مينا جرجس (4 ترنيمة )

القرار- ماتخافش يا أبويا أطمن
طمن أمي وناسي عليَّ
قبل رصاص الغدر ما يوصل
إيده الحلوة أتمدت ليَّ
(قال لي تعالَ يا بني في حضني
يا شهيد اسمي وغالي عليَّ)2

1-(قال لي تعالَ ياللي بدمك
يتثبت إيمان في كنيستي
بعد ما دمي غفر الماضي
فتح السكة ودفع الدية)2
2-(قال لي تعالَ ياللي بدمك
هاتكمل سكة مارمرقس
اللي رواها بدمه وأنت
هتكمل في السكة راوية)2
3-(قال لي تعالَ ياللي بدمك
هاترد نفوس كانت ضالة
زي ما دمي رد خليقتي
ووهبت حياة للبشرية)2
4-(قال لي تعالَ بدمك نكتب
سطر منوَّر وسط الضلمة
يفتكروا وعودي بالغلبة
مهما أشتدت حرب قوية)2
5-(ولما دعاني وقال لي بدمك
قلبي أتهلل أوي بالدعوة
جريت روحي لحضنه الغالي
وكسبت خلاص الأبدية)2

القرار- (مش إنسان ممكن يوم تكدب
ولا إنسان تندم على حاجة
كل وعودك صادقة هاتعمل
بس نصلي لك بلجاجة)2


1- (انت إلهنا الحي القادر
تنقل كل جبالنا يا ربي
ده كلامك بيعزِّي قلوبنا
أصلك قُلت مبارك شعبي)2
2- (مين هايردّك وأنت بتؤمر
بالبركة لينا ولبلادنا!
واثقين فيك يا إلهنا هانصبُر
على الضيقة أصل انت واعدنا)2

1- (لما سألنا البابا شنودة
ع اللي بيحصل والأحداث
رد بحكمة قلب وقالها
ربنا موجود بين الناس)2

القرار- (ربنا موجودكله أكيد للخير
مسيرها يوم هتزول)2

2- (مهما إن ضاقت قوي في عينينا
مهما أشتدت حرب وخوف
نصرخ لك بالروح يا فادينا
أبدًا ما هانصرخ بحروف)2
3- (كل ما يُعمَل يُعمَل بينا
دايمًا يتحول للخير
دم صليبك هو حامينا
ما أنت عظيم قوي في التدبير)2
4- (مهما تطوّل من حوالينا
مهما يعافر ليل ويسود
فجرك لازم يشرق فينا
مجدك واضح ما له حدود)2

1- لما أبعد عنك بتغرب وألقى الدنيا في عيني ظلام
عمري معاك محسوب بثواني مش بدقائق ولا أيام
القرار- هجري عليك وأنده تسمعني مين غيرك أنا هاطلب يعني
أصلك قلت في كل وعودك إنك شاري ومش هاتبعني
2- وأنا تايه في الدنيا لوحدي الخوف بيحاوط أفكاري
تجري دموعي من فوق خدي لا أنا عارف أسكت ولا أداري
3- لما أجري بسرعة وافارق خطواتك وفي سكة غريبة
لا أنا قادر أكمل ولا قادر ألقى حياتي في وسط الغيبة