سمير سامى (14 ترنيمة )

القرار – (مصر حبيبتي وبلدي الغاليه .. أنا فيها اتعلمت العربي
فيها حياتي وكل ما ليَّ .. ماما وبابا وصاحبي وربي)2

1- ( ميم ) .... ماما وبابا حبايبي .. وأختي و أخويا وتيتة وجدو
وباحب أتقابل بقرايبي .. عايش أنا وياهم برضه
كلنا هنا عايشين في بلدنا .. ماما وبابا غاليين عليَّ
2- ( صاد ) .... صاحبي وكل زمايلي .. بنذاكر مع بعض وننجح
ونشجَّع في الكورة الدوري .. وبنلعب ونحكّي ونفرح
كلنا هنا عايشين في بلدنا .. كل اصحابي غاليين عليَّ
3- ( والرِه ) .... ربي يسوع السكر .. اللي عرفته هنا وحبيته
و باصليله يبارك أكتر .. مصر وتبقى كأنها بيته
هو أكيد عايش في بلدنا .. ربي ده أغلى حاجة عليَّ

1- في عبوري في وادي الخوف .. مِحتاجَة عينيَّ تشوف
إن أنتَ بتُعبُر بيَّ .. حَتَّى في قَلب الظُّروف

القرار - في جبالي أو وِدياني .. أنتَ اللِّي ضامِن لي أماني
وأمشي عَلى مُرتَفَعات .. وأعلِن بيك إنتِصارات
وتحارِب هِنا مِن أجلي .. عَلى صَخرَة تثَبِّت رِجلي
ما أحلى تَرنيمتَك فيَّ .. مَع ليلي في البَرِّيَّة

2- في عبوري في وادي اليأس .. مِحتاج تِرفَعني ببأس
دَه أنتَ إلَهي في بُكرَه .. زَيّ ما كُنت إلَه الأمس

3- في عبوري في وادي البُكا .. شايفَك بِتدَّاوي جِراح
وتفيض فيَّ ببَرَكات .. وأفيض يَنبوع أفراح

4- في عبوري لغاية بُكرَه .. مِحتاج تِملاني بفِكرَة
إنَّك ضَامِن لي السِّكَّة .. والمَركِب لازِم تِرسي

1-)قوم غني وقول ... قول الكلام الحلو
قول الرب صالح ... قول الرب حلو)2
في قلبه كل صلاح... مراحمه كل صباح
هايفضل ربي حلو ... حتى في الأتراح
قوم غني وقول ... قول الكلام الحلو
القرار – (الرب صالح وللأبد رحمته
الرب صالح زي ما بتقول كلمته)2
(الرب صالح)2 وقلبى دايق محبته
2-)قوم غني وقول ... قول يلا الوعد جاي
قول الله أمين... قول الرب حي)2
قول إنه وعد وقادر ... مهما إبليس يعاير
مهما خدني في دواير... هاطلع وأشوف الضي
قوم غني وقول... قول أن الوعد جاي
3-(قوم غني وقول ... أبويا بأيدي ماسك
في البحر شق طريق ... وأرتعدت ممالك)2
وإن كانوا خمس خبزات ... أشبعوا الألافات
أنا في سلام هأبات ... وأنا واثق إنه هيبارك
قوم غني وقول... أبويا بأيدي ماسك

1-) عَطشان رَبِّي لرُؤياك .. باستَنَّى وَقت لُقاك
أجري عَليك وأتمَتَّع .. أنا بِالشَرِكَة مَعاك)2
(عَطشان لِلمَيَّه الحَيَّة .. مَلِّيت يَنابيع أرضيَّة
أشرَب وأعطَش مِن تاني .. وبتِدبَل نَفسي فيَّ)2

القرار – (طَلَبي إنِّي أشوفَك .. أنظُر وأتفَرَّس فيك
يتوَحَّد قَلبي لخوفَك .. أتلَذِّذ وأفرَح بيك)2

2- (عَطشان لأفراح حَقيقيَّة .. مَصدَرها وجودَك فيَّ
كِفايَة تَلَذُّذ وَقتي .. عالَم أفراحُه رَديَّة)2
(عَطشان لِلعُمق يا رَبِّي .. المَيَّه عَندي لكَعبي
دَخَّلني نَهر سِباحَة .. مِن مَجد لمَجد أعَدِّي)2

