الله بيتكلم (14 ترنيمة )

١- إختبارات المؤمنين في كل يوم
تقول ده إلهنا إله أمين في إيديه كل الحلول
لسه بيوعد ويوافي يدي حلاوه من الجافي
ويشق بحور ظروفي ويضمن لي الوصول
القرار
(إحسانك فوق الأوصاف أحكامك عدل وإنصاف
ومادام الرب نوري وخلاصي .... ليه أخاف)٢
٢- في آلام التجربة وف ليل الانصهار
معدن حياتي يصفى ويتطهر بنار
وأخرج أنقى وأكبر ومجدك في يظهر
وبعد ليل دموعي تبقى لي أنت النهار
٣- وما بين ضلمه ونور إيماني يكون شهاده
ينشر ريحة السرور بلسم شافي وضماده
وأنسى إني كنت خايف وإنسي إني كنت جريح
واللي يشوفني يلاقي في صورة المسيح

(هل لخاطي زيي ضعيف إنه ييجي لمحضرك
ماضيَّ صعب ومخيف والشر زاد وإمتلك )٢
(أنا عايز أجيلك ناديني وإفتح لي باب للرجا
أنا جُرحي نافذ وعيني مكسورة ومُحرجَه )٢
(أنا عارف إنه في دمك كسر قيودي الحديد
إقبلني عبدك وإبنك إخلقني من جديد)٢
(أنا عايز أجيلك وخايف أضعف تاني وأرجع
ضمني قولي هاسندك وف وقت الضعف هارفع )٢
أنا جاي وأمَلي تكون لي أبويا وسندي الشديد
ماليش بديل تاني سِواك إنت أمَلي الوحيد )٢
(خليني أبلل كتافك بدموع توبتي وصلاتي
وأبدأ اليوم معاك بداية جديدة لحياتي)٢

جايلك بخطايايا التُقال وعيوبي اللي عيب تتقال
جاي لك وخجلان م السؤال في حِما صليبك
وهمي في أعماقي زاد وماعادش ينفعني العناد
م التوهة جاي والإبتعاد في حِما صليبك
القرار
(إقبلني يا رب الرحمة استرني يا رب النعمة
غطيني بالدم الطاهر حررني من قيد الضلمة)٢
أنا اللي عوجت المعدول وظلمت في الفعل
وفي القول مشتاق أعود وأكون مقبول إغفر ليَّ
أنا مستاهلش أنال عفوك لكن النجاة بس
في وعدك جاي أعترف بالذنب إليك إغفر ليَّ

١- أنا متبارك باخواتي وشايف صورتك جواهم
فرحان بوجودهم في حياتي فرحان بوجودي وياهم
القرار
(أنا باشكرك.. باشكرك.. باشكرك على الجسد
الواحد أنا باشكرك.. باشكرك..
على كل إيد ممدودة تساعد
أنا باشكرك.. باشكرك.. على الإحتياج
اللي خلانا نشعر بحاجتنا لبعضنا وقيمة كل واحد )٢
٢- وقبولك يسكن في حياتنا تشجيعك يزرع تشجيع
ونشوف نفسنا من نظراتك والحب يدفي الجميع
٣- الحب بيستر ضعفاتنا ونشوف كمال المسيح
ورضاك يشبعنا ويرفعنا نشعر بحلاوة التسبيح

القرار- الله بيتكلم ليَّ وليك .. الله بيكلم كل الناس
بصوت وصورة من حواليك .. قُل له يعطيك قلب حساس

١- (الله بيتكلم وسط النار.. بالصمت بيعلن أو بالصوت
بهدير الأمواج العاصف.. بصياح الديك وفي بطن الحوت)٢
(حتى القبر يخبَّر لما)٢.. يؤمر بحياة من قلب الموت
٢- (الله بيتكلم في ظروفِي .. وفي قلب الحاجة و الأعواز
بطرق طبيعية بيتكلم .. وإن شاء يتكلم بالإعجاز)٢
(الفاهم يلمس يد الله)٢ .. والجاهل يحسبها ألغاز
٣- (الله بيقول لكن قلبي .. محتاج يتعلم كيف يسمع
تنطفئ أنوار الأرضية .. وأرفع عيني عليه وأتطلع)٢
(أسمع صوته و أشبع منه)٢.. مجده ونوره في هايسطَع

١- ياللي دفعت التمن الغالي.. جايين نرنم لك
نرفع اسمك القدوس عالي.. جايين نرنم لك
من الوقت الرحب ومن الليالي.. جايين نرنم لك
تسبيح يتجدد زي النهر.. تسبيح بيهد جدار الصخر
القرار- (ترنيمة جديدة.. ترنيمة تفرح قلبك
والشعب يغني.. يعلن سلطانك مجدك)٢
يا حبيب قلوبنا يا ملك.. شعبك بيحبك
٢- ياللي أمرت تكون أعتابنا.. مرشوشة بدمك
ونعيد بيك يا تاج قلوبنا.. ونسبح اسمك
نطلب وجهك وحدك يا ملكنا.. ونسجد عندك
تنفك قيود الزيف والشر.. والعبد المأسور يخرج حر
٣- ياللي غلبت العدو في صليبك.. جايين نرنم لك
وبسلطان دست الموت بقيامتك.. جايين نرنم لك
العمر نعيشه نشكر فضلك.. ونعيش نرنم لك
عليت الخطاه والضعاف.. وجلسنا على كرسي الأشراف

