ماهر فايز (358 ترنيمة )

1- أول من قام وهو الحيـــاة بصليبه داس على الموت ونهاه
2- تاني الأقانيم في ثالوث قدوس قـــام من الأموات لأنه القدوس
3- تلات أيام وتلات ليـــــــال وفي الفجر قام وتم اللي قـــــال
4- أربع أناجيل وشهود عيــــــان كرزوا في العالم بأنه قــــام
5- خمسة في مية دول خمسماية بعد القيامة كمان شافوه علانية
6- ستة مع بطرس رجعوا للصيد بعد القيـــامة جابهم بالإيـــد
7- سبعة أسابيع من القيــــــــامة وأرسل روحه يوم الخمسيــــن
8- ثامن زي نوح بعهده الجديــد دُفنا معاه وقمنا لحياة أبديــــة
9- تسع ثمـــــار روحه القدوس تشهد وتقول فينا الرب قـــــــام
10- عشر وصايا وأجر الخطيـة أكمل ودفع وببره قام وقومنــــا

1-(لو فرض والدنيا ضحكت والسعادة جت في يوم
والمرض والفقر غابوا وكان منابك أعلى كوم)2
(والحياة مابقيتش صعبة واختفت كلمة يا غربة)2
(اسمع اللي فصلها بعد ما شاف أصولها قالك إيه
ماتساويش ماتساويش والكل باطل ماتساويش
ماتساويش ده ثمنها بلاش تفاصل ماتساويش)2

2-(شمس من تحتيها لا منفعة ولا فيها ارتياح
حفنتين تعب الحياة كلها قبض الرياح)2
(خد لي جنبك خيمة يا أبويا إبراهيم يا غريب
نفسي أبعد عن سدوم حتى لو فيها القريب)2
(وأبني مذبح قلبي يفرح بالصلاة والترنيمات
روحي تسبح وألقى مطرح للسكن بعد الممات)2
و أنده اللي فاكرها جنة راجع الحسبة وتأنى
واسمع اللي فصلها بعد ما شاف أصولها قالك إيه
(ماتساويش ماتساويش والكل باطل ماتساويش
ماتساويش ده ثمنها بلاش تفاصل ماتساويش)2

1- (بيك أفراحي ابتدأت.. وصبح لها طعم روحاني
بيك يا يسوع المسيح
بيك ألحاني امتلأت.. بكلام عن رب فداني
بيك يا يسوع المسيح)2
(من قلبي اللي صبح مرتاح.. باعلن مبتدأ الأفراح)2
أيوه أنا دُقت ازاي قدامك.. تهرب أحزاني
2- (بيك خطاياي اتغفرت.. ودماك فوقي وساتراني
بيك يا يسوع المسيح
بيك خطاياي انطرحت.. في بحور كلها نسياني
بيك يا يسوع المسيح)2
(بيك يا يسوع المسيح.. باعلن مبتدأ التسبيح)2
والترانيم والصلاة هايفوح منها.. عطر اللي سباني
3- (بيك الظلمة انطردت.. والنور ابتدأ يملاني
بيك يا يسوع المسيح
بيك النعمة امتلكت فيَّ.. وبرّك ده كساني
بيك يا يسوع المسيح)2
(بالروح عربون الأمجاد.. باعلن مبتدأ الأعياد)2
واسجد لك والقلب يفيض.. ويعود ويرنم تاني
4- (بيك الغلبة دي عملت.. نهضة وتجديد في كياني
بيك يا يسوع المسيح
بيك النفس اعتزّت.. بصليب وخلاص مجاني
بيك يا يسوع المسيح)2
(بالدم علامة العلامات.. باعلن مبتدأ الهتافات)2
يلّا يا سما اهتفي إنما.. بهتاف عالي وسلطاني

قرار- شادي شفته في مرة كان زعلان رنم بعد شوية بقى فرحان
قال ترنيمة بس قديمة قالها جده لينا زمان

1- الترنيمة بتحكي حكاية إن يسوع يسكن جوايا (وأعرف إنه هو لأنه)2 يملأ القلب فرح وأمان
2- إن يسوع حب الوحشين ويخليهم كدة حلويين بس يتوبوا عنده صليبه ولخطاياهم فيه غفران
3-إن يسوع جه مات علشاني كنت بعيد جه لحد مكاني خدني معاه وهاعيش وياه مع شادي هارنم وأنا فرحان

1- روح الحق لغاته من فوق طوَّق روحي بحب وشوق
حط الحق في قلبي وقال دوق أنا مش هاشرحلك دوق

