عبادتي إليك (10 ترنيمة )

1- (عبادتي إليك ماهيش من دوافع شعوري بواجب
عبادتي إليك هيام واشتياق ومن قلب حابب)2
(أكون في حضورك و يسبيني نورك.. و يتقدس اسمك في كل الكيان)2
(كما في سماك كذلك بأرضك .. ممجَّد ممجَّد ليك السلطان)2
عبادتي إليك هيام واشتياق
2- (عبادتي إليك بتفتح بصيرتي فوق المحدود
حياتي دي غربة لكن في حضورك لبيتي باعود)2
(وأفرح لأنه يمينك رحيمة .. وتسهل في عيني ظروفي الأليمة)2
(وألاقي كياني اجتمع من شتاته .. وقلبي اللي طلبك سمعت لصلاته)2
عبادتي إليك بتفتح بصيرتي
3- (عبادتي وصلاتي، خضوعي لكلامك شرف واعتبار
وأنا كنت أطول إني أكون من ولادك ده أغلى افتخار)2
(وهاجيلك وأقول لك بحبك يا غالي .. ووجودي أمامك دي قمة آمالي)2
(يا أبرع جمال من كل البشر .. أمام احساناتك أنا في غاية الصغر)2
عبادتي وخضوعي شرف واعتبار

1- (مانيش خجلان أقول لك يارب أنا خايف
انت عارف اللي بيَّ أكتر ما أنا عارف)2
وعارف إنه ليلي طوّل والقدرة ماهياش زي الأول
صارعت طول الليل والموج عنيد وأنا وحدي واقف

القرار - تعالَ ثبّت إيماني .. تعالَ ثبّت إيماني
تيجي رياح .. تيجي رماح أبداً انا ماسيبش مكاني
تعالَ ثبّت إيماني .. تعالَ ثبّت إيماني
ما أشكيش ظروف لكن أشوف سورك نيرانه بتحميني

2- (سمعت لوم كتير ومهانة واستهتار
وندا بيغريني أسيبك وأسْبَح مع التيار)2
وما دام أنا لمست حبك واطعمتني يا إلهي يدك
ما أقدرش أسيبك أنا بس طالب امسك إيديَّ حبيبي البار

1- مابقاش في قلبي أي خوف من بعد ما تعودت أشوف .. إيديك محوطاني
سانداني في كل الظروف طيب أوي انت وعطوف .. خيرك بيملاني

القرار- (شيلتني .. ده كتير أوي انت شيلتني وفي خوفي جيت طمنتني .. نورت أيامي
معتني .. بيَّ يا يسوع وتحبني ولا جيت في يوم سيبتني .. ولا يوم بتنساني)2

2- وياك دوا لكل الجراح والضيقة تتحول براح .. وتسيبني أحزاني
هافضل كده مسنود عليك سايب حياتي بين إيديك .. ياللي بترعاني

1- حاسس بفيض شكر وعرفان جايبني قدامك ساجد
مدهوش بإحسان المنّان وحبه للفرد الواحد
كل الرعاية دي لي أنا والحب ده عشاني أنا
وكل الأمور المستحيلة في لحظة صارت ممكنة

القرار - ده الشكر ليك والحمد ليك باسكب حياتي عند قدميك
وسامحني إذا في يوم نسيت ولا اعتمادي ما كانش عليك

2- أسكت لعجزي عن التعبير سوى إني أسجد قدامك
والمس بهامتي تراب الأرض لحمدك إنت واحترامك
وأنا كنت أطول ولا أستاهل وأنا صاحب القلب البالي
أبقى في حضورك وأتمتع بالوصل مع سيدي الغالي

1- مش هايخيب إيماني بوعدك مش هاتضيع صلواتي إليك
مهما الليل طوّل على عبدك هافضل سهران مستنيك
هافضل سهران رافع قلبي أترجاك تنهضني يا ربي
وتستخدمني بقوة لمجدك يتكرس لك فكري وحبي

