يوسف صموئيل (12 ترنيمة )

1-عظيم ابن الله اللي أتانا من علاه
(وصار لنا بر وحكمة وقداسة وفداء)2
(وغنت له الملايكة: المجد لرب الأنام
وبالناس المسرة وعلى الأرض السلام)2
وبالناس المسرة وعلى الأرض السلام

القرار- وبرغم الريح شديدة والأمواج عالية عنيدة
بتخبط في السفينة وهي مسافرة بينا
(لكنّي واثق إنّي)3
إلهي يده قديرة ومحبته لينا أصيلة
مش هيسيبنا لوحدينا ولا يوم هيفرط فينا
وهيرسي السفينة على بر أمينة
وهيرسي السفينة (لبيت الله أبينا)3

2-مابخافش من الأيام علشان أنا مؤمن بالله
(قلبي عمران بسلام من يوم ما أتقابلت معاه)2
(ده صالحني بدم صليبه والهلاك عني عبر
وصبحت ابنه وحبيبه وهاخبّر كل البشر)2
وصبحت ابنه وحبيبه وهاخبّر كل البشر
3- ده بنفسه ماشي معانا ومحدش يقدر يأذينا
(ولا شعرة واحدة تسقط لأنه هو اللي حامينا)2
(دي مراحمة لينا دايمة تصاحب جيل من بعد جيل
وحبال نعمته مش دايبة وتتقطع مستحيل)2
وحبال نعمته مش دايبة وتتقطع مستحيل
4- سروا معي يا رجال وغنوا بأحلى الأناشيد
(الرب شال الأحمال وخلّى نهارنا وليلنا عيد)2
(ووهبنا نـجاة كل اللي تابوا ورجعوا إليه
ومفيش نفس هاتهلك مادام ممسوكة في إيديه)2

*من لحظة خيانتي
لما قلت أمانتي وأنا ميت بالحياة
مهموم دايما كعاتي وبفتش عن سعادتي
(والمر ليَّ دواء)2
1- (مجنون)2
بجرح في نفسي بالشر والإدمان
مجرجرني القاسي لأرض الهوان
متمرمر بأغنى لليل والأحزان
وما لقتشي راحتي وبقيت أنا ندمان
القرار - برجع ليك أقبلني ردني من كل الموت
قول كلمة لضعفي قبل الفرصة ما تفوت
(ندمان إني سبتك وطفيت أنا الشموع
وراجع أقول بحبك بتوبة ودموع)2
وعايز زماني أعشلك أعيش أنا بالخضوع
والباقي من حياتي يكون ذبيحة ليسوع
أه أه أه أه أه أه أه أه أه أه أه أه أه أه
2- (مسجون)2
من كتر يأسي مش قادر أتوب
مش قابل أنا نفسي وغرقان في الذنوب
بعاده هدفها تبعدني عن الله
اللي هو الحقيقة ومصدر كل الحياة
3- (حنون)2
حنون ولا مره قولت ده خاين وشرير
وياما باعني بنظره ورافض التحرير
ده أنا في لحظة رجوعي لقيت قلبك كبير
ضمتني جوه حضنك وغمرتني بالخير

كنت امرأة حزينة خاطية وبلا قيمة
معروفة في المدينة بحكايتي مع البشر
وسنين من عمري ضاعت ويا الخطية راحت
في ظلمة وبُعد كانت وفي ليل مُرّ وسهر

القرار- وأنا جيت وبعشم فيه هو مش البشر
علشان أنا عارفه إنه دول قلبهم حجر
(هو اللي داري بيَّ قلبه مليان حنية)2
(هيسامحني وهيغفر)3
إثمي اللي انتشر أصله غير البشر

