باسم سعد (4 ترنيمة )

1- حياتي معطوبة باحلم بيوم الرجوع
2- ياللي قتلت الموت وليك سلطان عليه
3- تعال دا أنا مدفون ومتكفن كمان
إنت إلهي الحنون وصاحب السلطان
القرار - فين أراضيكي يا توبة بانده بقالي سنين
من الشر مغلوبة نفسي في توبة بدموع
وإرداتي مسلوبة ساكن في قلبي أنين
ياللي هزمت الشيطان واديتنا نصرة عليه

يا قارب عالي فوق الموج معليني
يا راعي مكفي أعوازي ومعزيني
يا جلجثة عالية يا فوقها صليب
قصاد عيني وعينه بتحب بتعاتب
وتحكي لي
تقول لي كفاية تاج الشوك على جبيني
بلاش مسمار كفاية العار مغطيني
رضيت بالعار عشان ماتقولش ناسيني
يا قارب عالي فوق الموج معليني

مستنيك مستنيك تحت صليبي مستنيك
كل ضيقاتك كل آهاتك باب مقفول مفتاحه في إيديك
تحت صليبي تلقى أمان تحت صليبي مافيش أحزان
تحت صليبي شيطان مهزوم وخطايا في بحر النسيان
تحت صليبي تقول خطاياك مهما إن كانت مش هانساك
وعد إلهي بدمي أمحيها إياك تنسى الوعد إياه
تحت صليبي هاتلقى الحب متعلق على خشبة عار
أخدت اللعنة عشان تتبارك مع إني القدوس البار

(باحلم بكوخ في بلاد بعيدة ماعرفش اسمها
مايهمنيش فين على الخريطة ولا عايز رسمها)2
(كل البلاد واحد والفرق في الإنسان
مابقاش خلاص فارق في الدنيا أي مكان)2
(كلنا عايشين في أرض دايرة متغيرة
ليه الصراع والحب ليه راح يا ترى)2
(نويت خلاص أخرج نفسي من الدايرة
ومن القيود والناس ومن أسئلة حايرة)2