راجي كمال (62 ترنيمة )

1- طمني قلقان على بكره وسط ده كله هاعيشه إزاي
مش لاقي فرح تشوفه عيني بس وعدت وقلت أنا جاي
قرار- مركبي بتخبطها الريح قلبي جوه ضلوعه جريح
بس الخوف بإيديك يتبدد كل الدين وياك يتسدد
أنا متطمن وأنا وياك لي مكان محجوز في سماك
2- يمكن خوفي يغلب مرة واثق وعدك وعد أكيد
مهما الموج كان عالي علي بيك راح يبقى قلبي شديد
3- يبقى إزاي أقلق أو أخاف بكره أنا ضامنه خلاص وياك
هو في إيدك دبره إنت واملاه خير من بحر غن

القرار- (أه يارب الكون يا إله وحنون
مين يطفي النار وليه دمائنا تهون)2

1-(وإمتى يا قدوس هاتنتقم لنفوس
شهداء على اسمك على دمهم بندوس)2
على دمهم بندوس
2-دم الشهيد يصرخ لك صوته يسمّع ليك
فوق الجدار يتألم يا رب اسمع ليه)2
يا رب اسمع ليه
3-(أحشاء بتصرخ خوف يا إلهنا إمتى نشوف
حقك يعوَّض لينا نقطة دمانا ألوف)2
نقطة دمانا ألوف
4-(يا إسكندرية كفاية دمه بيصرخ فيكِ
مارمرقس اللي جاب إيمان إلهنا إليكِ)2
إيمان إلهنا إليكِ
5-(يا كنيسة لسه بتدّي شهداء لحد الآن
دم الشهيد هيجبلك نفوس في كل مكان)2
نفوس في كل مكان

دموعي دي في عيني أنا ولا عينيك
أبكي من ضعفي ولما أتعب تبكي عينيك
وإن صرخت صوتك إنت باسمعه
وإن سكت دمعي صمتك يمسحه
إزاي كده؟ كل مشاعري هي فيك
كل دموعي شفتها جوه في عينيك
مع إن جرحي في أنا الدم شايفه من إيديك
ممكن تسامح ابنك اللي تعبك في يوم
خلاك تشعر بأوجاعه دي والهموم

كونوا كاملين بالمسيح وفي المسيح
وللمسيح نابضين وغارقين في القلب الجريح
كونوا كاملين مشعلين الروح في الجسد الطريح
خالقين ومبدعين بالعقل الجريح
زارعين النور في الكون الفسيح

يا قارب عالي فوق الموج معليني
يا راعي مكفي أعوازي ومعزيني
يا جلجثة عالية يا فوقها صليب
قصاد عيني وعينه بتحب بتعاتب
وتحكي لي
تقول لي كفاية تاج الشوك على جبيني
بلاش مسمار كفاية العار مغطيني
رضيت بالعار عشان ماتقولش ناسيني
يا قارب عالي فوق الموج معليني

في وقت صلاتي دايمًا بلاقيك برفع لك إيدي وأتلذذ بيك
وباقولك ربي أنا نفسي أرضيك وتقدس شهواتي وأعيش أنا ليك
والشك ماليني أنا باستمرار اديني القوة ومتسبنيش أحتار
عايش مخدوع في خطايا شروري
والهم آسرني مش شايف نوري
دايمًا أنا خايف وبعيش تعبان ارحمني يا ربي واديني أمان
أرجوك ارحمني وارحم ضعفاتي وارشدني ياربي ورجعلي حياتي

القرار- ماسك إيدي دايمًا ياربي بتعدي بي كل البحور
بحور همومي وضعف نفسي تديني قوة زي النسور
1- يكفيني إن أشوفك ياربي في كل لحظة فيها ألم
ما إنت اللي قلت اوعوا تخافوا في الضعف قوتي تكتمل
بدموع عيني بابكي ياربي غلطان وحاسس بالخجل
ومن عنادي وبعدي عنك ورضاك علي هو الأمل
2- ماسك إيدي وعينيك علي وسنين حياتي في قبضتك
منقوش في كفك موجود في قلبك غافر ذنوبي برحمتك
ماليش حبيب ولا أب غيرك إنت من الناس كلها
وفين وصية حب إلهك من قلبك فكرك وقدرتك
محتاجة ليك دايمًا ياربي ولا عمري أبدًا هاكتفي
من حنانك وعطف قلبك إنت يسوعي منقذي

قالوا قلبك مثل الصخرة لا يهتك من أي ضربة
انشف من رجل في صباه الدمعة لا تعرف لك مجرى
تتلاطم الأمواج من حولك فتخرجين منها منتصرة
لا يصل الحزن إلى قلبك وعيناك دائمًا بلا دمعة
لكن ما لا يعرفونه إن دمعي يعتز بكرامته
يؤمنون أن قوتي في دمعي وقوة الرجل في رجولته
يرونني باستغراب أودع أبنائي ببهجة
يذهبون لسيدي يسردون شجاعتي
واجهت كل أنواع الدمار والخراب في كل العصور

اسمح لي أقرب حبة منك وأجي ألمسك
أخد قوة تشفي مرضي ده أنا نفسي اعرفك
أنا عارف إنك طريق أنا واثق إنك نجاة
اسمح لي أكون لك صديق ومعاك أعيش الحياة
ده أنا قلبي فاضي جاي في ميعادي وإنت يارب مشتهاه
مرضي ده في طولي ماسح سطوري بصفقة السما
سنة جديدة فرحة أكيدة بعيدة عن المرار
خليني ساجد ولا مرة أعاند وأفكر في القرار
قراري ما بين إيديك وأنا عاوز مشيئتك
خليني أكون ليك عرفني طريقك
حارب معايا واغلب بحقك عيشني بمراحمك
ده قراري ما بين إيديك أنا واثق إنك نجاة
خليني أكون ليك ومعاك أعيش الحياة

1- أوقات تعيش وسط المراحم وساعات تموت وسط الدموع
فكر وظلام ولا حد راحم وسط الخطايا عايش خضوع
وكتير بترفض إنك إنت تشيل صليبك
شايف عيوب الناس وناسي حتى عيبك
وتفتكر إن عيون الناس مش شايفاك
القرار- ده يسوع إلهنا مستني كلمة صلاة قادر يطهر ويبرر من الأحزان
اقرا كلامه في كتابه واهب حياة هاتدوق الفرحة وتعيشها طول الأيام
2- فين خلوتك سيب المزاحم عيش ليسوع وسط الموت
وبين الناس خليك مزاحم شمعة بتضوي بين الب