كل الترانيم بالكلمات (10847)

1-(أنا جاي ومسنود على وعدك وعينيَّ بتنظر لمجدك
واثق فيك وفي قوة حبك انت إلهـي صادق في وعدك)2
(طول ما انت جوة حياتي يهرب خوفي ويعلى هتافي
تهتف نفـسي ده هو إلهي اللي ضامني في حضنه الدافي)2

القرار - (صادق صادق صادق يا ربي انت يا ربي صادق يا ربي في مواعيدك)2

2- (وإن كانت الريح شديدة أنا واثق انك تبكمهـا
في الحديد لو دخلـت نفسي إلى رحبك ربي بتخرجها)2
(ولو شُفـت نهايتي بعيني وماليش قوة اني أتكلـم
تجييني وتمد لي إيدك تعمـل فيَّ لما باسلم)2
3- (مهما التجارب بتجرّحني لمسة حـنـانـك بتريّحني
تزكّي صبري وتفرّحني في كل أموري وتنجحني)2
(زمن الضيقة زمن محدود مهما حزنه وليله يسـود
أنا مستني فجر جديد يوم ما تحقـق المواعيد)2

القرار - ( انا جاي بربابة وهدفي اسبح اسم فاديَّ
والرب قصادي وسامع حبه وخوفه عليا
يلا يا حبابه في سفر الحياة مكتوب اسامينا
اوعنا نضيع حبه من بين ايدينا ) 2
1- دا هتافي عالي عالي ولاعمره في يوم بيقل
بيعلى ليلة ليلة وف حبه وازاي هايمل
لو حيراني سؤالي معاه بالاقي الحل
( دا ساند ليا حالي وساند حال الكل ) 2
2- احوالي شايف شايف واموري مكشوفة ليه
على طول عليا خايف متشال اسمي في نن عينيه
وانا دايب قلبي في حبه ليه ومافيش بديل
( مهما عنه هاتكلم مش هاوفي جميل ) 2
3- الفرحة جايب جايب والضحكة دي معاه تحلى
ودا خلى الحزن غايب والجاي معاه احلى
ومهما اشوف انا من ايام مطمن بيه
( القلب وكل كياني دا مايغلاش عليه ) 2

القرار –(أنا جايلك أنا جايلك وأنا تعبان
ريحني واملاني بالأمان)2
1-(أنا جايلك بالدموع من عالم كله جراح
أنا جايلك يا يسوع من أيدك عايز أرتاح)2
(ريحني قوام واملاني سلام)2
بين أيدك أعيش في أمان وأنا جايلك
2- (أنا جايلك وف حياتي آلام وناس بتخون
مين غيرك يا إلهي كان قلبه عليَّ حنون)2
(ريحني قوام واملاني سلام)2
بين أيدك أعيش في أمان وأنا جايلك
3-(أنا جاي أصرخ إليك عوض كل اللي راح
أنا جاي ألمس أيديك تشفي كل الجراح)2
(ريحني قوام واملاني سلام)2
بين أيدك أعيش في أمان وأنا جايلك

1-أنا جنسيتي سماوية باعلن عن عمل الله فيَّ
هو إلهي وهو راعيَّ أنا مش مكاني الأرض
أنا مِلْك اللي أسرني على الصليب جِه ومات عنّي
معاه هناك أنا هافضل اغنى وأسجد كَمان للرب

القرار - وهناك ولاموت ولا حزن ولا أوجاع تاني
دايماً هايكون تسبيح بأحلى الأغاني
(عيشتي هنا دايماً سماوية بتعبَّر عن حياتي الجاية)2
رافع دايماً اسم فاديَّ أنا مش مكاني هنا

2-أهتف وأقولها بأعلى صوتي إلهي غفر كل ذنوبي
ودمه غطّى كل عيوبي وقبلني أعيش في سماه
بعد ما كنت عايش وحداني بروحه و بأفراحه نداني
بعد ما كنت حقير علّاني أنا بيه ضمنت حياة
3-و باقول له يا رب قويني أعيش دايماً رافع جِبيني
فوق الصعاب انت علّيني مهما كانت الأخطار
و بسلامك يا رب املَاني خليني أشهد للي فداني
ياللي محلي كل زماني وخلتني من الأبرار

١- (أنا جيت علشانك إنت وأنا شغلي الشاغل إنت)٢
(مشتاق لرجوعك وإنت في عنادك زي ما أنت)٢

