ماهر فايز (358 ترنيمة )

1- عالوتر الأول في قيثار أبينا داود ناظم الأسرار
في تطويبات الرجل البار ملك الملوك على جبل الله
2- والثاني من هو الإنسان أبو مجدٍ وبهاء وسلطان
متوَّج على كل الأكوان يهوه ما أمجد اسمــــك
3- والثالث إنك لن تترك في الهاوية نفس تقية
وفساداً لن يري وده وعدك فهو القدوس لذا قد قام
4- والوتر الرابع إيلي إلهي لماذا تركتني
وأنت القدوس متكلي لأخبر باسمك إخوتي
5- والخامس الرب الراعي في مراعٍ خضرٍ يربضني
يرد نفسي ويهديني وأسكن بيته للأبد
6- والسادس أعلنوا بالنغمات صعد التابوت بتسبيحات
رفع الأبواب الدهريات ليدخل ملك المـــجد
7- والسابع مجدٌ وجلال قدامه العز والجمال
قد مـلك مشتهى الأجيال علوا الرب إلهنا
8- والثامن قال الرب لربي اجلس عن يميني في عرشي
أنت الكاهن للأبد على رتبة ملكي صادَق
9- والتاسع صوت الترنيمات في خيام الصديقين هتافات
مبارك الآتي من السماوات احمدوا الرب الإله
10- عالوتر العاشر سبحوه في قدسه وهللوا
وبصنوج الهتاف علوا سبحوا الله هللويـــــــا

يا أيها الملك السمائي يا أيها المُعزي
يا روح الحق يا أيها الحاضر في كل مكان يا مالئ الكل
يا كنز الصالحات يا مُعطي الحياة
هلمّ تفضل وحِل فينا
وطهرنا من كل دنسٍ أيها الصالح ونجِّ نفوسنا

القرار- بابا... يا أبو المراحم يا عطوف
بابا... ارحمنا واطرد أي خوف

1-يا سامع الصلوات يا صانع الخيرات
في الأرض والسموات عيوننا أهي نحوك
بعين متحننة انظر لنا أحيينا
ارحم ونجينا اِعفي حسب كرمك!

2-صارت دموعنا زاد وقت العنا ما زاد
اسند إيماننا بزاد يحيي رجاء شعبك
سألونا طول اليوم هل غبت؟ هل هانقوم؟
و شتاتنا هل هايدوم؟ جاوبنا من فضلك

3-أخطأنا وعصيناك عُلنا في قلوبنا هلاك
لكننا ما نسيناك ولا انت راح تنسى
بتعطفاتك عود اجمعنا لك هانعود
رافعين ايدينا بعود الصلب كالمرسى

4-يا أبو اليتامي حن على أرملة ومسن
شبابنا صار بيئِن اذكر لنا عهدك
خلصنا يا أبو الكل بسلامك انت حِل
سَكِّن قلوبنا في الحصن المنيع اسمك

القرار- احنا أولاد الله دايماً فرحانين ماليانين بالنعمة وقوة كل حين
ليه أولاد الله دايماً فرحانين مليانين بالنعمة وقوة كل حين؟

1- (يوم ورا يوم ورا يوم والهنا وياه مرسوم)2
وادي فرحنا بيكمل بالرب يسوع ويدوم
2- (سنة ورا سنة ورا سنة ولقينا وياه الغِنى )2
عن أفراح العالم وكلام الناس والغُنا
3- (عيد ورا عيد ورا عيد في قلوبنا سما وأناشيد)2
واللي ما بيرنمشِ يصقَّف ويقول بالإيد

1- [عودي يا فرحة عودي عادت ليَّ الحياة
حلّني من قيودي (متّعني بفداه)2]2

القرار- [دومي يا فرحة دومي يا مَحْلى التعزيات
قومي يا نفسي قومي هيمي في البركات]2
هيمي في البركات

2- [زيدي يا فرحة زيدي قلبي اتغير يا ناس
من يومها ابتدى عيدي (يا بهجة الخلاص)2]2
3- [فيضي يا فرحة فيضي قلبي امتلأ سلام
خدني بنفسه من ايدي (لنوره من الظلام)2]2
4- [قولي يا فرحة قولي قلبي سامع وعود
قَالي يسوع كفيلي (حولك أنا موجود)2]2
5- [طيبي يا فرحة طيبي قلبي سجد وقال عدّى
المصلوب طبيبي (شايل عني الأحمال)2]2

القرار- (هاعدي هاعدي.. في الجبال اللي واقفة ضدي
هاعدي هاعدي.. بإيماني اللي مالي يدي)2

