سبحوه (10 ترنيمة )

1- (سبِّحوهُ ومجِّدوه وارفعوا اسمَهُ العظيم
بهُتافٍ ملِّكوه مع صفوفِ السمائيين)2


القرار- المسيحُ قام بالحقيقةِ قد قام
مُحَطِّماً قوى الشيطان وسحقَ الموتِ بسُلطان


2- (قدِّموا لهُ السُّجود الإلهُ الحقُّ الأمين
مَن فدانا وخلَّصنا بدمهِ الزكي الثمين)2
3- (انشدوا أحلى الأنغام رنِّموا لملِكنا المسيح
فهو وحده مُستحق كلَّ إكرامٍ وتسبيح)2
4- (ها ذبيحةَ شُكري له قد أقامنا بقيامتِه
ورفَعنا فوقَ كلِّ ضعف وأعطانا من قوتِه)2

ناس بتصدق وناس تتشكك .. ناس تتقدم وناس مِنتظرة
مِنتظرة دليل إنه إله قدير يشوفوه بالعين يلمِسوه بالإيد
وأنا مش مستني أُبصر يدك ولا مستني ألمس جرحك
أنا عارف إنك مُت بذنبي من قساوة قلبي
ناس مش عايزة الله موجود وناس مش عايزة العقل موجود
ووقت الألم كلهم بيجروا على كيان أعظم يعدِّي السدود

إِلَى مَتَى يَا رَبُّ تَنْسَانِي؟ تَنْسَانِي كُلَّ النِّسْيَانِ؟
إِلَى مَتَى تَحْجُبُ وَجْهَكَ عَنِّي؟
إِلَى مَتَى أَجْعَلُ هُمُومًا فِي نَفْسِي؟
وَحُزْنًا فِي قَلْبِي كُلَّ يَوْمٍ؟
إِلَى مَتَى يَرْتَفِعُ عَدُوِّي؟ يَرْتَفِعُ عَدُوِّي عَلَيَّ؟
انْظُرْ وَاسْتَجِبْ لِي يَا رَبُّ إِلهِي أَنِرْ عَيْنَيَّ لِئَلاَّ أَنَامَ نَوْمَ الْمَوْتِ
أَمَّا أَنَا فَعَلَى رَحْمَتِكَ عَلَى رَحْمَتِكَ تَوَكَّلْتُ
يَبْتَهِجُ قَلْبِي بِخَلاَصِكَ أُغَنِّي لِلرَّبِّ لأَنَّهُ أَحْسَنَ إِلَيَّ

1- (مع أول إحساس بالأمان في حياتي كله تمام مش عايزك معايا
لما أنجح باهدي نجاحي لذاتي وسعادتي من حد تاني ومش عايزك معايا)2
القرار- (أنت أمين يا إلهي أنت صديق يا يسوع
هامشي معاك في الضلمة وفي النور)2
2- (ولما الأمور بدراعي تخيب وملاقيش صديق معايا للنهاية
بارجع من تاني ألجأ ليك و أستند عليك وألاقي مكاني دافي)2

القرار- (إنت إلهنا إله الأمانة دايماً معانا وبحُب بترعانا
وفي كل لحظة وفي كل خطوة بنشوفك دايماً بتِرشد خُطانا)2
1- (إله أمين ومالكش مِثال وأمانتك ثابتة في كل الأحوال
دي حياتك لينا أحلى مِثال هانعيش ونكون لك مهما العمر طال)2
2- (إله أمين وهانتعلم منك إزاي نكون على صورتك وشبهك
ومن حياتك ومن كلماتك تِغني حياتنا بأمانتك وصفاتك)2
3- (إله أمين ودايماً قَرِيب ولا يوم تنسانا أو عنَّا تغيب
تعاليمك لينا سراج لرجلينا واللي يتمسك بيها عمره ما يخيب)2

(لما أقعد لوحدي باهرب من نفسي
باشوف حقيقتي وأنا مش متغطِّي)2
وعشان ماعترفش باستسلم للخطية
(ما باخافش أغلط وأنا قُدَّامك بس أخاف أوي لو قُدَّام حد غيرك)2
ولا مرة عملت حسابك وبقيت باصدَّق كِدبتي
(باقف أصلِّي قُدَّام الناس لكن جوَّايا من غير إحساس)2
خدمتي مجد لذاتي مجرد عادة من حياتي
(يا ترى ينفع أرجع؟ وهو لسَّه ليَّ مكان؟)2
(وتبقى خدمتي ليك وتبقى صلاتي ليك
ويبقى خوفي بس ليك وحبي كله منك وليك)2

