هو اللي نداني (9 ترنيمة )

1-(هو اللي ناداني ورجَّعني
وأنا عمري ما ف مرة ناديت له
بص عليا وقال اتبعني
أنا سيبت اللي في إيدي وجيت له)2
عمري ما كان يخطر على بالي
إن يسوع هايغيَّر حالي
وإنه هايبقى حبيبي الغالي
وذنوبي هاتكون مشطوبة
أول حب حقيقي بقابله
أيوة ما عيشتش قبل ما أقابله
أيامي اللي كانت قبله
دي من عمري مش محسوبة

القرار – هو اللي ناداني وأنا سمعت لِنداه
فتح أبوابه تاني ورجَّعني لسماه
والحزن اللي ملاني صبح أفراح معاه
كان العالم مالكني بقيت مِلك الإله

2-(من بين الشوك اللي خانقني
جِه جرّح نفسه ونجاني
ما هو أصل عشان هو خالقني
يقدر يِصنعني من تاني)2
هو بدمه غافر إثمي
هو في كفه حافر اسمي
من كتر حنانه محسسني
إن مافيش في العالم غيري
ده بيرعاني وبيحرُسني
وأنا وياه ولا شيء ينقصني
بالنعمة كافيني مخلصني
ومعوَّض ضعفي وتقصيري

1- (ارجع يا قلبي رايح لفين؟
والسكة دي ليك فيها مين؟
سكة آلام سكة ظلام
ويا الخطاة عايش حزين)2

القرار – (طيب ليه تسيب حضن المسيح
من بعد ما إدّاك الأمان!
تختار تعيش مكسور جريح
وانت اللي محتاج الحنان)2

2- (قول لي يا قلبي السكة دي
فرحتها بتدوم أد إيه؟
هي ثواني وتبتدي
رحلة ألم صعب تداريه)2
3- (يا قلبي ابكي على اللي فات
يمكن تطهَّرك الدموع
في شيء أكيد جوانا مات
بس الحياة في إيد يسوع)2

1-أنا ساعة لما باحس بضيق
أو مركب عمري بيبقى غريق
ألجأ ليسوع (بيفرحني وينجيني)2
أنا ساعة لما باكون تعبان
أو لما باقاسي من الأحزان
ألجأ ليسوع (بيريحني ويعزيني)2

القرار –(وأطير بروحي للفضا
ويؤون أوان الفضفضة)2
وأحكي ليسوع كل الهموم
(وألاقي حزني خلاص مضى)2

2-أوقات أحتاج لكن مالاقيش
أطلب والناس بتقولي مافيش
ألجأ ليسوع (ويمد إيديه وبيغنيني)2
3-ده إلهي حنون طيب وعطوف
وأنا لما باحس برعشة خوف
ألجأ ليسوع (وياخدني لحضنه يخبيني)2

1-(انت النور اللي بيهديني وسط ظلام الليل
بمراحمك انت بتغنيني إن كان زمني يميل)2
شبعان بيك دايماً شبعان ولو ليلي طويل
عارف إن إيديك هاتقُودني وصوتك ليَّ دليل

القرار – ياللي إدّيت لحياتي معاني دايماً أرنم ليك
حفرت في قلبك لي مكاني وحملي رميته عليك
قلبي بيسجد ليك بهتاف ياللي بلمسة إيديك
جددت حياتي وخليتني متطمِّن أنا بيك

2-(إن كان مجد العالم باطل مجدك انت يدوم
كنزك ليَّ أمان وسلام فرحي في أي هموم)2
ياللي بإيدك تمسح دمعي وتمحي أي غيوم
ليك المجد في كل حياتي مجدك يوم ورا يوم

1-ســــــــــــــــامحني
(بعدت عنك سنين طويلة
إبليس راسم لي دنيا جميلة)2
خطيت بدمعي صك الخطية
وكتبت خاطية ما بيدي حيلة