(أنا عارف إنك هنا جنبي وأنا حاسس بيك
وأنا عارف أعيش لك بأمانة بحياة ترضيك
ودقايق عمري أجمعهم وأهديهم ليك
وسنين وثواني بكل كياني أعيشهم فيك)٢

القرار – (ضاقت عليَّ الكروب ولا غيرك ها يفرجها
انت إلهي المهوبْ عارف مخارجها)٢
(متعلَّق أنا بيك ونجاتي بين ايديك)٢
في اسمك أحتمي و كل اتكالي عليك

١- (عدوي ثاير أوي لكن ايديك سانداني
واحضانك بتحتوي ضعفي وقلة إيماني)٢
(وإن هاج البحر عليَّ تيجي ماشي ع المية)٢
وتحوِّل الأزمات (لمُعجزات سماوية)٢
٢- (في قدسك الكريم تفتح بصيرة قلبي
والفكر يعود سليم يهرب تنهيدي وتعبي)٢
(وإبليس ياخد وساوسه ويرجع تعييره لنفسه)٢
مكتوب اللي يخاف الرب (ملاك الرب حارسه)٢

١- أفتكر شخص المسيح أفتكر صدقه وأمانته
واجه الشر بقداسة وبانتصار كانت قيامته
عمره ما رائى وعمره ما قال كلام ليه معنيين
هو لينا رئيس إيماننا حامي ضهر المؤمنين
القرار
(عيش أمين عيش أمين وإعتمادك على الإله
خير ورحة يتبعانك كل أيام الحياة)٢
٢- أفتكر يوسف وقلبه اللي كان خايف إلهه
الشرور صارت لخيره وعمر ما خطواته تاهوا
صبره ما ضاعش وعينه شافت الحلم البعيد
إنسان ضعيف لكن تكاله كان على الله الشديد
٣- أوعى تسمع للي قالوا الأمين ينضر حاله
لا تخافوا أنا معاكم وعد الرب اللي قاله
ليه بتاخد بالمظاهر بكره حقك ينجلي
خد آساف قدوة وأدخل مقدس الله العلي

(في النظرة من فوق تختلف المقاسات
فيه حاجات بتصغر وبتكبر حاجات)٢
(إرفعني يا رب عالي أشوف بس بعينيك
وإملا كل إنشغالي بالأمر اللي يرضيك)٢
(وتفضِل الظروف وتفضِل الأماكن
لكن مع إختلاف فين أنا قلبي ساكن)٢
(أعيش على الأرض لكن في السماء راحتي
ومكاني عارف إني غريب غربة سنينها ثواني)٢

1- (مديون يارب لنعمتك مديون لحبك ليَّ
ادخل لبيتك برحمتك والفضل ده مش ليَّ )٢
(وأنا ليَّ مين في غربتي مش طالب حد تاني!
وكفاية إني ليك وانت يا حبيبي ليَّ)٢
2- (تيهَاني انت راقبته وعينيك كانت عليَّ حتى
في توبتي ورجوعي ما كانش الفضل ليَّ)٢
(ده روحك اللي بكّت قلبي على الخطية
وعصاية الراعي ردّت نفسي لمَراعي فاديَّ)٢
3- (أنا فيك باقول إني بطل مع إني عارف ضعفي
وفي قوتك نقصي أكتمل ونعمتك بتكَفّي)٢
(بارفع جناحي كالنسور إنما مش قوة منّي
لكن عشان ريح قدرتك ترفعني وتعلا بيَّ)٢

١- (وقت لما تكون صعابي .. حاجبة عن عيني السماء
وألقى نفسي في اضطرابي .. بين حقائق مؤلمة)٢
(انت وحدك تستطيع يا يسوع .. تيجي وتفيض بالسلام
انت يا حصني المنيع يا يسوع .. أقوى م الخوف والظلام)٢
٢- (وقت لما تكون جبالي .. واقفة ضدي بمستحيل
والشكوك تنهش في بالي .. مين يشيل حملي التقيل؟)٢
(انت وحدك تستطيع يا يسوع .. تيجي تنقل الجبال
انت يا حصني المنيع يا يسوع .. كلمتك فوق المحال)٢
٣- (وقت لما السهل يصعب .. والحاجات تطرح فشل
لما وعد الناس بيهرب .. والعمل خاب والأمل)٢
(انت وحدك تستطيع يا يسوع .. ترد جوايا اللي ضاع
واللي يصعب ع الجميع يا يسوع .. يبقى عندك مستطاع)٢