رفيق عاكف (39 ترنيمة )

1- لما انفتحت جوه ف قلبي عيون النور
ملا عيني جماله وبهاؤه اللي كان مستور
وسمعت قلبي لما لساني ماقالش كلام
وبعدها انفتحت في كل كياني ودان

القرار- المجد والغنى والعظمة حوالين كرسيه
وتيجان عظماء مطروحة عند قدميه
والكل بيهتف ويسبح ويقول قدوس
الحمل الراعي اللي نقشنا على كف ايديه

2- العدو قد تم خرابه وبيته مهدوم
والرب الجالس فوق عرشه جعل له حدود
وعديم القوة بقى قادر بصليب يسوع
يعمل أعمال سيده الغالب ويعدي سدود
3- وملايكة ألوف ربوات واقفة ترفع تسبيح
شاروبيم ساروفيم بأجنحة ستة تهتف بمديح
قدوس قدوس رب الصباؤوت ملك الملوك
السما والأرض بتعظم دم الذبيح
4- يا يسوع انت الطريق والحق والحياة
والخبز النازل م السما ومافيش في غناه
وانت اللي أتيت وكمان الآتي رب الأرباب
وجلست وهاتجلّسنا في مجد مافيش في بهاه

١- (الله بيدعمني ويسندني .. وف وقت الأزمة بينجِدني
وإن كان وارد أتوه في السكة .. ألاقيه يناديني ويرشدني)٢

القرار- (مش حاجة تطمن؟ طبعاً طبعاً بتطمِّن
والجاي متأمن؟ طبعاً طبعاً متأمِّن)٢
(يبقى أنا كيف أتوكَّل على إنسان؟
و إزاي أحزن لو فارقوني الأعوان؟)٢
وإذا كنتم شايفني وحدي .. أنا مش وحدي
(ده اللي معايا .. اللي معايا .. اللي معايا سيد الأكوان)٢
٢- [(ماتقولش كثيرة وقليلة .. لا تُعدم من يده وسيلة)2
شايل أركان الكون كله.. وعارفها بأصغر تفصيلَة]2

القرار - (ياللي مش لاقي لحياتك اي معنى
ايوه عايش بس عيشة بطعم موت
كل ماتفوق من جراحك تلقى طعنة
والصراخ مكتوم في قلبك ما له صوت)2
(والألم باين عليك والندم مالي عينيك)2
قوم تعالى للي حبك قوم تعالى للمسيح

١- (بُص للي قدم حياته عشان تعيش
دي الحياة من غير الهك ما تساويش)2
صدقني ما تساويش

٢- (صوت ضعيف وأنّة طالعة زي آهة
مش سامعها حد من الناس اللي جنبك
بِتحاول تكتمها ليه وتدوس عليها؟
الحقيقة إنك لابد تبوح بقلبك)2

1- لو مشكلتك جمرة نار شايل الهم ليل ونهار
بتفكر والفكر احتار ماتخافشي.. الله موجود
ييجي ويطيب خاطرك يديك الاحتمال والصبر
خليك واثق وافتح قلبك الله وحده في إيده الأمر
واتمسك بالوعود ماتخافشي.. الله موجود
2- لو فقرك تاعبك في حياتك وإيديك مش سادة احتياجاتك
والجوع بيزود آلاماتك ماتخافشي.. الله موجود
بسمكتين وبخبزات خمسة أشبع كل الجمع يسوع
حد يكون ليه زي إلهي ويخاف من فقر وجوع
ده إلهك بالخير هايجود ماتخافشي.. الله موجود
3- لو مرضك قاسي ومخيف وشفائك ده أمله ضعيف
شجرة وبتموت وقت خريف ماتخافشي.. الله موجود
عينيه عليك شايف أوجاعك وأكيد بالإيمان يختبرك
اتكلم وياه في صلاتك الله وحده يطيب ألمك
وآلامك مش هاتعود ماتخافشي.. الله موجود
4- لو ناسك بتزيد أوجاعك وتحارب وتزيد في صراعك
وأقرب واحد فيهم باعك ماتخافشي.. الله موجود
هايكون لك كل الأحباب ويعوض زمن الحرمان
ويخفف كل الأتعاب عمرك ما هاتحتاج إنسان
والأمان هايعود ماتخافشي.. الله موجود

فاض قلبي بكلامٍ صالحٍ ليك يا ملك الملوك
لساني قلم كاتب ماهر ينطق بعبادة وسجود
ياللي جمالك أبرع من كل بني البشر
ياللي حضورك دايماً يمحي الموت وكل الشر
سبحو .. سبحو .. سبحو .. سبحوه .. سبحوه
ياللي النعمة جت وانسكبت بالروح من فوق شفتيك
يا مصدر لكل بركة والحق أثاث كرسيك
سبحو .. سبحو .. سبحو .. سبحوه .. سبحوه

