فيفيان السودانية (11 ترنيمة )

1- طول الوقت بخير ما باخافشي من الليل القاسي الغدار
ولا من سهم يطير ولا من ضيق ولا ويل في وسط النهار
ده إلهي ينقذني حتى من فخ الصياد
ولا أوبئة تقدر تهلكني ده إلهي شافي الأمراض

القرار - ده وعوده ثابتة وأمينة طول السنة بيبص علينا
زي النسر ما يحمي ولاده تحت جناحه بيخبينا
طول الوقت بخير

2- هو مراحمه كتير عامله زي السيل نازلة باستمرار
هو مالوهشي نظير هو مالوهشي مثيل ده حاميني بأسوار
هو موصي ملايكة عليَّ أنا عندي خدام من نار
طول السكة بيعتنوا بيَّ رجلي ما تخبطشي في أحجار

القرار - حبك غيرني صلبك حررني كتب لي عمر جديد على عمري
إحساسي بحبك خلاني أحبك ده انت سيدي ومالك أمري

1- (وقت احتياجي تيجي تنادي بصوت حنون بتقولي يا ابني
كلمة تغذي كلمة تعزي روحي وقلبي في وقت حزني)2
2- (الراحة فيك والمجد ليك ياللي إيديك داوت آهاتي
مجدك يدوم في كل يوم حبك يا ربي غيَّر حياتي)2
3- (حب وسلام على الدوام ماينتهيش طول السنين
أنا الأثيم وانت العظيم انت لحياتي برج حصين)2

القرار - (مين زيك يا حنين إنت يا رب الكل وسيدهم)2
(بحنانك محاوط شعبك)2 وروحك يا إلهي بيسندنهم

1- (لو جه مرة عدو الخير عشان يخطفهم ويبددهم)2
(عمره ما يقدر وإنت معاهم ولا حتى يا ربي يهددهم)2
(لأنك عالكف ناقشهم على حضنك الدافي معودهم)2
ومين زيك يا حنين إنت
2- (لو في طريقهم للأبدية حب يتوههم يبعدهم)2
(مابيقدرش يا رب لأنك إنت إلههم إنت قائدهم)2
(بيخافوا منك عارفين إنك بتحب ولادك وتشددهم)2
ومين زيك يا حنين إنت
3- (لو مرة غلطوا ورجعوا تابوا بالتوبة دايماً جددهم)2
(لأجل يكونوا نور للعالم أنا جيل حية يا رب ساعدهم)2
(اجعلهم منارات لإيمانك على صخرة حبك شيدهم )2
ومين زيك يا حنين إنت

القرار - (حاسس بحبك لامس وجودك جوه حياتي عايش وعودك
فرحة وفايحة ريحة بخورها مالية يا ربي سمايا بنورها)2
تعلن تملّي يا ربي وجودك

1- (عارف وشايف حبك بيكبر مالي كياني خيرك بيكتر
حب ومحبة يحكي عليها عمري اللي شاور ياما عليها)2
يحكي البداية لحد صعودك
2- (أمشي في طريقي أدوس المصاعب أعدي أخطي فوق المتاعب
يسوعي دموعي تحكي حنانك مكاني يا ربي هو مكانك)2
شايف حنانك في نظرة عيونك
3- (حبك بداية ماليها نهاية سلامك في قلبي ده أجمل حكاية
كلامك يا ربي سراجي وتاجي بالاقي في حبك كل احتياجي)2
و بامشي تملّي يا ربي في نورك

1- بالقاك دايماً معايا ومن غير ما أناديك
ترفعني في وقت ضعفي وتقول لي ده أنا شاريك

القرار - وألقاك بتمد إيدك وبتدي بيها الضمان
تعصب تداوي جراحي وألقى في قربك أمان
ما أنت كل الحنان

2- بالقاك تعطف عليَّ وتمسح لي الدموع
حتى وإن كنت جارحك حبك أكبر يا يسوع
3- بالقاك نوري وطريقي لما باتوه في الحياة
تمشي ورايا وأمامي وتحمي في كل اتجاه

حب العالم مايكفيش حضن العالم مايدفيش
وعد العالم عمره ما يصدق يوعد ياما ولا يوفيش
لكن وعدي وعد أمين أوعد وأوفي الموعودين
أصل العالم بكره يزول وأنا لوحدي باقي على طول
فرح العالم ساعة ويمضي عمره ما يسعد عمره ما يرضي
فرح بيخدع فرح بيوهم أصله فرح ترابي وأرضي
لكن أفراحي سماوية أفراح دايمة مش وقتية
أصل العالم بكرة يزول وأنا لوحدي باقي على طول
راحة العالم غش وكدب عمرها يوم ما تريح قلب
راحة لفترة لكن بتزول ييجي مكانها هم وكرب
لكن راحتي دي أبدية مش لسنة ولا عشرة وجية
أصل العالم بكرة يزول وأنا لوحدي باقي على طول

القرار – (أبي أناجيك أبي أناديك)2
[أبي أصرخ إليك (ارحمني)3 من شر نفسي اشفني من اليأس]2

1- (أحتاج يدك تُمسك بي أحتاج صدرك يضمني)2
(في بعدي عنك الضعف قد أحاط بي)2
(فأسرع وانتشلني من ذاتي وشهواتي من ذُلي وضعفاتي)2
2- (أعدني إليك وفي ظلالك أنعم أعدني إليك أتهلل وأرنم)2
(طوبى لمن يعيش في ظلال حبك طوبى لمن يصير ابناً لك)2
فأنت أبي..أنت أبي

القرار - (ومن المر بتخلق عسل ومن الضلمة بتخلق نور
قوة بنضرب بيها المثل كل شيء عندك مقدور)2

1- (لو تقول إيدك ماقدرش والعقل يقول لأ ده محال
قول يا يسوع وما تستغربش إزاي غير حال عن حال!)2
2- (لو شُفت مشاكلك بتزيد ولقيت يوم الحمل تقيل
خلي إيمانك بس أكيد تلقى يسوع عنك بيشيل)2
3- (ده المفلوج قام شايل فرشه ولعازر قام بعد ما مات
عمي وشافوا عجزة بيمشوا ده إلهنا إله معجزات)2

القرار - فرحك ماليني حبك حاميني راعي حياتي ده إنت مكفيني

1- بالاقيك في الضيق تفتح لي طريق وفي وسط أمواج بتعديني
تديني أمان تديني سلام تمسك إيديَّ وتهديني
وسط الأزمات وقت الآلامات تفرد جناحك بيه تحميني
2- لو فيه أفراح أو فيه أتراح سامع صوتك هو رجايا
مين يمدحني مين يألمني ربي وحدك إنت عزايا
ده كلام العالم وسلامه باطل يا إلهي أنت كفاية
3- أنا عايش ليك ما أنا عايش بيك أبويا وربي وجابلني
ده مافيش غيرك يدي خيرك وعلى أكتافك حاملني
أنا غالي عليك وفي نني عينيك بالحب صايني وشايلني

(رسّي سفينتي في مينا خلاصك وارحم عيني من الدموع)2
(تعبت أجيلك وأرجع تاني)2
تعال لي انت يا يسوع
انت عارف إن القلب بيحبك بكل جوارحه
في كل ليلة يبكي لك ويتوسل يارب تسامحه
(في الصُبحية يرجع تاني لخطاياه ويحس بضعفه)2
(لكن انت ثباته يا ربي)2.. ما هو قلب ابنك وانت عارفه
رسّي سفينتي