1- برَغم الحيرَة والضُّغوط .. ومِش ماشيَة الدُّنيا مَظبوط
وِسط لَخبَطة الخُطوط .. أنتَ فوق الكُل تسود
برَغم السِّكَّة اللِّي بِتضيق .. والزَّمان دَه زَمان رَديء
بِتشُق في بَحري الطَّريق .. تُعبُر بيَّ يا أوفى رَفيق

القرار – (عَلِّمني إنِّي أشوف .. في العَتمَة ووَقت الخوف
إنَّك سَيِّد المَوقِف .. ضابِط كُل الظُّروف
وأصَدَّق بِالإيمان .. وأهتِف وأقول كَمان
إن كان الله مَعايا .. إيه يعمِل الإنسان!؟)2

2- برَغم هَياج الشَّيطان .. وقُصاد شَرّ الإنسان
أنتَ صاحِب السُّلطان .. والأعلى مَهما إن كان
برَغم بُكرَه والمَجهول .. ومَهما الواقِع صوتُه يقول
بِسَلامَك تِملا العُقول .. ما أنتَ الضَّامِن والمَسئول

3- برَغم الإزعاج في الأخبار .. والمَشهَد مِش في استِقرار
والأعمِدَة جَنبي بتِنهار .. مَسنود ليَّ إلَه جَبَّار
برَغم العَطَش برَغم الجوع .. برَغم ألَم وادي الدُّموع
تُرسي وراسي بيك مَرفوع .. أنتَ إلَهي مَلِكي يَسوع

القرار – (اسم إلَهنا عَجيب ومُشير .. صالِح لينا وإلَه قَدير
ثابِت وأمين ما بيتغَيَّر .. يدِّي بغِنى وبدون تَعيير)2
يدِّي بغِنى وبدون تَعيير
1- عَجيب في اسمُه وفي ولادتُه .. عَجيب في كَلامُه وحُبُّه
عَجيب في حَياتُه وصَلبُه .. وقيامتُه دي أعجَب بِكتير
هوَّ الحِصن في يوم الضِّيق .. هوَّ الرَّاعي طول الطَّريق
هوَّ لينا ألزَق رَفيق .. ومن الجافي بيخرِج خير

2- قَدير في عَمَلُه وكَلامُه .. جِبال بِتِهرَب قُدَّامُه
كُلُّه في إيدُه وسُلطانُه .. وبكِلمِتُه بيقول فَيصير
هوَّ الرَّابِع في الأتون .. هوَّ بيفتَح أقوى سُجون
مَهما طال جَبَروت فَرعون .. ضامِن لِلشَّعب التَّحرير

3- أمين وثابِت لينا عَلَى طول .. إحسانُه أبَدًا يوم مايزول
بابُه عُمرُه ما كان مَقفول .. وشايلنا طول المَسير
هِباتُه ما بيرجَع فيها .. كُل صِعابنا كَفيل بيها
وكنيستُه بيقَوِّيها .. قُدَّام أبواب الشِّرير

1-( لما يملا الحق عيني... بالقى روحي باختلِف
بالقى نوره شق ليلي... بالقى ضلمة بتتكشف)2
بالقى نوره شق ليلي... بالقى ضلمة بتتكشف
(وألقى قومة بعد نومة... وفيَّ توبة وباعترف
وعايز أرجع منه أشبع... بعد ما الواحد نِشف)2
2- (نفسي تبقى الكلمة عندي...زي غنيمة وجدتها
فـرحـــة تمـلا كـل قلبـي... لمـا آكــــل مـنـهـا)2
فـرحـــة تمـلا كـل قلبـي... لمـا آكــــل مـنـهـا
(أيوة أبقـى باشتـهيـها ... وباجـري ليـها ولذّتــي
تمحي جهلي وتبقى لهجي... وترنيماتي في غربتي)2

1- لَمَّا بافقِد كُل أمَل .. ولا مَجال لأي عَمَل
وجَرحي رافِض يندِمِل .. آجي وأرمي عَليك الحِمل
لَمَّا الحيرَة تِملا كَياني .. والظَّلام بيغَطِّي مَكاني
والوَقت واقِف وأنا باعاني .. باشوف فيك وَحدَك أماني

القرار – (لَو بَحر تشُقُّه قُصادي .. لَو أتون تِنزِل مَعايا
لَو جُبّ تِحفَظ سَلامي .. وأيديك تُحرُس خُطايا)2

