باسم شكري (32 ترنيمة )

1- (عايز أحبك بجد مش بالقول والكلام
ولا يبقى في قلبي حد أبقى لك بالتمام)2
(ده أنا ياما قُلت إني بحبك وقلبي مش معاك
وياما شهدت عن حُبك والفكر بعيد هناك)2
2- (عايز أرنم وأعيش كل الكلام اللي أقوله
والفرحه ما تنتهيش في الغربة الليل بطوله)2
(ده أنا ياما هتفت بلساني وقلبي بينزف دموع
والضعف في قلبي قسّاني وعشش بين الضلوع)2
3-(عايز أدوب في الكتاب وأعيش بين السطور
وأرتاح أنا من عذاب البعد والفتور)2
(ده أنا ياما مسكته بأيدي وما حسش قلبي بيه
وياما قريته بعيني وما عِشتش باللي فيه)2

1- أنا عايز أوفي بوعدي أحيا لشخصك نذير
وأعيش صادق في حبي مش بس كلام كتير
ضيعت سنين في عمري عشت لنفسي وقاسيت
جاي لك باصرخ ساعدني من قلبي باقول نويت
القرار- دي حياة واحدة بتجري والعمر ظل وبخار
لو عشت لنفسي هاخسر جاي لك واخد قرار
قدسني عشان أعيش لك أبقى لحبك أسير
والباقي أعيشه ملكك ما كفاية دا راح كتير
2- شعارات زايفة باقولها وكلام مافيهوش حياة
وإرادة ضعيفة عاصية وحدك فيك النجاة
امسك إيدي وساعدني طهرني من الذنوب
المسني واشفي ضعفي توبني عشان أتوب
3- القدرة الإلهية تحميني من الفساد
فأعيش في طريق مخافتك وابذل كل اجتهاد
أنكر ذاتي وأمشي من فوق كتفي الصليب
أخدم والحب يشعل جوايا نار لهيب

1- (أنا مش مستني مديح ولا خايف م التجريح
مش هاسمع للإنسان لو حتى كلامه مريح)2
القرار – (أنا هدفي أعيش بأمانه وأشهد عن حب يسوع
لو عِشت لنفسي خيانة أنا هدفي أعيش ليسوع)2
2-(لو فيه كلمات إعجاب أو لوم وكلام بعتاب
أو حتى كلام جذاب باطل وفي نظري سراب)2
3- (أنا عِشت سنين مخدوع وما بين أفراح ودموع
مشغول بكلام الناس وكياني معاه مدفوع)2

1- (عارفك مش قادر ترتاح شايف قلبك كله جراح)2
عمرك في طريق مظلم راح تعال يسوع عنده الأفراح
تعال يسوع عنده الأفراح
القرار - (تعال إليه وسلم ليه وحط حياتك بين إيديه
هايغفر ليك خطايا ماضيك ويضمن كل الحاضر فيه)2
2- (وهاتفضل عايش تعبان طول ما عينيك على الإنسان)2
ليه فكرك شارد حيران ده يسوع يملا الفكر ضمان
ده يسوع يملا الفكر ضمان
3- (إرجع وارمي عالم فاني مش هاتفكر ترجع تاني)2
ليه قلبك م الهم يعاني عمرك ضايع وانت الجاني
عمرك ضايع وانت الجاني
4- (جرحك مين يقدر يداويه ذنبك مين يقدر يداريه)2
ليه خايف تتقدم ليه حملك إرميه كله عليه
حملك إرميه كله عليه

القرار- (يا عَالِم الأحوال قادر تريح بال المتكلين عليك
نرمي عليك أحمال ترشدنا في الترحال ويزيد إيماننا فيك)2

1- ما انت اللي عارف ضعفنا وانت اللي كاشف عجزنا
رغم اللي فينا بتحبنا ما احنا غاليين عليك
2- وانت الصديق ما بتهملنا طول الطريق بتحملنا
وفي كل ضيق تشكلّنا كل اتكالنا عليك
3- خلينا نحيا أيامنا شايفينك انت قدامنا
وسلوكنا من قبل كلامنا يِمجدك يا مَليك

