ترانيم المراسلة 1 (18 ترنيمة )

1-افتح يا رب عيون شعبك.. يشوفك انت ويسمعلك
تغفر خطاياه ويرجعلك.. و ع الخطايا يدوس
وإن كان في وسطينا حرام.. قدام عدونا انهزام
اكشف لنا فين هو عخان؟.. واحفظنا من اللصوص

القرار-يا عالي يا قدوس.. يا خالق النفوس
شعبك هنا واقف أمامك.. جايين بهيبة قدهم جلالك
يا عالـــــي يا قــــــدوس

2-بالدم شعبك اتقدِّس.. عمل صليبك يا مخلّص
واحنا جينالك نتخصّص.. شعب المسيح مفروز
وعشان كلامك انت الحق.. وغير كلامك ماهوش حق
هانرفضه و نقوله لأ.. وبالوصــــايـــا نلــــوذ
3-جايين غرضنا تشكلنا.. ده احنا عملك يا جابلنا
إناء كرامة هاتعملنا.. بروحـــــك القـــــدوس
ونعيش عشان نخدم شخصك.. مجد وكرامة تكون لاسمك
شباب كتير يتكرَّس لك.. ويصير معاك محظوظ
4-بيوت عبيدك تحفظها.. تمدّ إيدك وتصونها
صوت الترنُّم يغمرها.. تيجي بحضور ملموس
مافيش مثيلك يا غالب.. تصنع لشعبك عجايب
وتحفظه في التجارب.. وإبليس يعود مفروس
5-فضّينا منها أيادينا.. لا تخصّنا ولا هيش لينا
بالتقوى وقداسة السيرة.. ماهيش غنى وفلوس
ولا احنا هانكلبش فيها.. وطأة قدم بنعديها
لكن قلوبنا ما تبغيها.. عابرين بعزم ندوس

القرار- (يا رئيس السلام يا ملك السلام
يا إله السلام اغمرنا بسلامك
يا رئيس السلام يا ملك السلام
يا إله السلام بنستناك)2

1- تعالَ واهدي الحيارى واللي تايه في الضلال
عشمانين زورنا زيارة ليلة ما تُخطر ع البال
حط إيدك علينا و صالحنا يا فادينا
مع الله وخلينا في سلام
2- ياللي وعدت إنك تدِّينا اللي عندك من سلام
العواصف هايجة علينا رسينا لبر أمان
ناس كتيرة تعبانين في المرض متوجعين
بتقول هو الرب فين في الآلام؟
3- الشعوب من الحرب عانت زمن قل فيه الأمان
والكروب حوالينا زادت فوضى في كل مكان
اطرح عنّا كل خوف طمِّنا عايزين نشوف
شخصك في كل الظروف يا حنَّان
4- والبيوت اللي قسمها إبليس عدو كل خير
ضمها ورجَّع سلامها طالبينك وحدك لا غير
تعالَ اشفي القلوب من الجروح ومن العيوب
والبعيد خلّيه يتوب بالإيمان
5- نتملي بسلام سماوي ونعظَّم اسم المسيح
والتهليل يعلا له تاني مع الشكر والتسبيح
هي دية العلامة ذبائح السلامة
مافيش تاني ملامة مهما كان

1- احنا الشعب اللي انت فديته وبدم صليبك رشّيته
قدّسنا وخصِّصنا يا سيد كمِّل عملك اللي بديته
القلب الفاسد طهرته والفكر المسلوب حررته
(والخاطي المِسكين برَّرته)2..احنا الشعب اللي انت فديته

القرار- يا إلهنا القدوس القادر قدسنا لشخصك نقّينا
قَوِّم كل ضعيف أو عاثر نوّر بقداستك ليالينا
عايزين نحيا لك في طهارة من غير ما العالم يسبينا
تبقى حياتنا سراج ومنارة ويشوفوا الناس عملك فينا

2- احنا الشعب اللي انت فديته ومن كل قيوده حلّيته
القلب الميت أحييته ومرار الماضي حلَّيته
الماضي بموتك سمَّرته والحاضر وحدك غيَّرته
(ومصيرنا الأبدي نوَّرته)2 احنا الشعب اللي انت فديته
3- احنا الشعب اللي انت فديته لحياة في قداسة انت دعيته
في الخدمة نعيش لك أيامنا ونشهد بفداك اللي عطيته
نكرز وبروحك تسندنا نار حبك تشعل حماستنا
(والسما تفرح بخطاة يتوبوا)2 نتكلم وانت تأيدنا