2- لَمَّا حِملي كان تِقيل .. والكُل قال مُستَحيل
كُنت ليَّ أنتَ الدَّليل .. كان ليك القول الأخير
لَمَّا الموت حَجَب الحَياة .. والغيمَة غَطِّت عَ الضياء
كُنت ليَّ نور الرَّجاء .. ولقيت فيك طوق النَّجاة

3- (أرجَع وأشوف النَّار دي نور .. واشوف المَجد بدون قُشور)2
(واللِّي ماتِت دي البِذار .. فاضِت بِحَياة وبثِمار)2

1- مابتِنساش وعودَك أبَدًا .. مَهما طال عَليها الزَّمَن
مابتِنساش وعودَك مَهما .. غَطِّتنا أزَمات ومِحَن
مابتِنساش وعودَك مَهما .. مَرّ عَليها أيَّام وسنين
مِتشالَة لِوَقت ومِتصانَة .. مَعروف ليها إمتى وفين
يمكِن أشُكّ ويمكِن أتوه .. وعينيَّ مِش شايفَة السِّكَّة
يمكِن أقول أنا ضِعت خَلاص .. أتاريها دي بداية البَرَكَة
(مابتِنساش وعودَك أبَدًا .. مَهما طال عَليها الزَّمَن)2

2- مابتِنساش وعودَك أبَدًا .. مَهما أكَل الجَراد سِنين
مابتِنساش قادِر تِعَوَّض .. وترُدّ المَسلوب ضِعفين
دَه مافيش في قاموسَك يا قَدير .. كِلمَة اسمَها مُستَحيل
في الصِّعاب تِفتَح أبواب .. تِدِّي ثَمَر وافِر وغَزير
ما بتِتفاجِئ بِالأحداث .. ولا تِضطَّر لِلتَّغيير
كُلُّه مَعاك مَعمول لُه حِساب .. وبسُلطان تِعمِل لِلخير
(مابتِنساش وعودَك أبَدًا .. مَهما أكَل الجَراد سِنين)2

3- مابتِسقَطش وعودَك أبَدًا .. مَهما كِترِت الصُّعوبات
مَهما رَفَع العَيان في صوتُه .. وخوفنا زاد في التَّحَدِّيات
كُلُّه لازِم يصير ويحصَل .. ويتِمّ في وَقتَك مَظبوط
السَّما والأرض تِزول .. بَس كَلامَك مِش هايموت
نُملُك ما لينا نحُطّ أيدينا .. لا أسوار تُقَف وسُدود
يعلا هُتافنا وانتِصارنا .. مَعاك فَرَحنا ما لُه حُدود
(مابتِسقَطش وعودَك أبَدًا .. مَهما كِترِت الصُّعوبات)2
مابتِنساش وعودَك أبَدًا .. مَهما أكَل الجَراد سِنين
مابتِنساش وعودَك أبَدًا .. مَهما طال عَليها الزَّمَن

1- كانِت البِدايَة .. لَمَّا اتقابِلت معايا
وعَرَفتِني بِاسمي .. وغَفَرت ليَّ إثمي
غَيَّرت قَلبي فيَّ .. وفَكِّيتني مِ الخَطيَّة
ونير العُبوديَّة .. حَمَلتُه انتَ عَنِّي

القرار - شُكرًا عَ الرِّعايَة .. يا رَبِّي والحِمايَة
اللِّي بَدَأت مَعايا .. قِصِّة جود وهَنا
قِصِّة أعظَم إلَه .. أحَب لِلمُنتَهى
مَجموعَة مِ الخُطاة .. وأوِّلهُم أنا

2- وطول الطَّريق .. في الرَّحب أو في الضِّيق
ما شِلتِش عينَك عَنِّي .. ما مَلِّتش مِنِّي
لَمَّا كُنت آجي لَك .. وأقعُد مَعاك وأحكي لَك
أشكُر أو حَتَّى أشكي لَك .. كُنت بتِسمَعني

3- دايمًا قُرَيِّب ليَّ .. وشاعِر بِاللِّي بيَّ
وبتِفهَم الكَلام .. بِحُبّ واهتِمام
التَّفاصيل الكِتيرَة .. صُغَيَّرَة وكِبيرَة
مَهما كانِت بَسيطَة .. ليها عَندَك مَكان

4- والنَّاس اللِّي في حَياتي .. وحَتَّى ذِكرَياتي
أفراحي والأنين .. دول عَندَك مَعروفين
دي كُل الأمور .. الخير مَع الشُّرور
ليهُم ميعاد ودور .. لِخير انتَ عارفُه فين