حبك كفاية (9 ترنيمة )

القرار - بيك ومعاك أنا قلبي ده غالب عابر ليك بآلام ومصاعب
ضامن الوعد معاك في طريقي قلبي وعيني شايفة عجايب
بيك ومعاك أنا قلبي ده غالب

1- بيك ومعاك أنا حر طليق رافع الراية مسنود بصديق
طاير زي النسر وعالي ده الحرية إيمان وطريق
بيك ومعاك أنا حر طليق
2- بيك ومعاك أنا شايف وعدي بتحرسني ودم ده سندي
أمشي معاك وأنا رافع راسي ضامن بكرة وحبك أبدي
بيك ومعاك أنا شايف وعدي
3- بيك ومعاك غالب يا يسوع حي بنصرة وبيك مرفوع
عايش ليك فرحان وباغني حبك ليَّ صبح ينبوع
بيك ومعاك غالب يا يسوع

القرار - حبك غيرني صلبك حررني كتب لي عمر جديد على عمري
إحساسي بحبك خلاني أحبك ده انت سيدي ومالك أمري

1- (وقت احتياجي تيجي تنادي بصوت حنون بتقولي يا ابني
كلمة تغذي كلمة تعزي روحي وقلبي في وقت حزني)2
2- (الراحة فيك والمجد ليك ياللي إيديك داوت آهاتي
مجدك يدوم في كل يوم حبك يا ربي غيَّر حياتي)2
3- (حب وسلام على الدوام ماينتهيش طول السنين
أنا الأثيم وانت العظيم انت لحياتي برج حصين)2

القرار - (حاسس بحبك لامس وجودك جوه حياتي عايش وعودك
فرحة وفايحة ريحة بخورها مالية يا ربي سمايا بنورها)2
تعلن تملّي يا ربي وجودك

1- (عارف وشايف حبك بيكبر مالي كياني خيرك بيكتر
حب ومحبة يحكي عليها عمري اللي شاور ياما عليها)2
يحكي البداية لحد صعودك
2- (أمشي في طريقي أدوس المصاعب أعدي أخطي فوق المتاعب
يسوعي دموعي تحكي حنانك مكاني يا ربي هو مكانك)2
شايف حنانك في نظرة عيونك
3- (حبك بداية ماليها نهاية سلامك في قلبي ده أجمل حكاية
كلامك يا ربي سراجي وتاجي بالاقي في حبك كل احتياجي)2
و بامشي تملّي يا ربي في نورك

القرار - يا كبير القلب يا غالي ياللي بيهمك حالي
عينك ما بتغفل عني ربي وأبويا وإلهي

1- لو يوم أشبال تحتاج عمري ما شعبك يحتاج
تدينا بغنى نتمتع من بحر الخير أمواج
2- لو زي خروف باختار وأبعد وأمشي المشوار
بتسيب الكل عشاني تنقذني ولو في النار

القرار - ده إنت خيرك عليَّ من فوق راسي لرجليَّ
جيت وفديتني بنعمة غنية ومعايا طول البرية

1- مهما هاعيش عمري في خوفك مش راح أوفي معروفك
ده في كل يوم جودك يكفيني بعيون إيماني باقدر أشوفك
2- شكراً ليك يا أبو أطيب قلب على حبك يا أعظم أب
كل حياتي ولائي وحبي ليك أنت يا رب الأرباب

1- مش ممكن يرتاح قلبك.. وإنت بعيد عن ربك
لو ربحت العالم كله.. مش هايرَّيح قلبك
(كل العالم باطل.. كله قبض الريح)2
(ياللي عايز يرتاح قلبك.. تعالَ للمسيح)2
2- مهما تعَّمر في الدنيا.. بكرة لابد تموت
اوعى الفرصة تضيع منك.. اوعى الفرصة تفوت
(اسمع صوت إلهك.. تعالَ للمسيح)2
(قولّه ارحمني أنا الخاطي.. في لحظة تستريح)2
3- وانت مسافر ع الأبدية.. لابد تكون وياك
تذكرة السفر مختومة.. بدم يسوع مولاك
(خدها منه الآن.. لَـيفوت الأوان)2
(ترجع تندم وتضيع منك.. فرصة الغفران)2
4- وانت ياللي في كورة بعيدة.. بعد ما كنت أمير
ترجع تشتهي الخرنوب.. اللي بتاكله الخنازير
(كل ده عالم فاني.. كله أنين ودموع)2
(مش ممكن يشبع قلبك.. غير الرب يسوع)2

القرار - (ومن المر بتخلق عسل ومن الضلمة بتخلق نور
قوة بنضرب بيها المثل كل شيء عندك مقدور)2

1- (لو تقول إيدك ماقدرش والعقل يقول لأ ده محال
قول يا يسوع وما تستغربش إزاي غير حال عن حال!)2
2- (لو شُفت مشاكلك بتزيد ولقيت يوم الحمل تقيل
خلي إيمانك بس أكيد تلقى يسوع عنك بيشيل)2
3- (ده المفلوج قام شايل فرشه ولعازر قام بعد ما مات
عمي وشافوا عجزة بيمشوا ده إلهنا إله معجزات)2

القرار - إنت اللي ليَّ نور ونار اسمك فاديَّ سور ودار
حبك أمانة حضنك حصانة وفيه بتعلن الأسرار

1- لقيتني ربي وأنا في الطريق ضايع وتايه ماليش رفيق
فردت توبك مريت عليَّ وكنت ليَّ أعظم صديق
2- لبستني وفردت توبي دمك سترني طهر عيوبي
فردت إيديك ضمتني ليك وكان صليب غافر ذنوبي
3- عزمت ربي طول الطريق أكون لك إنت شاهد مضيء
أسير معاك وأتبع خطاك ويكون لي صوتك أحلى رفيق
وخلاص يا نفسي مافيش عتيق

القرار - عايش والوعد بيسترني حبك ليَّ كفاية أكيد
صوتك في القلب بيغرمني إنت إلهي فاديَّ وسيد

1- إنت خبزي ومائي وغمري أفضل أشهد له بطول دربي
ليَّ الحياة أفضل ومعاك أبدية أعيشها أنا بعمري
2- إنت يسوعي سر خلاصي مهما أبعد وأعمل ناسي
سترك ليَّ مغطي جراحي حتى ولو كان قلبي أنا قاسي
3- أنت بروحك سر سلامي مش للعالم هارجع تاني
حبك ليَّ يا رب كفاية أحقق فيها أنا كل آمالي
4- إنت إلهي بتعد مكاني للسما وهاتيجي هنا تاني
عيني إليك ناظرة ومنتظرة تاخدني معاك ويعدي زماني