ماجد عادل (33 ترنيمة )

١- (مسجون وباحلم بالحرية.. بقلب حزين ورا قضبان
مستني النور في ليل متألم.. فجره لعيني سور وحيطان)٢

القرار- (لحد ما جاني وصوته نداني.. قوم اليوم مانتاش أسير)٢
كسرت سيف السجان.. وخلاصي اديته بالمجان
(افرد لفوق جناحيك.. وفتح في النور عينيك)٢
(ده كل مالي هو ليك)٢

٢- (كانت عيشتي أسير لقيودي.. سكة طويلة وحمل تقيل
ضعفي ماليني ومين يشفيني.. ومين يرحمني وأنا عليل)٢

١- (ما فيش غيرك يشبع.. نفوس عاشت جوعانة
ويفجر من الصخرة.. مية لقلوب عطشانة)٢
أنت يســــــــــــــــــوع

القرار- (مبارح واليوم.. وبكرة الجاي
ضامن وعودك.. إلهنا الحي)٢

٢- (ما فيش غيرك يشفي.. من الضعف ويدي قوة
ويطلق من الأسرى.. جيوش تهتف لاسمه)٢
أنت يســــــــــــــــــوع
(وتمر الأيام.. وتفضل يا يسوع
تحقق الأحلام.. واللي منها استحال)٢
أنت يســــــــــــــــــوع
٣- (ما فيش غيرك يهدم.. أساس أقوى السجون
يملانا بالتهليل.. وفرحنا فيه مضمون)٢
أنت يســــــــــــــــــوع

١- من آلاف السنين.. وعدك لشعبك صار
(ترد سبي النفوس.. وتخلي القفر أنهار)٢

القرار- وتعود وتدي جمـــال.. عوضًا عن الرماد
تغمرنا بشـاير فــرح.. (تسبيــح)٣ بدل النواح

٢- تشفي برحمة القلوب.. وتشدد عزم الضعاف
(وسنين أكلها الجراد.. هاتعوض عنها أضعاف)٢
٣- نورك تشوفه العيون.. وصوتك يملا الودان
(وشعبك ينال الوعود.. ويملا قلبه الإيمان)٢

من إلهٌ مثلك.. غافر الإثم صافحٌ عن الذنب
إذ تسرّ بالرأفة.. وإلى الأبد لا تحفظ الغضب
تعـود ترحمـــــنا.. تـدوس آثامـنـــــــــا
وتُطرح في أعماق البحر.. جميع خطايانا
لذلك أراقب الرب.. أصبر لإله خلاصي
لا تشمتي بي يا عدوتي.. إذا سقطتُ أقوم
(إذا جلستُ في الظلمة.. فالرب نوري الرب نوري)٢

(اسم الرب هايعلى ويعلى.. في كل مكان
إحنا أولاده وهو أبونا.. بيدينا الأمان)٢
(نهتف دايماً لاسم فادينا.. اللي مالينا إيمان
إن مجيئه حقيقة هاتحصل.. وإن طال الزمان)٢

1- كسر فيَّ كل عند كل زيف وكل شك
ابني السور المهدوم فيَّ يرجع يصير الكل لك

القرار - توبني فأتوب توبني فأتوب فأتوب فأتوب

2- حرك فيَّ كل ساكن فقد النطق والإحساس
سكن كل ثورة في تهد الصح والأساس

3- سكت فيَّ كل صوت علي جوايا عن الحق
عَلّي صوت ضميري فيَّ عشان يقول للشر لأ

القرار- مش راح تخلص الأغاني في حبك يا يسوع
وإن زاد عمري تاني هاغني ليسوع
ولحد ماييجي تاني هانرنم ليسوع
مش راح تخلص الأغاني (في حبك)٣ يا يسوع

١- الإله اللي غفر ذنبي وقتل الموت
للمسيح المنتصر هاهتف وأعلي الصوت
٢- ده أبويا اللي اتبناني من بعد ما كنت يتيم
وزرع في القلب معاني تقدر تتحدى الغيم
٣- للكلمة الحقيقة وسط الأكاذيب
شمس البر العفية نورها في يوم ما يغيب

1- افرح يا شعب المسيح شق سحاب السما بجناحك
أعلن حق الله الكامل اشهد للكون عن إيمانك

القرار- مايهمكش وأوعى تخاف ماتقولش إن إحنا ضعاف
ربك حاضر ربك قادر وفي وسط الأزمات يتشاف

2- مهما تقابل شدة وضيق في اسمه تلاقي حصن أمانك
وعده في ضعفك هايقويك زي النسر يرد شبابك

3- مهما خيوط الشمس تدوب في قلب العتمة وسط نهارك
حقك زي الضهر يبان ومافيش قوة تهز سلامك

١- (كل يوم بيعدّي.. باقول أنا بس ليك
وحياتي هاتشهد عنك.. وعينيَّ هاتبقى عليك)٢
وآجي وأبص لنفسي.. وأشوف إنسان أناني
قلبي مش ملك ليك.. إديته لحد تانــي

القرار- (بحبك يا يسوع.. خليني أعيش أمين
بحبك يا يسوع.. أنا ليك طول السنين)٢
عايز أقول إني بحبك.. قلبي بيهتف بحبك
عايز أقول إني بحبك.. قلبي بيهتف ويقول
(بحبك يا يسوع)٢

٢- (مرات كتيرة باعيش.. وبانسى إني ابنك
وأمشي ورا أوهام.. في الدنيا تاخدني منك)٢
مالقيتش اللي يكفيني.. واللي يخليني سعيد
لأني في بعدي عنك.. كنت باعيش وحيد
٣- (اقبلني يا رب بضعفي.. مين هايغيرني غيرك
اقبلني يا رب بحيرتي.. واملاني كمان من خيرك)٢
ومهما إن عشت تايه.. هآجي وأرجع لك تاني
وحتى إن صاح الديك.. أنا هاشهد ع اللي فداني

1- لسه صوتك في وداننا رغم مرور السنين
شايفين الوعد بعيوننا بتنهض ملايين

القرار- وبلدنا ترجع تاني تسجد لجلالك العالي
ويخرج من الميادين تسبيح وأغاني

2- حبك يرسم أحلامها والقسوة في قربك تدوب
كلامك يملى وديانها تشبع بيه القلوب

3- بلدي يا رب في مشيئتك مهما تكون الأمور
هانشوف الخير في جيلنا والضلمة هاتبقى نور