مغامرة في البحر (22 ترنيمة )

يسوع زي السكر لأ أكتر وأكتر
حبه في قلبي بيكبر يوم عن يوم بيزيد
يسوع ملك قلبي لأ قلبي وحبي
حبي ده لربي يسوع المسيح

عايز أرتل بس بقوة.. قوة كبيرة تهز جبال
قوة تخلي الميت يصحى.. قوة تخلي الكل رجال
عايز أفرح فرحة كبيرة.. فرحة تساع كل الأفلاك
تملك قلبي وتملا كياني.. وتعزيني ليوم رؤياك
(كل عظامي ترتل ليك.. عايش فيَّ وعايش فيك
نفسي وروحي بيفرحوا بيك.. مجدًا مجدًا مجدًا ليك)2

يا ناس أنا قلبي اختار يا صغيرين وكبار
حبيب القلب اسمه يسوع البار
الناس اختاروا المال أو اختاروا الجمال
لكن حبيبي اسمه اسمه يسوع البار
حبيب القلب اسمه اسمه يسوع البار

إذا ربي إداني كتير أو حتى كنت فقير
بيوصيني على الغير مابصش أبدًا وأغير
لو زميلي في الامتحان طلع الأول مرة كمان
صح أشد حيلي قوام لكن أبارك مش بخصام
لو لأخويا هدية جت ماعنديش زيها واتغظت
أركع أصلي لرب المجد ينزع مني روح الحقد
لو لبس صاحبي في العيد أجمل من لبسي الجديد
ماهتمش وأفضل سعيد وأشكر ربي عشان يزيد

يسوع يعمل منك راجل رغم سنك
ويديك محبة ويبعد إبليس عنك
يسوع يعمل منك صانع سلام
ويديك القوة عشان تنسى الخصام
يسوع يعمل منك شمعة تنور ليه
نور لكل العالم بس أوعى تطفيه
يسوع يعمل منك مسيح صغير
والناس لما تشوفك تشكر وتتغير

خللي بالك يا عيني شايفة إيه
ده يسوع اللي بيحبك من أعلى سما شايفك
خللي بالك يا عيني شايفة إيه
خللي بالك يا وداني سامعه إيه
خللي بالك يا لساني بتقول إيه
خللي بالك يا إيدي بتعملي إيه
خللي بالك يا رجلي رايحة فين

مين ساكن في قلبك مين واحد بس من الاتنين
إما الله أو الشيطان واحد بس مش الاتنين
أنا قلبي بيت صغير كان خربان وحقير
لا فيه مية ولا نور وكمان مافيهوش سرور
وفي يوم خبط باب قلبي فتحت لقيته ربي
دخل واتعشى معايا من يومها يا هنايا
نور ربي نور قلبي ماء الحياة رواني
إبليس خرج من قلبي وماهواش راجع تاني

شكرًا شكرًا لله من أجل جميع عطاياه
مش ممكن نحتاج أبدًا للخير وإحنا وياه
إيده الحلوة بتدينا خيرات ورحمة كتيرة
نتناول منه بشكر وكمان ندي الفقير
شكرًا شكرًا لربي ده خيره علينا كتير
ده خيره علينا كتير

أرد إيه للي فداني وحبني ومات علشاني دهب وفضة
ماعنديش وكل شركي مايقضيش أرد إيه
للي فداني ده حبه ليَّ كبير كبير وإحساناته فوق التعبير
لأنه وحده اللي فداني وحبني ومات علشاني
أرد إيه للي فداني ده كل قلبي قدمته
ليه أحفظ كلامه وأعمل بيه لأنه وحده اللي فداني

القرار- اللي خلق السما والنور وبيرعى كل الطيور
(ربي حبيبي الرب يسوع بيعتني بيَّ عينه عليَّ)٢

١- كل يوم من الأيام كل يوم أنا باصحى وأنام
(متأكد تمام تمام إنه مش ناسيني إنه مش ناسيني )٢

٢- دايماً واخد باله مني دايماً هو بيرعاني
(لما أقع بيقومني ومش ممكن ينساني ومش ممكن ينساني )٢

٣- مش ممكن هابقى زعلان وأنا عايش عندي إيمان
(لما بانام ربي سهران ولا يمكن ينساني ولا يمكن ينساني )٢

أكتر وأكتر كل يوم بحبه على مر الأيام
هاكبر وأكبر وعاوز أبقى زيه زيه بالتمام

بعد ما كنت عبد أسير وكانت خطايايا كتير
جه يسوع شالها على الصليب خلاني أمير
وفى ديوني يسوع
بعد الحزن بقيت فرحان واتمتعت بالغفران
وفي السما بقى ليَّ مكان وعايش في أمان

زي ما موسى في البرية رفع الحية النحاسية
مات يسوع على الصليب وحمل عنا الخطية
لما لقانا كلنا أشرار وإن مصيرنا هلاك في النار
مات يسوع على الصليب وحمل عنا الخطية
واللي يصدق بالإيمان وإن كان في إيدين الشيطان
يسوع في لحظة يخلصه يعطيه الحياة الأبدية

