مايكل إسحاق (36 ترنيمة )

1-(أنا مستنيك تعمل بإيديك وفي وسط ظروفي تشجعني
جاي لك يا يسوع باطلب بخشوع من كل همومي ترفعني)2
أنا مستنيك وعينيَّ عليك واثق إنك مش هتسيبني
تمسك إيدي ترفع قلبي ومافيش أحزان راح تغلبني
2- (أنا مستنيك وأنا واثق فيك وفي قوة شخصك وفي سلطانك
وسط الأنات وسط الأزمات هتعود أفراحي بإحسانك)2
أنا مستنيك متعلق بيك لأنك صادق في كلامك
أصلك حنَّان وإله منَّان هتنجي حياتي وهاشوف خلاصك

1-(حبك خلّى قلبي أسير لشخصك ربي القدير
ياللي بموتك خَدت مكاني واديتني بموتك تحرير)2
2- (بعد ما كنت بعيد وضرير جيتني وأصبح قلبي بصير
نورت لي حياتي وعمري وصنعت في قلبي التغيير)2
3-(وبترعاني بحُب كبير في البرية معايا تسير
تمسك إيدي وبتشجعني وبتملُك كل التفكير)2

القرار- (افتح قلبي القاسي وأُملك فيه يا يسوع
كنت باعِيش وأنا ناسي من غير أي رجوع)2

1- (كنت في جهلي عنيد رافض صوتك ليَّ
و انت مادِد لي الإيد بمراحم سماوية)2
2- (ياما سمعت كتير وفضلت في خطايايَ
ورفضت التغيير وعشت لدنيايَ)2
3- (إبليس رابط إيدي بسلاسل وقيود
نفسه يفضل سيدي مش عايزني أعود)2
4- (وآدي دموع التوبة من إنسان محتاج
إنك تيجي وتشفي وتبقى لنفسي علاج)2

1-(شكلن فيَّ يا ربي واملأنّي بالخضوع
حتى أسلك في دربي طوع أمرك يسوع)2

القرار- سأعيش في رضاك أنت يا ربي العظيم
سوف أتبع خُطاك كما سرت في القديم

2- (هبني يا إلهي دوماً في طريقك أسير
أركض يوماً فيوما خلف وجهك المنير)2
3- (اعملن بيَّ في كرمك حتى آتي بالثمار
فيُسَر بها قلبك بعد أن كانت بذار)2

القرار- (ده انت غالي كتير عليَّ انت مش وسط الجموع
انت ليك قيمة ومكانة أغلى من كل الربوع)2

1- اوعى تفتكر إني سيبتك لما رُحت بعيد هناك
لما في الشر اتكوِيت والمرار كان بحشاك
أنا كنت معاك هناك كنت شايفك في بُكاك
قلبي كان حاسس بحزنك كنت مشتاق للُقاك
2- والنهاردة أنا لسه واقف باعرفَك وأنْده باسمك
هل هاتقبَل حبي ليك؟ هل هاتفتح ليَّ قلبك؟
هاقبلَك رغم الخطايا اللي غطِّت كل فكرك
وأغْسلك و أفديك بدمي اللي يستر كل شرك

1-(من فضلك ربي ارحمني طهرني من الخطية
من فضلك سامح جهلي حررني من العبودية)2
إن كان إبليس قيدني وخطايَ كتير شدتني
أنا واثق ربي في حبك تقبلني وتتوبني

القرار- [(أنا راجع)3 بالإيمان
(أنا راجع)2 قبل فوات الأوان]2
أنا راجع للحنان عشمان في الغفران
(أنا راجع بالإيمان)2

2-(شايف إيدك ممدودة لواحد زيي أثيم
مع إني كلي خطية وأنت رب عظيم)2
ياما ندهت لي بحُبك وماكنتش عايز أسمع
لكن من قلبي باقول لك الليلة أنا عايز أرجع

1-(لما أجي لك وأناديك وأرمي نفسي بين إيديك
بافتكِر وعودي فيك وأنسى حالتي هللويا)2

القرار- (هللويا هللويا)2 هللويا انت أبويا

2- (تهجم الأمواج بقوة ومكاني هو هو
مش باخاف لأني جوه حضنك انت هللويا)2
3- (مهما كان الجرح فيَّ بالتجأ لك يا راعيَّ
تيجي تمسك بإيديَّ وتداويني هللويا)2

1-(ربي الحبيب فوق الصليب كان البديل ليَّ أنا
رب الحياة سَفك دماه قلبه الكبير لأجلي أنحنى)2
(داق الآلام من البشر ومن الأنام كان محتقر)2

القرار- (هو المسيح كان الجريح حبه العجيب وهب النجاة
حب الخطاة وترك سماه مات ع الصليب وهو الإله)2

2-(داوى القلوب رفع الذنوب حتى اللي كان ميت ناداه
بعد النِداء رغم الفناء خلّى الكيان عاد للحياة)2
(وبحُب جال في أرضنا يحيي الآمال بعد العناء)2

1-(علمني أن أثق بك يا سيدي
عرفني أنك معي يا مرشدي)2
أنت ترعاني وبيَّ تعتني
من سواك يبقى لي في وحدتي

القرار- (من لي غيرك يحبني يحب الخير لي
من لي غيرك يضمني في ليل غربتي)2
أنت يســــــــوع

2- (دربي أن أراك في وسط الغيوم
أن أضع في يدك كل الهموم)2
أشتاق أن أدرك كم أنت حنون
فأنت ربي من سواك لي يدوم

(أنا مش مستني مديح ولا خايف م التجريح
مش هاسمع للإنسان لو حتى كلامه مريح)2

القرار – (أنا هدفي أعيش بأمانه وأشهد عن حب يسوع
لو عِشت لنفسي خيانة أنا هدفي أعيش ليسوع)2

(لو فيه كلمات إعجاب أو لوم وكلام بعتاب
أو حتى كلام جذاب باطل وفي نظري سراب)2
3- (أنا عِشت سنين مخدوع وما بين أفراح ودموع
مشغول بكلام الناس وكياني معاه مدفوع)2