سبرجن وهبة (6 ترنيمة )

1- بتقدر تحيي أفراحي في عز اليأس والاحباط
وتفرد في الهوا جناحي اطير واعلى عن الصعوبات
معاك علطول أنا بلاقي مياة للراحه وسواقي وطول ما إيماني بيك باقي
في خير وسلام أكيد راح ابات
القرار- رجايا ونصرتي وعزي و بيك يا إلهي متعزي وهيجي يا دنيا واتهزي
ولا يتهز  إيماني
يسوع أنت اللي ليك قلبي وشوقي ولهفتي وحبي بحبك وعمري ما هخبي
قلت زمان واقول تاني
2- أنا غرقان باحسانك ومن كتر الديون خجلان
وأرد بأيه على حنانك اللي ما شفت زيه حنان
انا مديون بأيامي براحتي وفرحي وسلامي كفاية ان أنت قدامي
مطمني في كل مكان
3- يارب اديني اكون قادر أعيش ملكك واكون في رضاك
ده انا هنا ضيف وراح  اغادر وشوق قلبي اروح لسماك
انا مشتاق توريني جمال شخصك قصاد عيني تريحني تنسيني
شقا الايام واهيم بلقاك

1- جايين قدامك يا إلهنا و بنخضِع لإيديك أوانينا
إلمسنا بإيدك من فضلك عيد تشكيلنا وجمِّل فينا
خلينا نكون فعلاً شبهك شيل كل قشور عامية عينينا
اسطع وبنورك نوَّرنا واحفظ خطواتنا وسير بينا

القرار- امتلك الأيام الجاية و افطُمنا عن الأرضيات
متّعنا بنصرة وحرية نحيا لك يا يسوع في ثبات
وادّينا نعيش لك في الدنيا و ما يبقالهاش فينا مكان
ونكون ملح ونور للعالم (ونعيش الكلمة بإيمان)2

2- لمَّع أشواقنا المطفية قدِّس أحلامنا وأمانينا
شدد أيادينا المرخية كمِّل نقصاتنا وقوينا
دخلنا لأعماق الشركة قيس ألف ذراع وعدينا
خلينا نعيش بحسب قلبك من كل فتور انت احمينا
3- بالروح والحق بنسجُد لك وبنطلُب منك تملانا
تشفينا وتلمس ضعفاتنا وبروحك تملك جوانا
نتغيّر لما تحررنا ونعيش علشانك بأمانة
نرضيك ونكون بنصون حقك
ننجح علشان انت معانا

القرار- (بعد ما خلتني حبيبك ما أقدرش يارب أسيبك)2
ما أقدرش يارب أسيبك

1- (أجرة خطايايَّ صليبك تايه ما كنت داري بك)2
بعد ما أضناني زماني (اسمي نقشته على إيدك)2
2- (ماكنتش أقدر اجيلك وغريب خليتني قريبك)2
جيت ليَّ لحد مكاني (ومنين أنا كنت هاجيبك)2
3- (أحييتني بعد الموت أهتف لك من بعد سكوت)2
أتغير قلبي وكياني (عيّشتني في الملكوت)2

1- كتير وأنا ف طريقي بقابل ناس حيارى
محتاج إللي يساعدهم بكلمة أو إشارة
وألاقي نفسي ببعد وأتردد في الرجوع
وأدوس على الماعر وأدوس على الدموع
وضميري لما يعتب بقاوم الخضوع
( محتاج احس وأشعر وشوف بعين يسوع ) 2
2- كتير وأنا ف طريقي بقابل المحروم
وأقدر أساعده لكن يهرب من الهموم
وألاقي نفسي ببعد وأتردد في الرجوع
( محتاج احس وأشعر وشوف بعين يسوع ) 2
3- كتير وأنا ف طريقي بقابل  الحزين
( محتاج اللي يواسيه ويخفف الأنين ) 2
كتير وأنا ف طريقي بقابل الجيعان
والجوع في عينه بيشهد عالذل والهوان
4- كتير وأنا ف طريقي بقابل المغلوب
وأقدر أساعده لكن بفضل الهروب
وألاقي نفسي ببعد وأتردد في الرجوع
( محتاج احس وأشعر وشوف بعين يسوع ) 2

( بحبك منك أرويني يا حبي ويا احلى سنيني
لأنك أنت الحياة بنور الحق بتهديني ) 2
مريض بحبك بشتاق أمرض اكتر بالأشواق
مسكين اللي حبك ما داق نفسه بتبقى مسكينه
  ( ع إسمك أنا تسميت للأبد رح تحييني
وبالغربة ياما حنيت عالسحاب تلاقيني ) 2
( علمني حبك أكتر من قلبي ومن كياني
وع زيت سراجي إسهر أنتظرك ترجع تاني ) 2
( لغيرك ربي تسكر مهما بقوة أغراني
بوجودك عمري زهر وبقربك صار مكاني ) 2

1- هاأفضل أرنم ليك وإيماني إنك ساكن جوا كياني
إجعل روحي تفيض بأغاني تشهد إنك مت عشاني
القرار- إنت المصلوب وانا الخاطي بصليبك رجعتلي امالي
نجيتني وغيرت حياتي شكراً ليك يا يسوع الغالي
2- هاأفضل أرنم ليك وعيني حولتها عن كل ماضي
دمك يضمن كل ما لي وعدك أنا ضامك بإيدي
3- هاأفضل أرنم ليك وصلاتي  إنك تملك كل حياتي
أصل صليبك سر نجاتي بيك أنا رافع كل راياتي