القرار- (ده مكانك فيَّ تعال للعشرة معايا تعال
وإيديَّ أليك ممدودة برحمة غير محدودة)٢
(بس أوعى تقسّي قلبك لا تضيع الفرصة منك)٢

٢- (في بعادك أناديلك في أتونك أنا أجيلك)٢
(رح أخلي صحراك وادي ده إنت أعز ولادي)٢

٣- (افتدي الوقت يا غالي وادخل ويايا حجالي)٢
(راح ألذذ قلبك بيَّ وأخلي كأسك ريّا)٢

٤- (بالجمرة أمس شفايفك بإيمان أتقدم شايفك)٢
(هاسكب على راسك طيبي وأعيد من تاني سكيبي)٢

1- (أنا عارف إنك أقوى من ضعفي
أنا عارف إنك تقدر ترفعني
أنا لامس حُبَّك ربي بيقبلني
وبرغم شروري وفشلي بتُسترني)2

القرار- (أنا شايفك وانت بتحميني
أنا شايفك حارس حواليَّ
أنا لامسَك وانت بتهدِيني
وإيديك ماسكة بحب إيديَّ)2

2- (أنا عارف إنك مش ممكن تنسى
حتى لو لحظة ضاعت انت ما تقسى
قلبك مليان بالحب والرحمة
ما هو انت أبويا وربي والمَرسى)2
3- (أنا عارف إنك جالس يا شفيعي
بتحامي عني وتسندني في ضيقي
وأنا هافضل صابر ماشي في طريقي
ولحد ما تيجي تاخدني يا حبيبي)2

1-(أنا عارف إنك بتحبني وعينيك في طريقي شايفاني)2
(وفي ظلمة يأسي تضمني وإيديك في الضعف شايلاني)2

القرار - (يكفيني إني غالي عليك وبحب شايلني جوه عينيك)2
ولامس قربك وسندة إيديك ولامس قربك سندة إيديك

2-(أنا عارف إنك بتحبني ووهبت لي حبك لنجاتي)2
(ونقشتني صورة على كفيك أفراح مرسومة لخطواتي)2
3-(أنا عارف إنك بتحبني ورميت الهمّ بعيد عني)2
(وزرعت البهجة والتهليل والفرحة هي شعار عمري)2
4-(أنا عارف إنك بتحبني توهبني في قلبي أغنية)2
(وفي قلب الليل يملاني وعدك أسرار المجد صارت لي)2

١- (أنا عازم وبأمانة
أعيش لك من قلبي
وباكرس ليك حياتي
أنا بين إيديك ربي)٢

القرار- (أنا لذتي فيك يا يسوع
وشبعي فيك يا يسوع)٢
ده حبك ليَّ كافي
حبك أعظم ينبوع

٢- (لا خطية ولا إغراء
ولا شهوة ولا نداء
أنا هاسمع بس صوتك
اللي بيملاني رجاء)٢

٣- (أنا عهدي معك أبدي
وبحبك يا سيدي
وفي الطريق تسندني
وإيديك تمسك إيدي)٢

1- آدي البحـر هايـج وانا مستنـيـك وانت صاحب القوة والسلطان في ايديـك
2 - الأتـون محـمـى إنـزل قـدامـي وبايـدك الحـلـوة طلعـنـي تـانـي
3- الإسـود جوعانـة ارسـل ملاكـك خلي الملك يعـرف إنـي أنـا ملكـك
4- إنت عارف ظروفي قبل انا ما اشكيهـا مهمـا كانـت صعبـة تقـدر عليـهـا
5- الأطبـا احتـاروا وريـهـم إيـدك خليهـم يقولـوا إن مافـيـش زيـك
6- أنت من السما فى أيام الجوع وأنت ماء الصخرة فى العطش يا يسوع
القرار - أنا عايزك انـت يا صاحـب القـوات تشغـل يميـنـك تعـمـل معجـزات

القرار- أنا عايزك أنت يا صاحب القوات
تشغل يمينك تعمل معجزات

١- أنت عارف ظروفي قبل أنا ما أشكيها
مهما كانت صعبة تقدر عليها

٢- آدي البحر هايج وأنا مستنيك
وأنت صاحب القوة والسلطان في إيديك

٣- الأسود جوعانة أرسل ملاكك
خلي الملك يعرف إني أنا ملكك

٤- الأتون محمّى أنزل قدامي
وبيدك الحلوة تطلّعني تاني

٥- الأطباء احتاروا وريهم يديك
خليهم يقولوا إن ما فيش زيك

٦- أنت من السماء في أيام الجوع
وأنت نبع الصخرة في العطش يا يسوع