2- وسمعت عن المسيح اللي داوى الجريح
في بيت سمعان ومتكئ وده شخص مريح
كنت مكسوفة منه لكن قالوا لي عنه
ده قِبِل السامرية وقلبه ليها غفَّر
جيت وبإيمان وباكية ومن وراه وواقفة
بليت رجليه بدموعي وبشعري مسحتهم
ضليت أبكي الخاطية قد إيه قاسية وقوية
أخدت كل اللي ليَّ وقلبي معاها أتكسر
(ونظر لي وأبتسملي وبصوته الحلو قال لي)2
(مغفورة ليكِ الخطية علشان آمنتي بيَّ)2
اذهبي بسلام (من اليوم أصبحتي ليَّ)3

1- مستنيك ترجع لي وأنا عيني عليك
وانت يا ابني شاغلني وأنا نفسي الاقيك
مستنيك ترجع لي وأنا عيني عليك
أصلك يا ابني واحشني وأنا نفسي الاقيك

القرار- (حتى لو انت نسيتني
أنا مش ممكن انساك
ده انت ابني وحبيبي
وكل مُنايا لقاك)2
ده انت في قلبي وعيني
قربك هو سروري
(ولذة قلبي معاك)2
وإن كان قلبي انجرح
برجوعك ييجِي الفرح
وإن كان غدرك دَبَح
(أنا قلبي كله سماح)2

2- (من لحظة فراقك وانت هناك بعيد
أحزان في القلب تِدمي و وجعي شديد)2
(تعالى في حِضني هَاتلاقي الأمان
وتلاقي المحبة و تشبع حنان)2

(يسوع الحلو الغالي لقاني وغيَّر حالي
بدل حزني لأغاني والروح رجعت لي تاني)2

القرار- (وأنا كنت رايح جهنم لكنه رآني وتحنن)2
(وشفاني من كل جروح وملاني أفراح بالروح)2
أصله لأجلي مات مذبوح

2- (في عُري وأنا خجلان متروك بين حي وميت
مطروح ولا فيش إنسان قرب لي ومشاعره حنت)2
3- (ده جاني وقلبه رقيق نجاني وصار لي صديق
ما عاتبني وأنا الغلطان وعاملني بكل حنان)2
4- (رآني وأنا مغلوب من شهوة حنت لي راسي
نازل عكس المكتوب وعن حبه كان قلبي قاسي)2
5- (حن لي وأنا موجوع من ناس جرحوا إحساسي
خدعوني لكنه يسوع خلصني ورافع راسي)2
6- (في الفندق ضمان للرحلة ودفع لي حساب الكلفة
ومعايا طول الأيام ووعدني إنه جاي قوام)2

1- كانت حياتي نغمة حزينة
مليانة أوجاع وجروح دفينة
حسد وغيره وعينين شريرة
حلفان وشتيمة بألفاظ مريرة
وإيدين طويلة على الخليقة
وأيام ذليلة في سجن الخطية

القرار- (لكن هو عدى عليَّ وقال لي اتبعني
فجأة لقيت شخص بيرفعني ويرفَّعني)2
(ونظر لي بعينه الحلوة اللي دوبت قلبي
وقال لي تعالَ اتبعني ما تخافش يا ولدي)2
(وأنا فجأة لقيت حب وحبيت)2
شخص يحب ما يعرف يكره حتى أعداؤه
فج بنوره جوا في قلبي غيَّر حاله

2- رآني عايش عند الجباية
ميت وكانت هي النهاية
إنسان ضلالي غشان حرامي
القرش أبويا والكذب حلالي
شفق لحالي وقال تعال لي
ده أنت في بالي وعلى قلبي غالي
من فرحة قلبي وشوقي لربي
عملت وليمة وعزمت حبايبي
والفرحة هلِت والدمعة فَرِّت
والآهة ولِت والسعد جاني
ويسوع لقاني بالحب سباني
وبالنعمة دعاني وملا قلبي أغاني

القرار- (صوت يسوع لكل الجموع)2
صوت يسوع بينادي بيقول أنا الفادي
(بيقول أنا باحبك أقرب واحد لقلبك)2
(وضحيت بدمي علشان أنت غالي)2