القرار – (وصــرخت ليــك
تعالَ خدني من عذابي
نــــاديت عليـــــــــك
تعبت مني بعدي وغيابي)2
وفي يوم وليلة خبط بابي
ورجعت نادمة ونفسي ذليلة
إيدك فدتني روحك نادتني
مباقتشي تاني شاردة وعليلة

2-(تعبتني خطايا العمر كتير
ومشيت في طريق مفروش بحرير)2
ضحكت لي الدنيا أوقات بكتني
وفي خطة رمتني على جمر أسير
3-غيرت حياتي بسلامك
ورجعت أتكلم بكلامك
مباقتشي بعيد دوقت المواعيد
ورجعت أعيش وياك يا حبيب

1- (خدود كتيرة م الدموع صبحت مندّية
ولما تسألهم يا ناس ليه الدموع ديه)2
يقولوا كنا مع المسيح ونفوسنا مفدية
وأخدنا حرية وكمان جنسية سماوية
وسبنا كل العز ده علشان حاجات زايلة
وكمان مالهاش أمان ومابتسواش

القرار – (بلاش يا صاحبي تسيبه بلاش
ماتبعش دمه الغالي بلاش)2
كام حد ضاع لأنه باع
فكر هيحيا ومات مش عاش

2-(وياللي دمك كان ثمن غالي اندفع فيَّ
ما إن كنت مسبيوأنت جيت دفعت لي الدية)2
أنا عايز أجيلك مد لي جسر ومعدية
موضوع رجوعي ليك أنا واخدة بجدية
مليت أعيش محروم كده من تعزيات من إحسانات
أنا من زمان ماحسيتهاش

القرار- (صوته الحلو اللي ناداني
فرَّح قلبي وخلّاني
أتقوى من ضعفي وأقوم
باسمع صوت اللي فداني
فبيسكت صوت أحزاني
أفرح وأطرد أي هموم)2

1-(أنا لما أقعد وياك
باسمع صوتك جوايا
وألاقيني باحكّي معاك
وأنت تكلمني في آية)2
نفسي أفضل كدة متدفي
ويا ريت العمر يكفي
وياريت يطول اليوم
2- (يا إلهي لأنك فيَّ
لمخاوفي بالاقي نهاية
أنا روحي متدفية
ده إلهي حبيبي معايا)2
ولأن حبيبي في صفي
لأتون النار بيطفّي
ويخلّي سلامي يدوم

1- تنده عليَّ وأسكِّتك من كتر شري سكِّتك عن عيني مخفية
قربت ليَّ وبابعدك يا إلهي نار محبتك جوايا مطفية

القرار - اتصرف انت يارب فيَّ شيل الغشاوة من عينيَّ
رجَّعني ليك رجَّعني ليك
من يوم ما سيبتك فرحي سابني والهم عذبني و تعبني
والراحة فيك..الراحة فيك

2- (كترت عاداتي وشهواتي وخطايايا قلِّت اوي وقفة صلاتي وأقول كفاية)2
(هارجع وأتوب ألقى الذنوب تجري ورايا يارب صلّح لي العيوب خليك معايا)2
(هات ايديك وأمسك ايديا)2
3- (عارف حياتي م البداية للنهاية داري بتعب قلبي وشقايا والخبايا)2
مكشوفة قدامك دوايا انت وشفايا معاك في وقت الخوف حماية وبيك عزايا
(ولا حد غيرك داري بيَّ)2

1-(أوقات باقول ده معقول
يا يسوع أنا ولا كنت أطول
إنك تكون سيدي
جيت ولا روحت أنا من تراب
سيدي وكمان أنا وأنت صحاب
و ماسكني من إيدي)2

القرار – (بانحني ليك يا يسوع بانحني
ما أنت في عينيك شيلتني
يا يسوع وغيرك مين حبني
ومات عشان حبني
أنت اللي فرحتني
بعد أما كنت حزين)2

2-(يا يسوع جمايلك ما أوفيهاش
من كترها مابعدهاش
ياللي بترعــــاني
أنا هاشكرك طول ما باعيش
وحياتي دي ماتكفيش
ولا مية حياة تاني)2