إسمحلي أقرب (19 ترنيمة )

يا قارب عالي فوق الموج معليني
يا راعي مكفي أعوازي ومعزيني
يا جلجثة عالية يا فوقها صليب
قصاد عيني وعينه بتحب بتعاتب
وتحكي لي
تقول لي كفاية تاج الشوك على جبيني
بلاش مسمار كفاية العار مغطيني
رضيت بالعار عشان ماتقولش ناسيني
يا قارب عالي فوق الموج معليني

القرار- في التجربة يارب باتسند عليك
وفي وقت محنة بالتجأ يارب ليك
إنت اللي عندك الحلول للمتعبين
وبإشارة من إيديك تسعد حزين
كل أملنا في الوجود يارب فيك
وإنت الحياة ومافيش حياة غير بس بيك
صرخة أنين خارجة من قلب حزين
محتاج لمنقذ يرفعه من وسط ضيق
وفي وقت قلت مافيش أمل سمعت صوت
عند يسوع المستحيل غير مستحيل
قلب كبير قلب يسوع قلب كبير
أب مجيب لصلواتك هو مجيب
أطلب ربك بثقة وإيمان هاتشوف عجايب فوق الخيال

مستنيك مستنيك تحت صليبي مستنيك
كل ضيقاتك كل آهاتك باب مقفول مفتاحه في إيديك
تحت صليبي تلقى أمان تحت صليبي مافيش أحزان
تحت صليبي شيطان مهزوم وخطايا في بحر النسيان
تحت صليبي تقول خطاياك مهما إن كانت مش هانساك
وعد إلهي بدمي أمحيها إياك تنسى الوعد إياه
تحت صليبي هاتلقى الحب متعلق على خشبة عار
أخدت اللعنة عشان تتبارك مع إني القدوس البار

جرب اقعد معاه واحكي له على كل أه
احكي له على همومك يسمع هو في سماه
مسنود على إيد قوية بتغفر الخطية
ده إنت في حماه اقعد معاه
بحياته اشتراك وبدم غالي فداك
يسوع هو اللي يحرر ويدي قوة ويقدر على تعب الحياة
يسوع ادانا بركة وبكلمة منه نحيا
وبلمسة توبه تشفى منا كل الجراح
اتكل عليه في ألمك واحكي له على اللي في قلبك
ده إنت في حماه اقعد معاه

اسمح لي أقرب حبة منك وأجي ألمسك
أخد قوة تشفي مرضي ده أنا نفسي اعرفك
أنا عارف إنك طريق أنا واثق إنك نجاة
اسمح لي أكون لك صديق ومعاك أعيش الحياة
ده أنا قلبي فاضي جاي في ميعادي وإنت يارب مشتهاه
مرضي ده في طولي ماسح سطوري بصفقة السما
سنة جديدة فرحة أكيدة بعيدة عن المرار
خليني ساجد ولا مرة أعاند وأفكر في القرار
قراري ما بين إيديك وأنا عاوز مشيئتك
خليني أكون ليك عرفني طريقك
حارب معايا واغلب بحقك عيشني بمراحمك
ده قراري ما بين إيديك أنا واثق إنك نجاة
خليني أكون ليك ومعاك أعيش الحياة

كم هو ضيق قلبي ليتك توسعه وتسكن فيه
خرب هو ليتك تصلحه ولكن ما به سيخزي لي عيني
أعلم ذلك وأعترف أمامك فليس سواك أصرخ إليه
فمن الخطايا المستررة أبرئني فإن سجودي أمام قدميك
سألت نفسي مرارًا عنك من أنت لي
وإذ بروحك يهمس في أنا من توجد وتحيا فيه

مع كل المتعبين عايش بقالي سنين
أيوه بادور عليك عرفني إنت فين
ما إنت رجايا الوحيد حساك عني بعيد
قربني من جديد ساعدني يا يسوع
ما إنت رجايا الوحيد حساك عني بعيد
قربني من جديد قويني يا يسوع
يا إلهي في بعدي عنك إزاي أقدر أعيش
ما هو كل سلامي منك ومن غيرك ماليش
إنت فاكرني ياربي أبدًا مابتنسانيش
جوه حضنك يا ربي أنا دايمًا في أمان
تعالَ واسكن في قلبي املاني بالسلام
ده أنا في قربك ياربي بانسى كل الآلام

كونوا كاملين بالمسيح وفي المسيح
وللمسيح نابضين وغارقين في القلب الجريح
كونوا كاملين مشعلين الروح في الجسد الطريح
خالقين ومبدعين بالعقل الجريح
زارعين النور في الكون الفسيح

