطي جربت حنانك وعرفتك)2
2- (كل يقيني إن انت معايا واثق في اللي بتختاره ليَّ
ما انت في ضعفي تبقى حماية وطريق الخير ترسمه ليَّ)2
3- (قلبي بيصرخ لك وينادي إنك تقبل تدخل بيتي
وإن كنت أنا بعتك في الماضي بارك انت عمري الآتي)2

1- غيرت اغسطين الفاجر حوِّلته إلى قديس طاهر
حوِّلت ماريا القبطية من سيرتها الشيطانية
(بمسيرة حلوة ملائكية في عيشة نُسك سماوية)2
غيرت اغسطين الفاجر.. (حوِّلته إلى قديس طاهر)2
2- حوِّلت كمان موسى الأسود اللي كانت هيئته ترعب
إلى قديس طيِّب متواضع قلبه أبيض نوره ساطع
(صاحب قدرة لا نهائية بتحب خلاص البشرية)2
حوِّلت كمان موسى الأسود.. (اللي كانت هيئته ترعب)2
3- يا ربي يا للي اتولتهم بالنعمة وغيَّرت حياتهم
هم وكتير جداً غيرهم تحريرهم تم وتبريرهم
(أرجوك أرجوك اتولاني حوِّلني إلى إنسان تاني)2
يا ربي يا للي اتولتهم.. (بالنعمة وغيَّرت حياتهم)2
4- سامحني وبالعطف أشملني ولصورة بهية حوِّلني
إنساني أتحرر من شره ومشي بهمة في طريق بره
(طرح الماضي بكل سواده وفي درب النور ماشي جهاده)2
سامحني وبالعطف أشملني.. (ولصورة بهية حوِّلني)2

القرار – (صغيرٌ أنا عن كل ألطافك وأنت إلهي قويٌ كريم
ولو سال دمي لأتبع خطاك لن أوفي ربي فداك العظيم)2

1- صغيرٌ شريدٌ أنا بل عنيدٌ جئت إلهي تعطي الحياة
شُتمت أُهنت جُلدت صُلبت لتَفدي حياتي يا فادي الخطاة
صغيرٌ أنا
2- صغيرٌ حاولت الوصف عجزت أن أوفي ربي حق الصليب
وحين رأيت الحب صرخت صغيرٌ أنا وسأبقى صغير
صغيرٌ أنا

(قلبي يا يسوع فاكر لما في ضيقتي بيلجأ ليك
وأسيبك لما أكون قادر وأشيل بإيديَّ حضن إيديك)2
(غريبة إنك بتسمعني غريبة إنك بترحمني
غريبة يارب تنده لي في عز ما قلبي قاسي عليك)2
(في لحظة دموع بتمنعني بلاقي إيديك بترعاني
ووقت غربتي المرة كنيستك بيتي ومكاني)2
(وحبك هو يحملني ومن أوجاعي يشفيني
وأحضانك تتدفيني ولا مرة بتنساني)2
(في لحظة آثام بتجرحني بلاقي عينيك تفرحني
غريبة إنك تسامحني وتنسى يارب نكراني)2
(ولما أصرخ إليك ربي وأقول كبير قوي ذنبي
وقلبي من الفرح يبكي لأنه رجع إليك تاني)2

القرار – (في نهاية الحكاية جوه قلوبنا حب
حب مالوش نهاية يسعد كل قلب)2

1- مهما تقابلنا ضيقات أو هموم
ليل التجارب مش رايح يدوم
شمسك تنوَّر يدك تدبَّر تملانا فرح وسلامك يدوم
2- لا خوف ولا يأس مهما يكون
طول ما انت ويانا وسط الأتون
عينك علينا ما انت راعينا شكراً لأنك إلهنا الحنون
3- يارب وعدك لينا ضمان
إنك معانا بطول الزمان
واثقين في حبك وفي عطف قلبك ترفعنا يارب فوق الآلام