1-عايزين سلامك يملانا ويفيض يا مصدر كل سلام
املك بروحك جوانا اشبعنا بيك طول الأيام
(عايزين نعيش مع كل الناس بمحبة ووداعة ووِئام
يظهر سلامك في حياتنا في سلوكنا وفي كل الكلام)2

القرار- (المجد ليك في العُلى وعلى الأرض السلام
وبالناس المسرة يا إلهنا ليك كل الإكرام)2

2-عايزينك انت في بيوتنا تاخد مكانك وسطينا
دي لُقمة يابسة معاها سلام أفضل وأحسن كدة لينا
(تعالَ خد وضعك فينا أيِّدنا وامسك بإيدينا
خلّي مشورتك والأفكار بسلام وحكمة تقوِّينا)2
3-عايزين وعودك نحياها سماواتنا تدينا نداها
يتحقق المكتوب فينا ونفوسنا يتلبى نِداها
(نزرع سلام في كل مكان في بلادنا ونعيش جواها
ملكوتك انت بر وسلام وفرح هيعلى في سماها)2

1-(أحزاننا جيت تحملها وأوجاعنا تتحملها
مضروب مذلول ده لأنك انت بتتعاقب عنها
مجروح علشان معاصينا مسحوق من أجل آثامنا
تأديبنا اتحط عليك فشفيتنا وضمنت سلامنا)2

القرار- (قُلت سلامًا أترك ليكم
مش زي العالم أعطيكم)2
واحنا جايين طالبين شخصك
(ييجي سلامك ويسود شعبك)2

2-(ياللي أديت الشونمية تطمن وابنها ميت
شيل خوفنا وإدّي سلام من عندك انت يا سيد
وحِّد من تاني قلوبنا دي بيوتنا عايزة زيارة
إبليس عايز يهدمها وحيّله ماكرة وغدارة)2
3-(هايجة الريح حوالينا مين يهديها ويهدينا
فوق كل ضغوط وشكاية تحفظنا وتعلّينا
وسلام منك لبلادنا تحميها وتحمي ولادنا
عايزينك تستخدمنا نشهد عنك في حياتنا)2

1-عظيم ابن الله اللي أتانا من علاه
(وصار لنا بر وحكمة وقداسة وفداء)2
(وغنت له الملايكة: المجد لرب الأنام
وبالناس المسرة وعلى الأرض السلام)2
وبالناس المسرة وعلى الأرض السلام

القرار- وبرغم الريح شديدة والأمواج عالية عنيدة
بتخبط في السفينة وهي مسافرة بينا
(لكنّي واثق إنّي)3
إلهي يده قديرة ومحبته لينا أصيلة
مش هيسيبنا لوحدينا ولا يوم هيفرط فينا
وهيرسي السفينة على بر أمينة
وهيرسي السفينة (لبيت الله أبينا)3

2-مابخافش من الأيام علشان أنا مؤمن بالله
(قلبي عمران بسلام من يوم ما أتقابلت معاه)2
(ده صالحني بدم صليبه والهلاك عني عبر
وصبحت ابنه وحبيبه وهاخبّر كل البشر)2
وصبحت ابنه وحبيبه وهاخبّر كل البشر
3- ده بنفسه ماشي معانا ومحدش يقدر يأذينا
(ولا شعرة واحدة تسقط لأنه هو اللي حامينا)2
(دي مراحمة لينا دايمة تصاحب جيل من بعد جيل
وحبال نعمته مش دايبة وتتقطع مستحيل)2
وحبال نعمته مش دايبة وتتقطع مستحيل
4- سروا معي يا رجال وغنوا بأحلى الأناشيد
(الرب شال الأحمال وخلّى نهارنا وليلنا عيد)2
(ووهبنا نـجاة كل اللي تابوا ورجعوا إليه
ومفيش نفس هاتهلك مادام ممسوكة في إيديه)2

(ربي عايشين وسط دنيا انت أدرى منّا بيها
كل حاجة فيها توجع ويا عالم إيه ماليها
عايشة فيها الناس مظاهر والدواخل جوه تحزن
ولسان حالها بيحكي نفسي ألقى الراحة فيها)2
(ده اللي مستنيها تحلى أو مأمل فيها لحظة
يبقى ظنه فيها خايب ولا يستأمنها بكرة
مش تشاؤم دي الحقيقة فكَّر فيها لو دقيقة
كل واحد فيها ماشي بس مش باينة له سكة)2
2- (واللي فاكر ليها عدلة راح تجيها بعد ميل
وانتظاره طال وعشمان لو للحظة منها خير
واللي حظه كان قليل ويا دوب أخد له كيل
يعرف إن الدنيا خايبة والكريم فيها بخيل)2
(ده الكتاب سبق وقالها احنا عايشين وسط ليل
بس جاي نهار جديد جاي بعد ليل طويل
واللي حزنه كان مِطوِّل أو مُهمَّش من كتير
راح يعوضه زيادة أصله مصدر كل خير)2
3- (وأما يُحبُك في ضيقها أجي أرفع عيني ليك
ألقى طاقة مفتوحة لي وابتسامة من عينيك
ألقى حضنك جاي يطمِّن رغم عيشتي وسط ضيق
و الأنين والشكوى تبرد لما ألقي سلامي فيك)2
(لولا احنا لسه فيها والسلام في أراضيها
كان زمانها شكل تاني والغضب كان جه عليها
ده اللي فيه دلوقتي أرحم بس مين يعرف ويفهم
جوه فُلك النعمة ادخل ده الطوفان هايجيب عاليِها)2