القرار- طول ما أنا ماشي يسوع ويايا طول ما أنا عايش هو معايا
بيقول دايماً ويشجعني إوعى تخاف يا ابني

1- ده اللي جه وبصلبه فداني ده اللي صليبه كان علشاني
مش ممكن أبداً هايسيبني أو هايتركني

2- ربي يسوع دايماً بيقول أنا ماشي معاك على طول
مهما العمر بيك هايطول راح تسعد معي

عندي حكاية أقولها للأولاد أولاد أصحابي
من كل البلاد
حكاية عني وعن يسوع حبيبي
ونصرتنا الأكيدة على مكر الشيطان
فتحوا ودانكم وانتبهولي كويس
عشان تنتصروا دايمًا وتبقوا في أمان
في الضلمة ماشي في مرة من المرات
جالي يتسحب كمكر الحيات
حاول يقول لي ده أنت ماشي لوحدك
وفي الضلمة إنت خايف قوام هات إيدك هات
قلت له امشي لأني مش لوحدي يسوع ماسك بإيدي
وهو عشاني مات
وفي مرة بالعب مع ابن الجيران جه قالي
اكدب عشان تبقى الكسبان
قلت له لأ يسوع راح يزعل مني
وأنا قلبي مش هايفرح ما دام هو زعلان
قام فر مني وجه جنبي يسوعي
وفي لحظة لقيته جنبي وحسيت بالأمان
خدها نصيحة على مر الأيام إبليس
لو جالك ما تسمعلوش كلام
قول له يا شاطر ما تتشاطرش عليَّ عشان أنا مش قدك
وملكش معايا كلام
إن كنت شاطر تروح تتحدى ربي
وهو هايوريلك ويغلبك تمام

ربي حبيبي ليك باصلي عايز أفرح فرح قلبي
أفرح بيك أهتف ليك مجدًا مجدًا مجدًا
ماسك إيدي وبتهديني وفي طريقي بتحميني
أتعب أعيا بتقويني تحت ذراعك أغمض عيني
أنام في سلام كل الأيام ده ربي حبيبي هو معيني
علشان كده أنا هافرح بيك علشان كده أنا هاهتف ليك
مجدًا مجدًا مجدًا

صا صا صموئيل في الهيكل
جا جا جثا وصلى قائلاً
را را ربي إني عبدك
سامع سامع سامع

طوبى للي يسمع ويعمل كمان دايمًا يبقى ناجح في كل مكان
زي شجرة مغروسة بجوار الأنهار كبرت وجابت ثمار
وورقها أخضر ودايمًا بيزهر طوبى للي يسمع ويعمل كمان

القرار- (عايشين ليسوع في كل حياتنا عايشين ليسوع كل أيامنا)2
في بيوتنا ومدرستنا وكنيستنا عايشين ليسوع
في بيوتنا ومدرستنا وكنيستنا عايشين ليسوع

2 (عايشين ليسوع عايشين في الدنيا وملاكه حوالينا بيحرسنا)1-
هو وعد إنه عمره ما يسيبنا وإحنا كمان هانفضل عايشين ليسوع
وإحنا كمان هنفضل عايشين ليسوع

2 (عايشين ليسوع في كل مكان مش بس الكنيسة في الشارع كمان)2-
لما نلعب برضه بمحبة وإيمان كده نبقى فعلاً عايشين ليسوع
كده نبقى فعلاً عايشين ليسوع

جلس الرب يسوع متعبًا عند المساء
طالبًا أن يستريح من مسير وعناء
اتركوا الأولاد يأتوا قال رب البركات
فلمثل هؤلاء ملكوت السماوات
كان في ذاك النهار علم الناس كثير
وشفى المرضى وعزى ذلك الجمع الغفير
وإذا فوج نساء مقبلات بالصغار
طالبات أن يروه قبل ما يمضي النهار
والتلاميذ أرادوا صد طفل وكبير
قصدهم أن يستريح ربهم وقتًا قصير

١- ديماً باسأل نفسي ليه يسوع جه علشاني
وساب الملايكة وعاش ع الأرض فقير
اتعاقب بدالي وشال عني أحمالي
وبدالها إداني حب وقلب كبير

القرار - ليه؟ (لأن الله محبة)٣ الله محبة

٢- ليه يسوع بيسامح لما باغلط في حقه
لما باجي له بتوبة وأنا قلبي ندمان
بينسى الخطية ويمسح دمع عيني
ويمسك إيدي ويخليني فرحان

عايز أخبر عايز أقول حبك يا ربي ده مش معقول
كبير مافيش له عرض وطول وعالي أسمى من العقول
حبك يارب حب ده عجيب بان وتجلى لكل الناس
لما فديتنا بالصليب عشان خلاص كل الأجناس
حبك يارب ثابت زيك مالي حياتنا بالسلام
أمين ولا تنكر نفسك حافظنا من شر الأيام