القرار – و الترجمان روح الله .. ترجمان يوصف بحروف وأبجديات الإنسان
ترجمان .. لحد ما هنوصل ونشوف الحق اللي صار إنسان

2- غايتي ووسيلتي هو الله والموصوف والواصف ” ياه “
بروحه بيفتح ليَّ بصيرتي أبصر والبصير ” الله “
3 - احترت أنطق شيء لله في حروف من صنع الإنسان
اخترت اسكت بس الآه كشفت سر مالوهش يبان
4- وارتحت من حروف الناس علشان بس تغطي وتستر
أما الروح عايز إحساس يكسر جسد الحرف ينور
5- وركبت الغُنى والنغمات قلت ده عالم تاني كبير
بس الروح قال في السماوات فيه نغم تاني مالوهش نظير

1- (قدام حاجات مالهاش جواب.. قدام ألم فوق الاحتمال
قدام إله وكأنه غاب.. وكل سهم شك بسؤال)2

القرار- (بإيه هارُد و بإيه هاصُد.. وإيه سند غير هو قال)3
(هو قال هو قال)2.. هو قال ما تخافش يا ابني
(هو قال هو قال)2.. واللي قال ولا مرة سابني

2- (قدام زمن مافيهوش صحاب.. قدام سنين مُرّة وتُقال
قدام بشر زي الذئاب.. قدام عدالة ميزانها مال)2
3- (قدام جسد همه التراب.. والذات وكل شهوة بقتال
والحية رامية من الكتاب.. إنصاص آيات شبكة ضلال)2

القرار - (ثبت أنظارك فيه وحمولك سيبها عليه)2
(وفي وادي ظل الموت)2 (أرفع عينك تلاقيه)2
1- (إن كنت سمعت نداه ع المية مشيت وياه )2
(ليه تتلفت حواليك)2 (عينك خليها عليه)2
2- (إن شفت بعينك نار صدق يطفيها البار)2
(أو جواها يمشيك)2 (زي الفتيان حواليه)2
3- (إن كنت في وقت أليم حواليك الشر عظيم)2
(إيمانك ياللي فاديك )2 (غالب لو تثبت فيه)2
4- (إن كنت في شدة وضيق وإن فاتك أعز صديق)2
(فيه واحد اسمه يسوع)2 (ماسك إيدك في إيديه)2

القرار- (شمس عمرك راح تغيب ليه معاند يا غريب؟!)2
(قوم تعالَ للصليب وليسوع اندم و توب)2
(فجر عمرك لسه جاي طول ما لينا يسوعنا حي)2


1- (السنين بتمُر تجري ليه في أرض المر تجري؟!
لا السنين بتحس بينا ولا القبور هاتضيق علينا)2
2- (فين ساعاتك اللي فاتت مع دقايق صمت ماتت؟
ليه سكاتك فكر شاتت دي حياتك ولا هانت؟!)2
3- (ليه حياتك أرض بور والسواقي جنبك تدور؟!
ليه تبات بين ألف سور؟ كسّر الضلّمة بنور)2
4- (الحياة زي البخار ليه تبيع عمرك بنار؟!
والشيطان عاملك ستار دوس عليه خد لك قرار)2

1- أرفع قرابيني وأنحني بجبيني .. يا من تحييني هللويا ليسوع
2- أنا لحبيبي وحبيبي ليَّ .. هذا خليلي هللويا ليسوع
3- عطر العطور صعد كبخور .. من أم النور هللويا ليسوع
4- ده نوّر قلبي وإنجيله سار بي .. لمحبة ربي هللويا ليسوع
5- يوم قلت اختاره رمالي ناره .. شيء من أسراره هللويا ليسوع
6- جابني لأبي واحتفل بي .. سيدي وربي هللويا ليسوع
7- عرفت مسيحي وبديت تسبيحي .. له كل مديحي هللويا ليسوع
8- أنا باشهد له وأشهد بجمايله .. وأنشد بفضايله هللويا ليسوع
9- سأغني لمن احتضني .. وحبه انتشلني هللويا ليسوع
10- دعاني لمجده أسجد له وحده .. أنا ابن لكن عبده هللويا ليسوع

لو باقي في عودي وتر هافضل أرنم بيه
حتى ولو عودي انكسر قلبي يرنم ليه
قلبي اللي كان انشطر واتقسِّمت أراضيه
ضمِّيت وحبك غفر غيرت ليه أغانيه
بحر الهلاك اتعبر في الدم أنا مخطّيه
يسوع مليكي انتصر يحق نهتف ليه
لو باقي.. لو باقي في عودي وتر هافضل أرنم بيه