ميريت إميل (4 ترنيمة )

القرار- (أه يارب الكون يا إله وحنون
مين يطفي النار وليه دمائنا تهون)2

1-(وإمتى يا قدوس هاتنتقم لنفوس
شهداء على اسمك على دمهم بندوس)2
على دمهم بندوس
2-دم الشهيد يصرخ لك صوته يسمّع ليك
فوق الجدار يتألم يا رب اسمع ليه)2
يا رب اسمع ليه
3-(أحشاء بتصرخ خوف يا إلهنا إمتى نشوف
حقك يعوَّض لينا نقطة دمانا ألوف)2
نقطة دمانا ألوف
4-(يا إسكندرية كفاية دمه بيصرخ فيكِ
مارمرقس اللي جاب إيمان إلهنا إليكِ)2
إيمان إلهنا إليكِ
5-(يا كنيسة لسه بتدّي شهداء لحد الآن
دم الشهيد هيجبلك نفوس في كل مكان)2
نفوس في كل مكان

القرار- ياللي فديتنا بدم زمان
دي كنيستك صامدة بإيمان
على دم الشهداء وهتكمل
(على دم ولادها للآن)2

1-(على دمه هاتكبر وتزيد
على دمه الطاهر في العيد)2
فرحان هو في حضن جديد
حضن الرب يسوع في سماه
2-(على دمه وبلبس جديد
بميلاد فاديالكل سعيد)2
ويفوز هو باسم شهيد
إكليل في السما يستناه
3-(على دمه وفراقه عزيز
ويصير كل الغالي رخيص)2
ونهون احنا بدون تمييز
قدام مجد السما وياه
4-(على دمه هنسأل أيوب
بعد ما كان مطروح مغلوب)2
تعويض السما خلّاه يدوب
من حب إلهه في عُلاه

القرار- ماتخافش يا أبويا أطمن
طمن أمي وناسي عليَّ
قبل رصاص الغدر ما يوصل
إيده الحلوة أتمدت ليَّ
(قال لي تعالَ يا بني في حضني
يا شهيد اسمي وغالي عليَّ)2

1-(قال لي تعالَ ياللي بدمك
يتثبت إيمان في كنيستي
بعد ما دمي غفر الماضي
فتح السكة ودفع الدية)2
2-(قال لي تعالَ ياللي بدمك
هاتكمل سكة مارمرقس
اللي رواها بدمه وأنت
هتكمل في السكة راوية)2
3-(قال لي تعالَ ياللي بدمك
هاترد نفوس كانت ضالة
زي ما دمي رد خليقتي
ووهبت حياة للبشرية)2
4-(قال لي تعالَ بدمك نكتب
سطر منوَّر وسط الضلمة
يفتكروا وعودي بالغلبة
مهما أشتدت حرب قوية)2
5-(ولما دعاني وقال لي بدمك
قلبي أتهلل أوي بالدعوة
جريت روحي لحضنه الغالي
وكسبت خلاص الأبدية)2

1- (لما سألنا البابا شنودة
ع اللي بيحصل والأحداث
رد بحكمة قلب وقالها
ربنا موجود بين الناس)2

القرار- (ربنا موجودكله أكيد للخير
مسيرها يوم هتزول)2

2- (مهما إن ضاقت قوي في عينينا
مهما أشتدت حرب وخوف
نصرخ لك بالروح يا فادينا
أبدًا ما هانصرخ بحروف)2
3- (كل ما يُعمَل يُعمَل بينا
دايمًا يتحول للخير
دم صليبك هو حامينا
ما أنت عظيم قوي في التدبير)2
4- (مهما تطوّل من حوالينا
مهما يعافر ليل ويسود
فجرك لازم يشرق فينا
مجدك واضح ما له حدود)2