1- (عايز أقرَّب منك أسمع صوتك وألمس حبك
أنا عارف إني باحبك ومكاني جوَّه ف حضنك)2

القرار- (نفسي حياتي تكون معاك بس حبال الخوف مانعاني
كل أما أجرب أجري عليك تشدّني أكتر وأبعد عن عينيك)2

2- (مهما بعدت عنك قطَّع يا ربي حبال الخوف
دي قيود مانعاني عنك مخلياني مش باشوف)2
3- (عايز أعيش وياك وأطَّمِّن وأنا في حماك
ما أنا ابنك وضَناك مش هاضحِّي بعيشتي معاك)2

1- (ليه تخونني يا صديقي؟ وليه تنسى إني باحبك؟
كنت باجي في عز ضيقي تقوللي: "احكي إيه اللي جارحك؟)2"
القرار- (مش هاتكون دي النهاية ولا هايكون آخر الكلام
ده وجوده فيه الكفاية ده عشاني اتصلب واتهان)2
2- (فاكر لما كنا أصحاب؟ ولا ده كان مجرد تراب؟
ليه العقل عنك غاب؟ قفلت ليه في وشي الباب؟)2
3- (بطرس يهوذا كانوا تلاميذه ده أنكر والتاني خان
مش هاكون أحسن منه ولا هانسى اللي كان زمان)2

1- اوعى تفكر إني نسيتك اوعى تفكر إني بعيد
أنا بدمي الغالي شاريتك أنا وهبتك عمر جديد

القرار- (يا ابني اطمِّن اوعى تخاف)2 (أنا يسوع راعي الخراف)2

2 -أنا عينيَّ على القطيع عندي سعادة وراحة بلاش
إن نسيت الأم الرضيع أنا يسوع أبداً مانساش
3- اترك يا ابني كل أحزانك واطلبني حالاً وقت الضيق
أنا بيدي كل أحوالك عيني عليك طول الطريق
4- انت وعدت تجيني ياربي ابقي معاك دوماً على طول
على صدرك ربي تتكئني تمسح لي كل الدموع

مَلْجَأٌ وَقُوَّةٌ عَوْنًا فِي الضِّيْقَاتِ وُجِدَ شَدِيداً اَللهُ لَنَا
لِذلِكَ لاَ نَخْشَى وَلَوْ تَزَحْزَحَتِ الأَرْضُ وَانْقَلَبَتِ الْجِبَال إِلَى قَلْبِ الْبِحَارِ
نَهْرٌ سَوَاقِيهِ تُفَرِّحُ مَدِينَةَ الله فِي وَسَطِهَا فَلَنْ تَتَزَعْزَعَ
عَجَّتِ الأُمَمُ تَزَعْزَعَتِ الْمَمَالِكُ أَعْطَى صَوْتَهُ ذَابَتِ الأَرْضُ
هَلُمُّوا انْظُرُوا أَعْمَالَ الله ِ كَيْفَ جَعَلَ خِرَباً فِي الأَرْضِ
مُسَكِّنُ الحُرُوبِ إِلَى أَقْصَى الأَرْضِ يَكْسِرُ الْقَوْسَ وَيَقْطَعُ الرُّمْحَ
كُفُّوا وَاعْلَمُوا أَنِّي أَنَا اللهُ: أَتَعَالَى بَيْنَ الأُمَمِ أَتَعَالَى فِي الأَرْضِ
رَبُّ الْجُنُودِ مَعَنَا مَلْجَأُنَا إِلهُ يَعْقُوبَ اَللهُ لَنَا
يَا جَمِيعَ الأُمَمِ صَفِّقُوا بِالأَيَادِي اهْتِفُوا ِللهِ بِصَوْتِ الابْتِهَاجِ
لأَنَّ الرَّبَّ عَلِيٌّ مَخُوفٌ هُوَ، مَلِكٌ كَبِيرٌ عَلَى كُلِّ الأَرْضِ