القرار- (قوم نادي للتعابى بالتوبة والرجوع
وقرب من الغلابة وعرفهم يسوع)2
1-(كلمهم عن يسوع صلي لهم بالدموع
بحياتك أشهد له وبصوتك المسموع)2
2- (قوم نادي وقول لهم ده مات من أجلهم
وزي ما غيرك جاهد في ربحهم)2
3-(قوم نادي بكلمته بحنانه بمحبته
ولا خوفك يمنعك ده الكل بنعمته)2
4-(من قلبك حبهم وقدر ذُلهم
وتمم خدمتك بحياتك وسطهم)2

1- (سيدك وسيدي عظيم عمره ما ينسانا
اهتف له بالترنيم و افرح كده معانا)2..افرح كده معانا

القرار – (اشكر وزيد الشكر لما الظروف تقوى
سيدك في يده الأمر ومن الظروف أقوى)2

2- (ربك في إيده الكل لا تخاف ولا تخمِّن
لا بينسى ولا بيمل سلِّم له واطَّمِّن)2..سلِّم له واطَّمِّن
3- (لا تخاف من الأهوال ولا تنشغل بيها
ولا تشتكي الأحوال سيدك يعديها)2..سيدك يعديها

1- (قلبك كبير مالهوش حدود حبك هداني بعد الشرود
أيدك بحب ترشد تقود صوتك في بُعدي خلاني أعود)2
القرار - حبك بان فوق الصليب كُلك حنان حبك عجيب
طول الزمان ولا يوم تخيب (صرخة أمل فيك يا حبيب)2
2- (قلبي الأثيم دايماً يخون بس أنت قلبك طيب حنون
تفضل معايا بحب تصون ولا عمر نفسي عليك هاتهون)2
3- (عديني فوق كل السدود حبك في قلبي خليه يسود
أنسى القيود وأنسى الفروض أحيا بكلامك وبالوعود)2

1-أشواق للبركة جوانا تشبعنا رضا وتفيض فينا
تغمرنا البركة و تملانا أنهارها تفيض من حوالينا
وبروحك تُثمر في حياتنا وتبيِّن ثمر الروح فينا
و بنعطش لحياة البركة مِية ضعف وأكتر تدينا

القرار-أُؤمر بالبركة في أيامنا ارجع بمراحمك وأحيينا
إشراقة وجهك نستنا ونتوب وتعالج أراضينا

2-عايزينك تيجي بسلطانك تؤمر لحياتنا بحرية
نثبت في الحق يحررنا من كل خطية وعبودية
من كدب وباطل نقّينا وبروح الحق تنورنا
أرسل كلماتك واشفينا وأظهر في سلوكنا وغيّرنا
3-عايزينك تملك في حياتنا وبقوة روحك عِش فينا
تسكن في القلب و تملانا من غير ولا ركن يكون لينا
املك في القلب وعلمنا نديلك راحتك في حياتنا
نوّر أذهاننا وفهّمنا واتعامل مع بطء إيماننا
4-نكرز بكلامك بجسارة نزرع والمجد يكون لاسمك
وبقوة روحك بحرارة نحصد ونفوس تعرف شخصك
قوينا فنعمل أعمالك تدينا كمان أعظم منها
وحياتنا توافق أفكارك وإيماننا يزيد ونتممها

1- إحنا الشعب اللي إنت فديته وبدم صليبك رشيته
قدسنا وخصصنا يا سيد كمل عملك اللي بديته
القلب الفاسد طهرتي والفكر المسلوب حررته
( والخاطي المسكين بررته ) 2 إحنا الشعب اللي إنت فديته

القرار- يا إلهنا القدوس القادر قدسنا لشخصك نقينا
قوم كل ضعيف أو عاثر نور بقداستك ليالينا
عايزين نحيالك في طهارة من غير ما العالم يسبينا
تبقى حياتنا سراج ومنارة ويشوف الناس عمليك فينا

2- إحنا الشعب اللي إنت فديته ومن كل قيوده حليته
القلب الميت أحييته ومرار الماضي حليته
الماضي بموتك سمرته والحاضر وحدك غيرته
( ومصيرنا الأبدي نورته ) 2 إحنا الشعب اللي إنت فديته

3- إحنا الشعب اللي إنت فديته لحياة في قداسة إنت دعيته
في الخدمة نعيش لك أيامنا نشهد بفداك اللي عطيته
نكرز وبروحك تسندنا نار حبك تشعل حماستنا
( والسما تفرح بخطاة يتوبوا ) 2 نتكلم وإنت تأيدنا