أغنيلك (10 ترنيمة )

(علمني أروح مطرح ما تروح .. حبيب الروح وأغنيلك
أحلى الكلمات ويا النغمات .. وبكل ثبات أصلي لك)2
(وأنا واثق فيك ومسلم ليك .. وعيني عليك لما أجي لك)2
القرار- (ده أنت إلهي اللي مكفيني .. ومالي سينيني بكل الخير
ده أنا خدامك أعيش قدامك .. ده أنا في كلامك قلبي أسير)2
ده أنا في كلامك قلبي أسير
2- (علمني أعيش ما يهمنيش .. غير إني أعيش عمري في رضاك
وافضل غريب شايل الصليب .. وبشكر أسيب الكل معاك)2
(جوه الأتون تحفظ وتصون .. ما أنت الحنون وأنا في حماك)2
3- (باحبك يسوع وبكل خشوع .. وسط الدموع أرنم لك
طول الطريق في رحب وضيق .. تبقى الصديق وأسلم لك)2
(ويزيد إيماني وأعيش زماني .. بشكل تاني قريب منك)2

1- (حلو الإيمان دايماً يقول .. مهما يطول الليل هاييجي الفجر
ده اللي بيعمل بجهده كله .. ما يتم شغله إلا و ينول الأجر)2

القرار- (أصل الإيمان هو الإيقان .. ورجاء يحلِّي الصبر
ينقل جبال يصنع محال .. يطلب ينال الأمر)2
يطلب ينال الأمر

2- (حلو الإيمان مليان تحدي .. مهما يعدي في ضيقات ما يحنيه كسر
ده مهما هيِّج الريح مخاوفه .. وشد عَصفه ما يثني عزم النسر)2
3- (حلو الإيمان بأقوى نية .. يرفض خطية معيشاه في القصر
عار المسيح أعظم لِنا أوفر غِنى .. من مال خزاين مصر)2

(قولي ايه شاغل بالك .. و مخليك مش مطَّمِّن
وبتشتكي دايماً حالك .. و بتحسبها و بتخمن؟)2
(شكلك كده ناسي إلهك .. ناسي وعوده وكلامه
و إختبارات الماضي معاه .. يلا اطلب منه سلامه)2
2- (قولي فين فرحة قلبك؟ .. ليه واخداك الدوامة؟
ليه شايل دايماً همك؟ .. راحت فين الإبتسامة؟)2
(شكلك كده ناسي إلهك .. مشغول أوي أوي بظروفك
أو عندك شك في حبه .. قوم صلي وإهزم خوفك)2
3- (قولي ليه خايف قلقان؟ .. مش مستمتع بحياتك
بقالك على الحال ده زمان .. فين تسبيحك وصلاتك؟)2
(شكلك كده ناسي إلهك .. ناسي إنه معاك في الضيق
هايمشيك فوق الأمواج .. أو يفتح في البحر طريق)2
4- (قولي ليه مشغول بالناس؟ .. بتراقب كل تصرف
وبقيت على طول كدة حساس .. بقيت غريب أوي متكلف)2
(شكلك كده ناسي إلهك .. اللي طبع فيك بصماته
خلقك على صورته وشبهه .. عشان تحيا بنفس حياته)2

1- (خدتني الدنيا منك .. مابقاش لحياتي طعم
والراحة مش لاقيها .. وملاني الخوف والهم)2
(و الصلوة مش حاسسها .. والكلمة مش لامسها
ودموع عيني حابسها .. مش عارف أعمل ايه؟)2

القرار - (يا رب كلمني .. واديني ودان تسمع
وشاور لي على الأخطاء .. وقولي توب وارجع)2
احكي معايا كتير .. حسسني بالتغيير
واملأني بنعمتك .. (عشان أطيع وأخضع)2

2- (أيامي هي هي .. مش حاسس بتغيير
وعبادتي ليك عادية .. فين حبي والتقدير؟)2
(حياتي مش لاقيها .. ولا طعم الراحة فيها
ولا حاجة بتكفِّيها .. مش عارف ازاي وليه!)2

القرار
( غنِّ غنِّ غنِّ غنِّ وكمِّل ترحالك
وان طالت قول: أعنِّي , و هو مكمِّل مشوارك ) 2
1- (لما تزيد الهموم جواك عز الإله
اتشدد به وقوم , خطّي بكره معاه) 2
(مش دي النهاية...غنِّ , إنت الحكاية...غنِّ ) 2
غنِّ وفرّح أنغامك

2- (اللي شايفاه عينيك مش هو كل شيء
النور جاي بيناديك , ما تخافش معاك صديق) 2
(يفتح طريق...غنِّ , و يعدي بيك...غنِّ) 2
غنِّ وغير ألحانك

3- (ما تصدقش انكسار , يمنع فيك الحياة
ولا يوم ييجي انتصار , ما بتسبقهّوش الآه) 2
(لا انهيار....غني , جاي النهار...غنِّ) 2
ارفع نغمة أوتارك

4- (مهما الليل جه بسواد , مخزون فيك الرجاء
والفجر له ميعاد , مَسكون إنت بضياه) 2
(بالكلمة فيك...غنِّ , بسلامه ليك...غنِّ) 2
علِّي في نغمة إيمانك