1- (هاعدي وهاتعدي.. آلامات وكل ضيقة أنا عيشتها
هاعدي وهاتعدي.. نكبات أنا أقوى بيك منها)2
(وهاتمر صور المُر قدام عينيَّ كذكريات
والسر إن نت حيّ وقمت من بين الأموات)2
(وأمّنتك وآمنتك على كل ما عندي
وأماني وإيماني في الوعد يا سندي)2
2- (هاعدي وهاتعدي.. لحظات الحيرة والشك وظلامي
هاعدي وهاتعدي.. نبرات الحزن و كآبة كلامي)2
(وآديني فارد ايديني.. مصلوب وغالب كما المسيح
في القبر مستني فجر.. وقيامتي جاياني بتسبيح)2
(وثباتي في الآتي.. بعهدك مش بعهدي
والنصرة والقوة.. في إيديك وأنا معدِّي)2
3- (هاعدي وهاتعدي.. بثواني الراحة في ساعات الغريب
هاعدي وهاتعدي.. بحلاوتها وجمالها ولو للمشيب)2
(وهاينتهي كل ده.. في لحظة ما هايجيني وأراه
وبجسم جديد روحاني مجيد.. هاشوفه وأعيش معاه)2
(وهاقضّي في المجد.. حياة في نور أبدي
وهارنم وأنا باخدم.. في بيت الآب سيدي)2

هللــــويا هللــــويا.. دي حياة في نور أبدي
هللــــويا هللــــويا.. في بيت الآب سيدي

1- خليني أقدّر أبوتك.. وفديتك بروح خشوع
وأسجد بحمد لنعمتك.. ومحبتك لينا في يسوع
(خليني أعيش عمري اللي باقي.. ع الأرض ليك
يكفى اللي ضاع من بين إيديَّ.. وانا اسمي ليك)2

القرار- (يا أب يحبنـي.. يا حـب يردنـي)2
يا قلب يضمني.. (يارب ارفعني ليك)2

2- خليني أقدم برأفتك.. حياتي لك وكل شيء
ثبِّت جذوري في كرمتك.. نقيني بالحق المضيء
(خليني أكون غصن في مسيحي.. مليــان ثمــار
أشهــد بروحـــك وبكـــــــلامك.. عـــن اختبار)2

مش بعيد عليك يارب مش بعيد أبداً عليك
مش بعيد ما أنت المحب وأما نصرخ نلتقيك

وليك في الموت بيبان مايشوفهاش العيان
وليك في بحور آلامنا معابر للأمان

ولو العتمة تعافر تحط لليلنا آخر
بفجر فيه الإجابة والتعويض للي صابر

ترد حق الضعاف يرجع لهم أضعاف
واللي بيضحك آخرها يضحك زائد هتاف

1- ناس كتير على اسمك وهما جاهلينك
وناس أكتر بالاسم لك وبتعبد غيرك
وناس تانيين تشتاقلك وتتمنى تجيلك
وناس هنا وعايشينلك وتموت ولا تهينك

القرار- آه آه آه وعايزينك
آه آه آه و حابينك
تيجي بلدنا تاني تيجي بيوتنا تاني
بالروح بإنجيلك بالروح بقي نيجي لك

2- ناس واظبوا في كنائسهم وانت غايب عنهم
وناس خدموا في كنائسهم تعاليمهم وعلامهم
والروح بيضُم يوماتي في كنيستك من غيرهم
وناس عمدان وحجارة ومنارة إيمانهم
3- نشهد هنا عن اسمك وانت شاهد عنا
نحمل بفرح نيرك وانت اللي شايلنا
نخدم هنا في ولادك و بتخدم فينا
نحمي إيمان إنجيلك وانت اللي حامينا

1- (يا حياة المسيحية.. يا مسيح الحياة
يا ديانتي الحقيقية.. يا رسالة السماء)2
(قبـلك لا إلــه.. بعـدك لا إلـه)2
(مـلك الملـوك.. ورب الأربـاب)2
(سـيدي وملكي.. يسوع المسيـح)2
2- (يا منار المسيحية.. يا مسيح الصليب
دي المحبة الإلهية.. والخلاص العجيب)2
(لا غفران خَطَا.. لا مرواح سما)2
(إلا بـدمـاك.. إلا بـفــداك)2
(سيدي وملكي.. يسوع المسيـح)2
3- (يا أمـان المسيحية.. يا رئيس الإيمان
والآيات الكتابية.. هي صخر الضمان)2
(لا أعبد سواه لا.. لا أرضي إلاه لا)2
(محبوب العباد.. سيد الأسياد)2
(سيدي وملكي.. يسوع المسيح)2
4- (العروش العلوية.. جايه بالتقديسات
والجنود السماوية.. هالّة بالتسبيحات)2
(تعلن أن لا.. معبودٌ سواه)2
(ننحني سجـود.. لرب الجنـود)2
(قُدوسٌ قدوسٌ أنت.. قدوس الإلــــه
سيــدي و ملكــي.. يســــوع المسيـــح)2