1- ربي يسوع أنت إله عطوف وضعت لي الآيات في كل طريق حياتي
قلت أنا معكم كل الأيام وإلى انقضاء الدهر لن أترككم
القرار- ماذا أطلب لحنانك أشتاق أشتاق لكلماتك عندما تناديني
وتقول يا حبيبي اسمك منقوش على كفي وشعرك محصى لدي
2- في ضيقي أراك تقول يا حبيبي لا تخف لأني أنا معك
تعزيني في حزني وتقول يا حبيبي سأمسح كل دمعك
3- في صلاتي أنت واقف تقول يا حبيبي ما تطلبه بالصلاة تناله بالإيمان
تناديني في تعبي وتقول يا حبيبي تعالَ لي وأنا أريحك

حنانك ياربي يغزو القلوب فأنت الصديق وأنت الحبيب
لأجل الخطاة بذلت الحياة سفكت دمائك فوق الصليب
فليس شبيه لحبك هذا فحب الإله عجيب عجيب
تحب الجميع وإذ يطلبون بكل حنان لهم تستجيب
وتصغي إليهم بطول أناة فصدرك يارب صدر رحيب
تنادي الجميع: تعالوا إلي لكم في فؤادي الشفوق نصيب
تعالوا إلي يا جميع التعابى فيفرح قلب الحزين الكئيب
فتحت فؤادي لكم يا بني وقلبي ينادي فهل من مجيب
تعالوا سريعًا ولا تبطئوا فعرشي معد ووقتي قريب
نعم يا إلهي سنأتي إليك بحب حرارته كاللهيب

من مثل إلهي في حبه لي قد مات لأجلي ويهتم بي
يعزيني في حزني وسلامًا يعطيني يشفيني عند مرضي
وفي ضعفي يقويني
قد تأتي ضيقات ويسود الظلام لكن في ظلامي أشعر بالسلام
لأنه يضمني وبحكمة يرشدني أبدًا
يمضي بنا الزمان وتمر السنين لكن يبقى إلهي دومًا راعي أمين
لأنه رب الحياة أسكن في حماه وتسبحه الشفاه

القرار- ماسك إيدي دايمًا ياربي بتعدي بي كل البحور
بحور همومي وضعف نفسي تديني قوة زي النسور
1- يكفيني إن أشوفك ياربي في كل لحظة فيها ألم
ما إنت اللي قلت اوعوا تخافوا في الضعف قوتي تكتمل
بدموع عيني بابكي ياربي غلطان وحاسس بالخجل
ومن عنادي وبعدي عنك ورضاك علي هو الأمل
2- ماسك إيدي وعينيك علي وسنين حياتي في قبضتك
منقوش في كفك موجود في قلبك غافر ذنوبي برحمتك
ماليش حبيب ولا أب غيرك إنت من الناس كلها
وفين وصية حب إلهك من قلبك فكرك وقدرتك
محتاجة ليك دايمًا ياربي ولا عمري أبدًا هاكتفي
من حنانك وعطف قلبك إنت يسوعي منقذي

من خوفك علي  جيت من حزنك علي بكيت
ودموع مالية عينيك من خاطي يكون عبد ليك
أه من جرح جنبك اللي طعنته بقسوتي
وبديت حبك لي تاج شوك صنعته بإيدي
حنانك يدفي قلبي وفي حضنك بارتاح ياربي
ولمين غيرك هاروح وأنا خاطي كلي جروح
إنت نبع الحياة ملجأ قلبي وحماه
هارمي كل الخطايا واثق إنك معايا

أنا عايز أشوف النور وأمشي وأمد الخطاوي
وأقول له يا ربي ناوي أحطم كل سور
أنا عايز أشوف النور وأسيب حضن التعابى
وأقول له اقبلني يا أبا من عيشة الجحور
أنا عارف إن الحياة من غيرك
شيء مش محتمل ومعاك كل حياتي سلام
راحة فيك الأمل
أنا عارف إنك ياربي النور وفي بعدي إيه العمل
أنا أعمى وسط موت وسط العالم بحاله ده فاكرني من عياله
مش بانطق أي صوت دقت طعم السكوت أخرس والكل عالي
بيحطموا آمالي فريسة بين أسود

1- عظيم أنت يا إلهي الحبيب عظيم وممجد في قديسيك
لك التعظيم لك كل التسبيح لك كل ركبة في سجود لك
القرار- إلهي أنت وليس غيرك لك المجد يا يسوع
رفيقي أنت في كل الحياة تسبيحي أنا يا يسوع
2- خير دائمًا تعطيني سيدي ليس استحقاق يا يسوع
لكن أبوتك تعني محبتك فطبيعتك هي الجود
3- تنسى خطيتي لحظة توبتي تهب الأفراح وتمنع عني الدموع
تعطيني نصرة تعطيني غلبة فالحرب لك يا يسوع