مختارات 1 (9 ترنيمة )

1- (ياللي تقدر تشبع وتجيب الطلبات
بجودك ربي بتكفي وتفيض بالبركات)2
(صادق في مواعيدك إنك تغني عبيدك
أكثر مما نفكر والمجد بنهديلك)2

القرار- يا مسدد كل احتياج و إيديك تشبع آلافات
بنصدق إنك موجود وتزيل كل الأزمات
بتهدي كل الأمواج وتشيل عنا الصعوبات
وبخيرك تملأ أيامنا و تكللنا بالرأفات

2- (لو رفعنا عينينا و ثبتناها عليك
بحُب بتنظر لينا و بتمسكنا إيديك)2
(بتغير كل الحال وتبدل الأحوال
لو حتى عجز يكون هاتصنع المحال)2
3- (فروع الكرمة هاتكتر وتمتلئ بالثمار
وعمل الرب هيكبر وتغمرنا الأنهار)2
(ولو قدمنا حياتنا نفوسنا وكل طاقاتنا
مش ممكن يوفيك حمد وشكر قلوبنا)2

1- اختبارات المؤمنين في كل يوم تقول ده إلهنا إله أمين في إيديه كل الحلول
لسه بيوعد ويوفِّي يدي حلاوه من الجافي ويشق بحور ظروفي ويضمن لي الوصول

القرار- (إحسانك فوق الأوصاف أحكامك عدل وإنصاف
ومادام الرب نوري وخلاصي .... ليه أخاف؟ )2

2- في آلام التجربة وف ليل الانصهار معدن حياتي يصفى ويتطهر بنار
وأخرج أقوى وأكبر ومجدك في يظهر وبعد ليل دموعي تبقى لي انت النهار
3- وما بين ضلمة ونور إيماني يكون شهادة ينشر ريحة السرور بلسم شافي وضمادة
وأنسى إني كنت خايف وأنسي إني كنت جريح واللي يشوفني يلاقي فيَّ صورة المسيح

1- بعدما كان ذل وهوان كان صليب العار
فيه الرحمان خلص الإنسان صليب الحياة
صليب النجاة صليب الانتصار
(صليب العز صار)2

القرار- (يالذا الحب العجيب يالروعة الصليب)2
كان قصاصًا صار خلاصًا
صار للافتخار صليب العز صار

2-(رب الأرباب ذاق العذاب لأجلي أنا وأنا التراب)2
(أنا الخاطي وهو المسيح البار)2
3- (خالق الأكوان نبع الحنان عانى الآلام كإنسان)2
(مات عنّي على الصليب بأختيار)2

1- (في فجر أول الأسبوع بعد المسيح ما صُلب واتهان
نزل الملاك رفع الحجر لما يسوع قام وانتصر)2

القرار- (قام المسيح بالحق قام قام المسيح فادي الأنام)2
هو مات وحمل أحزاننا واندفن في القبر مكاننا
لكنه قام زي ما قال هو حي بيشفع فينا
هو حي وعينه علينا غلب وإحنا غلبنا معاه

2-(ظن الشيطان إنه غلب لما الجنود وضعه الحجر
قال إن ده آخر المطاف لكن يسوع قام وانتصر)2

١-من أنا لأصير من شعبك من دُعي عليهم اسمك
عجباً هل دعوتني أنا لأكون مُلكاً لك
هل لغريبٍ لضالٍ أثيمٍ أن ينتمي للملك
عرفتني كم أنك رحيم إذ غرستني في كرمتك

القرار- مباركٌ اسم الرب مباركٌ اسم الرب
كل ما في باطني يقول مباركٌ اسم الرب

٢-أظهرتَ لي عظيم رحمتك بسفك دماء الحمل
حبك يفوق كل خيالٍ بجملتي أباركك
مجداً لك قد انشق الحجاب وأعلنتَ لنا سرك
والآن أصرخ يا أبا الآب مجداً فقد صرت لك

1- (سود يا يسوع في حياتي نفسي معاك مرتاحة
فيـك بـلـقـى نجـاتـي وف قربـك ألاقـي الراحـة)2

القرار- (انت مالك عمري انت سيد قلبي
انت وحدك ربي وكل حبي ليك)2

2- (ليك باقدم عمري باهدي إليك أيامي
وحدك مالك أمري وانت سر سلامي)2
3- (غالي ياربي عليَّ غالي عملك فيَّ
حبـك مـالي كيـاني كنـزي وكـل مـاليَّ)2

القرار- (ولا بنخاف من الليالي أو سهم طاير أو بشر
تحت جناح الرب محميين ندوس قلب الخطر)2

1- (ونخاف من إيه واحنا معانا اللي غلب الموت!
لو مرة ضاقت نفتكر يونان في بطن الحوت)2
2- (ونخاف من إيه والرب وعده إنه لينا يصون!
من مصر وسط الذل أنقذ شعبه من فرعون)2
3- (لو فجأة ضاع منك حبايبك ومن العبيد مغلوب
غريب في أرضك بين ذكرياتك افتكر أيوب)2
4- (لو حتى سيف الشر صابك افرح ده ربح أكيد
مع المسيح كانت حياتك والموت ده يوم العيد)2

1- (من حبك للعالم جيت مُت عشانا يا رب بقيت)2
شايل عارنا دقت مرارنا رجعت نهارنا وخليت
أحزاننا تهرب وتدوب

القرار –عايش أنا في العالم أيـوه والعالم مش عايش فيَّ
قلبي اتعلق بالمصلوب
وبحب العايشين في العالم لكن باكره كل خطية
لا متعة تغريني ولا طيوب

2- (ما بحبش عالم هايزول وطني السماء وتملي باقول)2
لو حبيت العالم هاشقىَ هابقى عدو الله ... معقول!
ده أبويا الغالي المحبوب
3- (عالم فاني وكله حروب واللي يحبه يعيش مغلوب)2
و قلوب التائبين بتسيبه وتروح للي جعلها تتوب
تشبع بكلامه المكتوب

القرار- (عمود سحاب وعمود النار وعين بتحرس ليل ونهار)2
(في أرض مصر إله جبار ووعده أرض جديدة ودار)2

1-(في مصر شعب الرب حزين طلب حماية وقال: يا معين
طلب وعود الرب عشان وعوده ما تغيرها سنين)2
وعوده ما تغيرها سنين
2- (يا مصر شعب وسلطة وجاه نسيتوا إن الرب إله
وقسيتوا على شعبه اللي اختار وقُلته إن إلهه نساه)2
وقُلته إن إلهه نساه
3-(مرشوشة بالدم الأعتاب والحل واضح إنه قريب
بدأت تبان أرض الأحباب وبكره هتروّح يا غريب)2
وبكره هتروّح يا غريب