1- لو بعدت عنه مش هتلاقي زيه
في قلبه الحنين وحضنه اللي دافي
حبك جِه عشانك سال دمه بدالك
مات وأخد مكانك (أصل ده حبه شافي)2
2- ليه من حبه تهرب تعال وجرب
بيناديك بقلبه بيقول لك: كفاية
ليه تعيش في ضلمة وتموت في الخطية
لا فكر شوية (دي ضربة طرية)2

زكا ده اسمي يا أحباب
اقروا عني في الكتاب
ريس لكني مرؤوس
في الشرور عايش مغموس
رايح راجع أجيب في فلوس
ولا عمري شبعت يا ناس
عشار وفي أريحا زمان
جبار ولا أسيب إنسان
ظالم دايماً للمساكين
عايش عمري بقى لي سنين
آخد بدل القرش أتنين
وباشكي تملّي م الحرمان

القرار- (ومر عليَّ يسوع محبوبي
خلصني من كل ذنوبي)2
(وولدني ولادة ثانية
وإدّاني عطايا غالية)2
غيَّر قلبي وغيَّر فكري
وجعلني أعيش في أمان

2- ورآني يسوع البار
وناداني من فوق الأشجار
ودخل بيتي اللي مليان
بالخطايا و بالأوثان
بيَّت فيه وأتعشى كمان
وصبحنا من الأبرار
ووجدني راعي الخراف
وجعلني ضمن الأشراف
و أدي المساكين والضعاف
وإن كنت ظلمت أرد أضعاف
ومهما جرى لي مش هاخاف
ده حاملني على الأكتاف
وهداني يسوع الحنّان
وعمل معايا الإحسان
فكني من إيد الشيطان
فرّحني بعد الأحزان
وملاني نعمة وإيمان
وغمرني بكل حنان
غيَّرني يسوع الحي
خلّاني ماليش زي
نصف أموالي للمحتاج
والتعبان أجيب له علاج
واللي سجنته أعمل له إفراج
وكرامتي ما غالية علي

أنا لو هاعيش بعيد عنك (بناقص أعيش)2
قلبي بيرتاح دايمًا جنبك (زيك ما ألاقيش)2
أنا عايز أعيش يا إلهي (بين الأحضان)2
أشبع وأرتوي من قلبك وأقول عطشان

القرار- (دي نظرة عينيك تكفيني
والبسمة تحوش كل أنيني
وتبدل ليلي تخليني أنسى الأحزان)2

2- حبيتني وغفرت ذنوبي (ومحيت خطاياي)2
وسترتني وسترت عيوبي (وبقيت وياي)2
ده الماضي بيشهد عن جودك (وأعظم إحسان)2
والحاضر يهتف بوجودك أنا بيك هيمان
دوبني حنانك دوبني في (حُبك يا يسوع)2
أتمتع بيك مهما قابلني (آلام ودموع)2
لو كل الناس حبوني (وقالوا أحلى كلام)2
عن حُبك مش راح يغنوني ده ما كانش كلام
عرفني مشيئتك في حياتي (يوم بعد اليوم)2
أشهد عنك في اختباراتي (من غير ولا لوم)2
ده أنت الغالي على قلبي (وأغلى الغاليين)2
وأنا لو هعيش بعيد عنك هعيش لمين

القرار- (جانا يسوع جانا قوموا وغنوا معانا)٢
(جانا وعاش ويانا)٢.. ومات وقام وفدانا

١- (جانا كطفل وهو الله قصده إنه يُعطي الكل حياة)٢
هدفه وغايته وكل مُناه ينقذنا من خطايانا
٢- (جانا يسوع جانا من المجد وقال لنا ما نكره حد)٢
واللي يحب يحب بجد علشان يعيش في سمانا
٣- (وهاييجِي تاني ياخدنا معاه بالاختطاف وده ما أحلاه)٢
وهناك هانِفرح بيه في سماه والحزن راح ينسانا