القرار - (قربني ليك خليني جمبك .. ده أنا كل أملي أكون بقربك
باشتاق إليك وأنا بين أيديك .. ونظرة عينيك بتقول باحبك)2
1- (وتفوت ساعات وأنا بين أيديك .. وأنسى الحاجات وأتملّى فيك
ونبض قلبي بيناديك .. وبقوة يصرخ قربني ليك)2
2- (وأشوف حياتي بشكل تاني .. لما بنورك تملا كياني
تشفي جراحي وضعف إيماني .. بحب دافي شايفه في عينيك)2
3- (وألقاني ضعيف في تعبيراتي .. تحكي دموعي وتقول آهاتي
إنك أمين بطول حياتي .. وأقولها تاني في ختام صلاتي)2

1- احنا الشعب اللي انت فديته وبدم صليبك رشّيته
قدّسنا وخصِّصنا يا سيد كمِّل عملك اللي بديته
القلب الفاسد طهرته والفكر المسلوب حررته
(والخاطي المسكين برَّرته)2..احنا الشعب اللي انت فديته

القرار- يا إلهنا القدوس القادر قدسنا لشخصك نقّينا
قَوِّم كل ضعيف أو عاثر نوّر بقداستك ليالينا
عايزين نحيا لك في طهارة من غير ما العالم يسبينا
تبقى حياتنا سراج ومنارة ويشوفوا الناس عملك فينا

2- احنا الشعب اللي انت فديته ومن كل قيوده حلّيته
القلب الميت أحييته ومرار الماضي حلَّيته
الماضي بموتك سمَّرته والحاضر وحدك غيَّرته
(ومصيرنا الأبدي نوَّرته)2 احنا الشعب اللي انت فديته
3- احنا الشعب اللي انت فديته لحياة في قداسة انت دعيته
في الخدمة نعيش لك أيامنا ونشهد بفداك اللي عطيته
نكرز وبروحك تسندنا نار حبك تشعل حماستنا
(والسما تفرح بخطاة يتوبوا)2 نتكلم وانت تأيدنا

1- (الغنوات اللي بتشهد لك .. الموهوبة في لمس الروح
هي صدى الكلمات من فمك .. زارت قلبي في وقت النوح)2
لما قبلتها شبعت نفسي .. طردت عجزي وخوفي ويأسي
حلت ليَّ طلاسم أمسي .. صبح الجاي معاك مشروح
2- (علم الحب مرفرف فوقي .. وقت لُقانا في بيت الخمر
يشبع حسنك لهفة شوقي .. مايدة تدوم طول العمر)2
وأنا ساجد بالروح قدامك .. وأنا بأتدفى بضيّ كلامك
لما بتغمرني بسلامك .. وتمس الشفتين بالجمر
3- (شقيت وقت السبي بلمسك .. نهر سباحة مالوش نهايات
أدهشتني ببلاسم همسك .. أجبرتني أسبح في سكات)2
وأنت عرفت الداير فيَّ .. كاشف فكري وكل ما بيَّ
كونك فاهم دمع عينيَّ .. وفر على فمي الكلمات
4- (أنا مأسور بالحب ولكن .. أنت لوحدك ليك الأسر
ابنك هنا في العالم ساكن .. حر وطاير زي النسر)2
وأنت مجدد ليَّ شبابي .. شايل عن قلبي الأتعاب
كاسر هيبة كل سراب .. و مشيني في موكب نصر

1- (ترتاح النفوس.. وتتعلم دروس.. في محضر القدوس
يرتاح الضمير .. ويتملي بتأثير .. أعظم حب وتقدير)2
القرار- (جلسة تنسينا آلام .. و جراح وهموم اليوم)2
(جلسة بتدينا سلام .. يفضل ويانا ويدوم)2
2- (ترتاح القلوب .. تتأثر وتتوب .. قدام إله مصلوب
تتملي الأفواه .. بالشكر والصلاة .. للي إدانا الحياة)2
3- (تتشال الهموم وتزول الغيوم .. ويحل فرح ويدوم
تنتهي الآلآم ويفيض السلام .. في القلب بطول اليوم)2

القرار - (طوبى للي إثمه إتغفر .. وخطاياه إتسترت
محفوظ من النار والخطر .. والدينونة عبرت)2
1-(أصبح من أولاد الله .. ليه في الابن ضمان وحياة)2
(والروح القدوس جواه)2 .. بيعرفه كل ما لله
2- (إتحرر بعد الغفران .. وإتبرر عايش في أمان
(والشيطان مالوش سلطان)2 .. أصله من أولاد الله
3- (كل ما لله أصبح ليه .. ولا شيء من الدينونة عليه)2
(والوعد المضمون في أيديه)2 .. من البرية لحد سماه
4- (يسقط أيوه لكنه في يوم .. الروح يحزن فيه ويلوم)2
(ويرجعه فرحان ويقوم)2 .. تترد له بهجته بالله
5- (مرضي عنه في المسيح .. متغطي بدم الذبيح)2
(يحلا له الغنى والتسبيح)2 .. والتمجيد لاسم الله