القرار - إنت أمين وأنا واثق إنك إله أمانة مالكش حدود
وكل سؤال يواجهني أجاوب عن إيمان: ربنا موجود

2- هارفض كل رسايل كاذبة وتفشيل من إبليس لحياتي
هانسى الماضي وكل متاعبه وهاطلب بركه لعمري الآتي
مش هايخيب إيماني بوعدك ياللي بكلمة خلقت الكون
ولأني شايفك بإيماني ليلي وسهري ودمعي يهون

1- النور مضلم بين نهاري وليلي مش لاقي اختلاف
جيت لك مصمم إني أرمي حمولي من فوق الكتاف
وآبار كتيرة مشققة زمان بإيدي حفرتها
وياك يا ربي تتردم يرويني ينبوع الحياة
وأرتاح في قربك من الشفا ويعود لروحي فرحها
وجبال همومي تتهدم محتاج معونة من الإله

القرار - امسك إيديَّ وابعت لي نور
خلينى أشوف شخصك يا رب موجود معايا
ومن عينيَّ وقع قشور
وريني إنك ليَّ أب موجود معايا .. وده شيء كفاية

2- أنا جوه معصرة الألم
جوايا ضيق أمشي في طريق ألاقيه يضيق
حاسس بموت وجعي مايوصفهوش قلم
فى ظلام غريق .. ولا فيه بريق .. ولا فيه صديق .. ولا فيه شطوط

القرار - أعلنت لي عن حبك بموتك على الصليب
واليوم أسمع صوتك يقول لي: ابني الحبيب

1- قلباً نقياً طاهراً أسألك ربي أن تعطني
واغمرني روحاً فائضاً بمجدك يشغلني
2- بالشوك سيج لي رحلتي كي لا أحيد عن دربك
فأنت قابض قرعتي عزي وفخري هما بك
3- علمني ربي أحبك مثلما أحببتني
واحفظني دوماً بقربك وشخصك يشبعني

1- دي آبار مشققة دي آبار مافيهاش مياه
لكن يا يسوع في نبعك مية بتوهب حياة
ونسيبك ليه بقى وإنت يا يسوع إله
بالخير بتروي شعبك وبتغفر للخطاة
2- يا يسوع كام ألف مرة عدينا بوقت صعب
وشربنا مية مرة علشان سبناك يا رب
وبنرجع لك نلاقي حبك يا إلهنا باقي
بتقول ليكوا اشتياقي وفي حضنك نهر عذب
3- يا يسوع صخرة حياتنا قادر تملاها زرع
قادر لو يوم عطشنا تخرج من الصخرة نبع
على طول سهران علينا مشغول يا إلهنا بينا
وإيديك تلمس عينينا وبتمسح أي دمع

1- (دايماً يا يسوع في بالك من غير ما نفكرك
نندهلك تيجينا ولا شيء بيأخرك)2

القرار - (عمانوئيل الله معنا حاضر وسطينا بيسمعنا
بدلت حياتنا للأفضل وبقى لنا معاك قيمة ومعنى)2

2- (تدخلنا لحجالك تدعينا لمحضرك
ننظر مجدك وجمالك يسوع يا أعظم ملك
3- (نتغير لكن انت ثابت في محبتك
مهما ظروف جات تحنينا واثقين في كلمتك)2

1- ثاير على فكري وذاتي على تقاليدي وعلى عاداتي
وقدام كتابك جاي أراجع كل اللي عدى من حياتي

القرار - إنت الله الرب القادر إنت الروح الحي الناري
ساجد جاي أمام إعلانك طهر قلبي وكل أفكاري

2- نورك يحرر أذهان سجينه وقلوب ماتعرفش معنى قوة
نادي ولادك اجمعنا حولك اشفِ جروحنا بروح أبوة
3- إنت الحياة وإنت الطريق والدنيا من غيرك تهون
فيك أخذت قرار مصيري إما أكون أو لا أكون