القس موسى رشدي (3 ترنيمة )

1- تنده عليَّ وأسكِّتك من كتر شري سكِّتك عن عيني مخفية
قربت ليَّ وبابعدك يا إلهي نار محبتك جوايا مطفية

القرار - اتصرف انت يارب فيَّ شيل الغشاوة من عينيَّ
رجَّعني ليك رجَّعني ليك
من يوم ما سيبتك فرحي سابني والهم عذبني و تعبني
والراحة فيك..الراحة فيك

2- (كترت عاداتي وشهواتي وخطايايا قلِّت اوي وقفة صلاتي وأقول كفاية)2
(هارجع وأتوب ألقى الذنوب تجري ورايا يارب صلّح لي العيوب خليك معايا)2
(هات ايديك وأمسك ايديا)2
3- (عارف حياتي م البداية للنهاية داري بتعب قلبي وشقايا والخبايا)2
مكشوفة قدامك دوايا انت وشفايا معاك في وقت الخوف حماية وبيك عزايا
(ولا حد غيرك داري بيَّ)2

القرار- (لا يكون ظلام .. للي عايش جوه ضيق
ويكون سلام .. وايديه تفتح طريق)2

1- (من جوه نعشي .. سمعت صوته ينادي اسمي
وبكلمة منه .. رد روحي جوه جسمي)2
2- (وأقوم وأنا .. رافع عينيَّ لعينيه
ولا إيد بتسند .. أو تساعد غير إيديه)2
3- (أنا كلي ليك .. ياللي بدمك اشتريتني
ولا يكفي حبي .. وخدمتي ياللي فديتني)2

1-أنا ساعة لما باحس بضيق
أو مركب عمري بيبقى غريق
ألجأ ليسوع (بيفرحني وينجيني)2
أنا ساعة لما باكون تعبان
أو لما باقاسي من الأحزان
ألجأ ليسوع (بيريحني ويعزيني)2

القرار –(وأطير بروحي للفضا
ويؤون أوان الفضفضة)2
وأحكي ليسوع كل الهموم
(وألاقي حزني خلاص مضى)2

2-أوقات أحتاج لكن مالاقيش
أطلب والناس بتقولي مافيش
ألجأ ليسوع (ويمد إيديه وبيغنيني)2
3-ده إلهي حنون طيب وعطوف
وأنا لما باحس برعشة خوف
ألجأ ليسوع (وياخدني لحضنه يخبيني)2