كل الترانيم بالكوردات (751)

القرار- (أنا فرحان.. أكيد فرحان
أنا كلي سعيد.. وقلبي حاسس بالأمان
معايا فاديَّ.. ماشي جنبيَّ
بيفكر فيَّ.. وشايل همي.. من زمان)٢

١- ومهما يجرح.. شعـوري العالم
ومهما يحاول إنه.. يفشلني ويخزيني
ألاقي في قلبي.. ترنيمة ربي تعزيني
وييجي فاديَّ.. ويمسح ليَّ.. دمعة عيني

٢- ومهما ييجيني.. إبليس بكلامه
ومهما يحاول.. إنه يجربني ويغويني
ألاقي في قلبي.. كلمة من آية بتغنيني
بترد عليه.. وبتكسر شوكته.. وتنجيني
٣- وإن جه أصحابي.. وغلطوا فيَّ
ومهما يحاولوا.. يسيئوا بكل كلامهم ليَّ
ألاقي في قلبي.. قوة ربي بتقويني
وارد الشر.. بكل الخير.. اللي إداه ليَّ

١- أنا فرحان لأني صغير ويسوع بيحب الصغار
جه علشاني وراجع تاني علشان يخطف الأبرار
يسوع قال لكل الناس خلوا الأولاد يجوا لي لازم تبقوا زيهم إن كنتم بتحبوني)٢)

٢- أنا فرحان لأني بحبه وهو كمان بيحبني
دايماً أسمع كل كلامه وهو كمان مبسوط مني
والشيطان لما يجيني راح أقوله ابعد عني وأنده ليسوع ينجدني ويسوع حالاً يحميني)٢)

١- أنا فرحان .. يسوع في قلبي .. أنا فرحان .. يسوع في قلبي
أهتف وأرنم وأعلي صوتي أنا فرحان يسوع في قلبي
٢- ربي يسوع .. باهديلك حبي .. ربي يسوع .. باهديلك حبي
أهتف وأرنم وأعلي صوتي ربي يسوع باهديلك حبي

أنا في قلبـي ليـك حـب من الله
أيوة في قلبي ليـك حـب من الله
واللي باشوفه فيك يشهد عن مجد الله
وانا في قلبي ليـك حـب من الله

١- (أنا قلبي يسجد لجلالك كل يــــوم
ولساني يشكر ع الحياة اللي في يسوع)٢
أنا بيك سلامي ونصرتي وحبي يدوم
كنت النهارده هابقى إيه من غير يسوع

القرار- (يا يسوع أنت ملك الملوك رب الأرباب
أنت في نورك يختفي كل الضباب)٢
وتبدل الضعف اللي ساكن من زمان
وتدي قوة ونصرة فوق كل الصعاب

٢- أنا نصرتي في شخصك حقيقة مش كلام
بعد الهزيمة اللي ملت قلبي دموع
أنت بتملا القلب فرحة وسلام
كنت النهارده هابقى إيه من غير يسوع
٣- (يا ربي نورك وسط ضلمتي يبان
وبكلمتك تشبع حياتي بعد جوع)٢
حتى في ضعفي تضمني وتدّي الأمان
كنت النهارده هابقى إيه من غير يسوع

١- أنا ماشي وعارف إني معاك
أنا واثق في وعودك وفداك
مش خايف نصري أكيد ده أنا في حماك
أنا هاســــــتناك
٢- أنا ضامن عمري معاك والأيام
وضماني ده شيء أكيد وسط الزحام
أنا شايفك بتحبني وتدي سلام
أنا هاســـــــتناك
٣- أنا عارف إنك جاي على الأبواب
يا هنايا بالقاك على السحاب
هاتهلل لما أشوفك مع الأحباب
أنا هاســــــــتناك

1-(أنـا مـاشـي ولـيَّ معـاك بهجـة وعشـرة وفـرح سمـاك
كـل دقيـقـة أنا باستـنـاك بـتـوجهنـي لفعـل رضـاك)2

القرار-(فـرحـان أنا بإلهـي البـار رافـع راسـي باستمرار
وفى قلبـي ليـه افتـخـار وبدمـه صـرت أنا جـبـار)2

2-(أنا ماشـي معـاك مسـرور مهما قابـلـت تعـب وشـرور
بيـك أنا غالـب بيك منصـور طول ما بدمـك أنا مسـتـور)2
3-(أنـا ماشـي وعينـي عليـك قـلبـي يا ربـي بيهتـف ليـك
شبعـان أنا من خيـر إيديـك يـا أبـويا وأعـز صـديـق)2
4-(حمد وشكر في قلبـي ليـك كـل كيـانـي مأسـور بيـك
كـل حياتـي ليك باهديـك وحدك ربـي يا أغلـى مليـك)2

1- أنا ماشي ونورك قدامي.. وكلامك نوري في أيامي
إبليس إن كان يتحداني.. راح أدوسه بدم اللي فداني

القرار- أنا ماشي وحبك ليَّ منار.. وصليبك عدّاني من النار

2- أنا ماشي ما دام إنت معايا.. والهدف أهو واضح جوايا
في طريقي باراجع خطواتي.. وباتابع صوتك في حياتي
3- أنا ماشي ودايس على ألمي.. وصليبك فوقي يصبح علمي
في طريقي أنا لازم أتألم.. توهبني آلامك أتعلم
4- أنا ماشي وصوتك عزاني.. من روحك يا يسوع املاني
تسبيحك يعلى في مشواري.. وهتافك يحلالي في داري
5- أنا ماشي مسافر لنهاية.. وهاسيب العالم ده ورايا
اليوم الرايح مش راجع.. بشرية ومليانة مواجع

القرار- أنا محبوب جداً جداً .. متغرق حب
الله نفسه بيحبني .. وبيسبي القلب

١- قلبه مفتوح عشاني.. والحب ده كان زماني
والعهد ده فيه ضماني.. فرحان أنا باهتف ليه
٢- كلامه نور لسبيلي.. أحلامه هاتبقى مصيري
وفي بلدي يكون تأثيري.. بالروح راح أشهد ليه
٣- أمجاد مستنياني.. والقوة هاتملا كياني
للرب هاعيش أيامي.. ممسوح وباسبح ليه

(أنا محتاج لمسة روحك.. تغيَّرني
وأنا محتاج يا يسوع دمك.. يطهَّرني)٢
(وأنا لما هاجي.. وأشوفك
وأشوف اسمي.. على كفوفك
بتفك الأسر وحقك.. بيحرَّرني)٢
(إن كنت ضعيف.. قويني
إن كنت حزين.. عزّينــــي
إن كنت خاطي.. ابرئني واشفيني
المسني بسلطانك.. وريني مجد جلالك
اغمر قلبي بحنانك.. واروينـــي)٢