وسيم وجيه (3 ترنيمة )

1- (مديون يارب لنعمتك مديون لحبك ليَّ
ادخل لبيتك برحمتك والفضل ده مش ليَّ )٢
(وأنا ليَّ مين في غربتي مش طالب حد تاني!
وكفاية إني ليك وانت يا حبيبي ليَّ)٢
2- (تيهَاني انت راقبته وعينيك كانت عليَّ حتى
في توبتي ورجوعي ما كانش الفضل ليَّ)٢
(ده روحك اللي بكّت قلبي على الخطية
وعصاية الراعي ردّت نفسي لمَراعي فاديَّ)٢
3- (أنا فيك باقول إني بطل مع إني عارف ضعفي
وفي قوتك نقصي أكتمل ونعمتك بتكَفّي)٢
(بارفع جناحي كالنسور إنما مش قوة منّي
لكن عشان ريح قدرتك ترفعني وتعلا بيَّ)٢

(أنا عارف إنك هنا جنبي وأنا حاسس بيك
وأنا عارف أعيش لك بأمانة بحياة ترضيك
ودقايق عمري أجمعهم وأهديهم ليك
وسنين وثواني بكل كياني أعيشهم فيك)٢

١- كل الكون والمخلوقات بتسبحك رب القوات
خلقت أرضنا والسماوات بكلمة من فمك
عالي وفوق كل المحدود وبلمستك صار لينا وجود
وجودنا ده لأنك موجود إلهنا مين زيك

القرار- (يرتفع صوتنا بتسبيحك وإنت في وسطينا
نتملي بروحك وننظر مجدك بعينينا)٢

٢- فيك اتلاقى كل جيل معروف اسمك جيل ورا جيل
وفي المهابة مالكش مثيل والكل يخضعلك
إنت إله عادل ورحيم في القدرة مين زيك يا عظيم
تسبيح قلوبنا والترنيم ذبيحة حمد ليك