القرار- أنا عايزك إنت.. يا صاحـب القـوات
تشغـل يمينـك.. تعمــل معجـزات

1- إنت عارف ظروفي.. قبل أنا ما أشكيهـا
مهمـا كإنت صعبـة.. تقدر عليـهـا
2- آدي البحـر هايـج.. وأنا مستنيك
وإنت صاحب القوة.. والسلطان في إيديـك
3- الأطبـا احتاروا.. ورِّيهم ايـديك
خليهم يقولوا.. لا شيء يصعب عليك
4- إنت من السما.. في أيام الجوع
وإنت نبع الصخرة في العطش يا يسوع
5- الأسود جوعانة.. ارسـل ملاكك
خلّي الملك يعـرف.. إنـي أنـا ملكك
6 - الأتـون محـمَّـى.. انزل قـدامـي
و بيـدك الحلـوة.. طلعـنـي تـانـي

1- أبي ضللت حين تركت دفء الأمان في حضنك
بيتي هجرت طوعًا وجهلًا وكنت أحيا في خيرك
سعيًا وراء الأهواء سرت والشر كالنار المهلكة
وعندما اشتد بي عذابي قلت أعود ربي لك

2- داء الخطية استشرى فيَّ حتى شربت الإثم كماء
كان المذاق في الحلق حلوًا وفعله في القلب شقاء
أدمنت شري حتى يئست هل من شفاء بعد العناء
أنت رجائي أنت شفائي من كل داء أنت الدواء

3- طال ابتعادي زاد عنادي توبنى ربي حتى أتوب
بروحك انزع عني القساوة بكتني واجعل قلبي يذوب
مهما يكون إثمي عظيمًا دم المسيـح يمحو العيوب
فاسترني واغسل أدران قلبي وارحمني يا غافر كل الذنوب

1- (أمور الله عجـيبة.. مواعيده عجب العجاب
يغيَّـر الأزمــان.. ويســـبّب الأسبــاب)2
إذا عدّاني في صحرا.. يفتـح لي ينبوع في صخرة
وإذا اشتدت مجاعة.. يبعت خبزي ويا الغـراب

القرار-إلهي صخر الدهور.. لا ينعس لا ينام
قدامـه الكل واضـح.. في النــور زي الظــلام
والقدرة في إيده وحده.. والكل يخضع لمجده
ولأني غالـــي عنده.. قلبــي مليــان ســــلام

2-(مـحـبـة الله عجيبة.. تعـلـى فوق الجبـــال
محـبة كمان قريبة.. ثابتة في كـل الأحـوال)2
يا حبّه يا طـــول أناته.. لكـل ولاده وبنــــاته
أب مـثالــي ورعـــايته.. هـي كـمـال المثــــال
3-(ســلام الله عجـيب.. ويبان وسـط الخطـر
تلقـى المــؤمن يرنـــم.. رغـم الألـم والضـــرر)2
علشــان في قلـبه إيمـان.. بـالله رب الأمــان

1- (كلتا اليدين مثقوبتان من أجلي أنا
من لعنتي نشلتاني غسّلني دمٍ جرى)2
صِرت بريئاً من فعلتي حرّاً طليقاً
يا بهجتي أحبني خلّصني وبموته عِشتُ أنا

القرار - أحبّنا طهّرنا من جُرمنا بدمِهِ
فيه لنا فداؤنا و شِفاؤنا بجرحه

2- (لا مثل هذا حبٌ تناهى من شخصه
حتى يُسلِّم للصليب يتضعَ ليفديني)2
حبٌ عجيبٌ يُدهشني ملكٌ رهيبٌ يُحبني
حررني وأقامني من موتي معه عِشتُ أنا

١- (وقت لما تكون صعابي .. حاجبة عن عيني السماء
وألقى نفسي في اضطرابي .. بين حقائق مؤلمة)٢
(انت وحدك تستطيع يا يسوع .. تيجي وتفيض بالسلام
انت يا حصني المنيع يا يسوع .. أقوى م الخوف والظلام)٢
٢- (وقت لما تكون جبالي .. واقفة ضدي بمستحيل
والشكوك تنهش في بالي .. مين يشيل حملي التقيل؟)٢
(انت وحدك تستطيع يا يسوع .. تيجي تنقل الجبال
انت يا حصني المنيع يا يسوع .. كلمتك فوق المحال)٢
٣- (وقت لما السهل يصعب .. والحاجات تطرح فشل
لما وعد الناس بيهرب .. والعمل خاب والأمل)٢
(انت وحدك تستطيع يا يسوع .. ترد جوايا اللي ضاع
واللي يصعب ع الجميع يا يسوع .. يبقى عندك مستطاع)٢