باسم شكري (24 ترنيمة )

(الذنب ذنبي يا ربي ورغم الذنب تهواني
وتدنو مني بالحب تشدد ضعف إيماني)2
ورغم الحزن في القلب لي ذكراك سلواني
ورغم الشر في الدرب إلهي عليك تُكلاني
(الذنب ذنبي ياربي ورغم الذنب ترعاني
قريبٌ مني كالأب وتمسح دمع أحزاني)2
قد تنسى الأم في الحب وربي ليس ينساني
فلا أرتاع من صعب مادام الرب معواني
(الذنب ذنبي ياربي ورغم فيض أحزاني
قريب أنت من قلبي تواسي المُثقل العاني)2
تعزيني مدى الدرب حتى وصولي أوطاني
لا أنسى حبك ربي وحبك ليس ينساني

القرار – (شُفنا معاك الفرحة ولسه أيامنا هاتحكي اختبارات
طول عمرنا مش ممكن ننسى إنك فوق المستحيلات)2
1-(شُفنا أيديك الحلوة بتدّي أكتر جداً من طلباتنا
شُفنا معاك الصعب يعدي أول ما بتسمع لصلاتنا)
2-(شفنا حنان قلبك بيداري ضعف إيماننا اللي بيحنينا
ما أنت يارب عارفنا وداري حالة القلب وكل مافينا)2
3- (هانعيش طول العمر نقول هو يسوع مصدر سعادتنا
آمن بيه تفرح وتنول أحلى حياة ودي اختبارتنا)2

1- (في الأفراح والأتراح وسط جراح القلب معايا
مهما إن كان من أحزان وسط زمان الصعب معايا)2
القرار – (طول ما يسوع في القلب كفاية أنسى هموم الدنيا ورايا)2
هدفي وغايتي وكل مُنايا (إني أعيش ليسوع مولايا)2
2-(في الأنات والأزمات ليَّ في حب الرب كفاية
مهما يكون صعابي تهون بس يكون الرب الغاية)2
3- (وسط الخوف دايماً أشوف بالإيمان للصعب نهاية
وسط الموت سامع صوت بيقول قوم افرح ويايا)2

نقدم ليك كل السجود رب ومجدك ماله حدود
أنت إله حي وموجود وحدك جوه القلب تسود
تشهد أعمالك إنك موجود يا إلهنا الغالي الحي المعبود
انت معانا طول الأيام مالي القلب فرح وسلام
حتى ولو صادفتنا آلام بتعزينا بأحلى كلام
هانرنم ليك طول الأيام و هانمشي معاك على طول قدام
انت الصادق في المواعيد ضامنين فيك الوعد أكيد
ماشي معانا الإيد في الإيد يوم ورا يوم الحب يزيد
أفواهنا ترنم والقلب سعيد ونعود ونقدم شكر وتمجيد

القرار – (في أي مكان وفي كل وقت امبارح بكرة ولو دلوقت
أقعد معاك وأتكلم وأحكي لك وأصلي لك وأنسى الوقت)2
1- خليني أعيش العمر معاك صلاة وكلام على طول وياك
ده كلامي معاك يملاني سلام ويفرّح قلبي طول الوقت
2- مش لاقي كلام أتكلم بيه عن حبك ربي وجمال معانيه
إديني كلام أترنم بيه وأتمتع بيك طول الوقت
3- خليني أطيع صوتك جوايا أعيش وكلامك على طول ويايا
شوق قلبي أعيش خاضع ومافيش غير طاعة لصوتك طول الوقت

القرار - (طوبى للي إثمه إتغفر .. وخطاياه إتسترت
محفوظ من النار والخطر .. والدينونة عبرت)2
1-(أصبح من أولاد الله .. ليه في الابن ضمان وحياة)2
(والروح القدوس جواه)2 .. بيعرفه كل ما لله
2- (إتحرر بعد الغفران .. وإتبرر عايش في أمان
(والشيطان مالوش سلطان)2 .. أصله من أولاد الله
3- (كل ما لله أصبح ليه .. ولا شيء من الدينونة عليه)2
(والوعد المضمون في أيديه)2 .. من البرية لحد سماه
4- (يسقط أيوه لكنه في يوم .. الروح يحزن فيه ويلوم)2
(ويرجعه فرحان ويقوم)2 .. تترد له بهجته بالله
5- (مرضي عنه في المسيح .. متغطي بدم الذبيح)2
(يحلا له الغنى والتسبيح)2 .. والتمجيد لاسم الله

1- (رايح بعيد لمين وسايب بيت أبوك
قلبي عليك حزين ده بعيد هايجرحوك)2
القرار – (هافضل واقف يا ابني مستني يوم رجوعك
أنا مش عاوزك تسيبني وأشوف في عينيك دموعك)2
2- (ليه مش عاوز تتوب سيب كل اللي أنت فيه
راح تشتهي الخرنوب وياريت تحصل عليه)2
3- (هاتعيش وحدك غريب وتعود مليان جراح
اركع عند الصليب وكفاية عمر راح)2

1- (ترتاح النفوس.. وتتعلم دروس.. في محضر القدوس
يرتاح الضمير .. ويتملي بتأثير .. أعظم حب وتقدير)2
القرار- (جلسة تنسينا آلام .. و جراح وهموم اليوم)2
(جلسة بتدينا سلام .. يفضل ويانا ويدوم)2
2- (ترتاح القلوب .. تتأثر وتتوب .. قدام إله مصلوب
تتملي الأفواه .. بالشكر والصلاة .. للي إدانا الحياة)2
3- (تتشال الهموم وتزول الغيوم .. ويحل فرح ويدوم
تنتهي الآلآم ويفيض السلام .. في القلب بطول اليوم)2

القرار – (هل أفتح باب الحب وأدخل جنبك المفتوح
وأداوي فيك ولا أخجل قلبي المجروح)2
1-(أعرف من عيروك فقد كان منهم أنا
أعرف عمق المسمار فقد غرسته أنا)2
أعرف ثقل الإكليل فقد حملته إليك إليك أنا
أعرف إني الجارح لكنني كلي جروح
2- (أريد أن أنسى عيوبي أريد أن ألقيها هنا
أريد أن تشفي سنينى بكل صورة مُمكنة)2
من كان وسط الظالمين هل يدخلوا يا سيدي عدل السماء

(قولي ايه شاغل بالك .. و مخليك مش مطَّمِّن
وبتشتكي دايماً حالك .. و بتحسبها و بتخمن؟)2
(شكلك كده ناسي إلهك .. ناسي وعوده وكلامه
و إختبارات الماضي معاه .. يلا اطلب منه سلامه)2
2- (قولي فين فرحة قلبك؟ .. ليه واخداك الدوامة؟
ليه شايل دايماً همك؟ .. راحت فين الإبتسامة؟)2
(شكلك كده ناسي إلهك .. مشغول أوي أوي بظروفك
أو عندك شك في حبه .. قوم صلي وإهزم خوفك)2
3- (قولي ليه خايف قلقان؟ .. مش مستمتع بحياتك
بقالك على الحال ده زمان .. فين تسبيحك وصلاتك؟)2
(شكلك كده ناسي إلهك .. ناسي إنه معاك في الضيق
هايمشيك فوق الأمواج .. أو يفتح في البحر طريق)2
4- (قولي ليه مشغول بالناس؟ .. بتراقب كل تصرف
وبقيت على طول كدة حساس .. بقيت غريب أوي متكلف)2
(شكلك كده ناسي إلهك .. اللي طبع فيك بصماته
خلقك على صورته وشبهه .. عشان تحيا بنفس حياته)2