صفوت ناجى (7 ترنيمة )

إلهي لا أعرف ما هو صالحٌ لنفسي
ها أنا قد شرعتُ في عملٍ... من مشورة نفسي
أعرف منين إرادتك ومشيئتك في حياتي
وأنت يا رب اللي بتشبع وبتكفي كل احتياجاتي

إلهي أنت أعددتَ لي خطّةٍ كي أعيش فيها
أعمالٍ صالحةٍ... أعددتَ كي أسلك فيها
ده أنت يا رب أما بتفتح ما فيش حد يقفل
تدي بسخاء ولا تعيَّر ده أنت إلهي اللي بتغفر

إلهي فيك ثقتي... ضامناً بالخير كل عمري
قلت لي تكفيك نعمتي قوتي في ضعفك تكمل
وأنا لي من غيرك بلجأ له في وقت حيرتي
تسمع صلاتي وتكشف لي... عن مشيئتك قبل إرادتي

ليس لنا يا رب ليس لنا لكن لاسمك أعطِ مجداً
من اجل رحمتك من اجل أمانتك أعطِ مجداً
لماذا يقوم كل الأمم أين هو إلههم
إن إلهنا في السماء كلما شاء صنع
ليس لنا يا رب ليس لنا لكن لاسمك أعط مجداً
لا تشمتي بي يا عدوتي إن سقطتُ سوف أقوم

لما جروحك تبقى صليبك أشكر على كل عطاياه
إبليس همه انه يجيبك وينسِّيك حبك لله
نفسه يشوفك عبد ليه يأمر هوَ وأنت ليه
قول له لغاية هنا كفاية ليَّ سيد يترد عليه
ارفع قلبك للإله قوله أنا طالب حماية
طالبك أنت طوق نجاة نعمتك ليَّ كفاية
تسمع منه صوت حنون ده انت واحد من ولادي
انت ابني مهما يكون وإبليس مطرود من بلادي
إبليس لو جالك يجرب امسك في صليبك تلاقيه
يهرب مش ممكن يقرب أصله عارف ايه اللي فيه
ده إلهنا غلب وحرر نفوس كتير اتكلوا عليه
حرر أسرى ومسبيين وكل ضعيف يحتمي فيه
ارفع عينك للسما قوله يا ربي نفسي أشوفك
جاي تاني على السحاب ويا مجدك ويا خوفك
جاي تاني ... جاي تاني ... جاي تاني

القرار - ربي وإلهي وفاديَّ حبك ملا الدنيا عليَّ ضامن معاك أيام جاية
مليانة فرح وخير وسلام
حتى لو الضيقة شديدة حتى لو الفرحة بعيدة كل وعودك لي أكيدة
افرحوا بيَّ كمان وكمان

١- كل أما ببعد تندهلي وحدك تعين ضعفي وجهلي
محتاج لإيدك ترفعني ده انت إلهي وفاديّ
تبقى انت كدة كل حياتي قادر تسد احتياجاتي
عارف بضعفي أنا الخاطي ولما أغيب انت تجيني

٢- وقت الحروب بتخبيني تظهر في ضعفي تقويني
ترفعني تمسك بيميني من ضيق لفرح تعدّيني
انت يارب ترس خلاصي سراج لرجلي وتاج راسي
تنهضني لما باكون ناسي سكة مشيئتك وخلاصي

وأنا بالعب كورة في بيتنا زي كل يوم
شوطت شوطة من بتاعة النجوم
الكورة وقعت الشماعة والهدوم
وجت في صورة فرح بابا وماما
يا ترى هاعمل إيه لما ماما هاتيجي
أقولها الحقيقة وزي ما تيجي تيجي
ولا أقولها إن القط بتاعنا اتجنن
وقلب الدنيا ووقع الصورة واتفنن
قول الحق حتى لو كنت هاتتعاقب
قول الحق حتى لو اتحرمت من حاجة حلوة
قول الحق عشان يسوع بيحب الحق
وكل كلامه كان دايماً حق
أعز صاحب عندي في المدرسة
قلي تعال نروح في حتة كويسة
ولو تأخرنا قلهم كان عندي درس
وهي كدبة بيضا وأكيد ما تتحسبش
يا ترى أروح معاه ولا أستأذن بابا
وأكدب الكدبة البيضا وأقول خلاص هاتعدي
ولو ما رضيش صاحبي هايزعل مني
وهايقعد فترة كبيرة أكيد مش هايكلمني
قول الحق حتى لو خسرت أعز صاحب
قول الحق الحق دايماً هايخليك مرتاح
قول الحق عشان الكدب ما فيهوش ألوان
قول الحق قول الحق

المنبه رن الصبح على ميعاد المدرسة
ودي تبقى حاجة أكيد مش كويسة
لكني افتكرت حاجة مهمة خالص
قبل ما أغسل وجهي هابتسم
صباح الخير يا بابا يا ماما
يا أحلى عيلة
صباح الخير يا مصر
يا بلادي الجميلة
الابتسامة خلت يومي أحلى
علشان كدة هافضل ابتسم
الابتسامة أجمل علامة
تترسم على وشي طول اليوم
هدية من ربي لما أدانا
سلام في قلوبنا على طول يدوم
لحارس عمارتنا الأمين أنا هابتسم
ولما أقابل واحد مسكين أنا هابتسم
لأصحابي وللمدرسين أنا هابتسم
علشان الابتسامة خلت يومي أحلى
شكراً ليك يارب على اليوم الجميل
شكراً على كل عطاياك قليل أو كتير
شكراً على الصليب وعلى حبك
علشان كدة هافضل ابتسم
الابتسامة أجمل علامة
تترسم على وجهي طول اليوم
هدية من ربي لما أدانا
سلام في قلوبنا على طول يدوم