1- (نحزن ونخاف ربما والشر يسود إنما
أفراحنا بطعم السما وثِمار الفرح هاتطرَح)2
(نفرح بالضال الراجع بدموع التوبة وراكع)2
مَرمى في الحضن الواسع والسما بالتايب تفرح

القرار- وهانفرح برضه هانفرح ونرنم لك ونسبح
ومعاك يا حبيبنا هانفرح ونرنم لك ونسبح
و برغم الغيمة السودا (ده مسير الصبح يصبَّح)2

2- (لما الأتعاب توجعنا نطلب وانت بتسمعنا
بالروح تيجي تجمّعنا وقصدك هايتم وينجح)2
(بصلاة ومعاها أصوامنا ورجاء حي مصبَّرنا)2
في البرية تسيَّرنا وفي البحر طريق راح تفتح
3- (مع دمعة بتملا عينيا أفراح الروح تسبينا
لو حتى الكل علينا وكلاب الشر بتنبح)2
(وصاياك بتفرَّح شعبك وأهو جاي بخضوع يسمع لك)2
مهما بعصيان كان تاعبك بطاعته بترتاح وبتفرح
4- (في كتير أفراح وهمية خدعة وزيف مية المية
يا شباب خدوا بالكم دية نعمة وفي الآخر تِجرح)2
(يا تعيش ولا يوم هاتنولها يا تموت برضه هتخسرها)2
احذر ياللي مكبرها دي جهنم أسوأ مَطرح

القرار- (فرحان فرحان فرحان أنا بالمسيح
بهتاف مليان وباهدي له التسبيح)2

1-(ليه كل المجد وليه كل السلطان
خليقته تحبه وتشهد له الأزمان)2
هو الأعلى في مملكة الإنسان
صوته الأقوى لو مهما العدو يصيح
2- (إزاي أنا أنسى مراحمه وخوفه عليَّ
مديني أمانه سلامه الساكن فيَّ)2
وبقدرة إيده مسيِّج من حواليَّ
وف وسط آلامي بالقى كلامه مريح
3- (قدامه احنا كنيسته اللي فداها
أعلن قصة حبه وبدمه رواها)2
علّا مقامها وصار هو غِناها
نسجد قدامه ونهدي له المديح

القرار – (طوبى للي إثمه اتغفَر وخطاياه اتسترت
محفوظ م النار والخطر والدينونة عبرت)2

1- (أصبح من أولاد الله ليه في الابن ضمان وحياة)2
(والروح القدوس جواه)2 بيعرَّفه كل ما لله
2- (أتحرر بعد الغفران وأتبَرر عايش في أمان)2
(والشيطان مالهوش سلطان)2 أصلُه ده من أولاد الله
3- (كل ما لله أصبح ليه ولا شيء من الدينونة عليه)2
(والوعد المضمون في إيديه)2 م البرية لحد سماه
4- (يسقط أيوه لكنّه في يوم الروح يحزن فيه ويلوم)2
(ويرجّعه فرحان ويقوم)2 تترد له بهجته بالله
5- (مَرْضي عنه في المسيح متغطِّي بدم الذبيح)2
(يحلا له الغُنا والتسبيح)2 والتمجِيد لاسم الله

القرار- [(من يوم ما عرفته وملاني
بسلام وأفراح ويا أغاني)2
(طمِّن قلبي على أيامي)2
إنه معايَ طول المشوار]2

1-(ده ستر كل عيوبي وغفر لي ذنوبي)2
(خد حكمي وإدَّاني خلاصه مجاني)2
وقال لي امضِ بسلام
2- (من بعد الأحزان خلّاني فرحان)2
(وهمومي أنزاحت وحياتي أرتاحت)2
شال عني كل الأحمال
3-(ده رفعني بإيديه فوق على منكبيه)2
(الرب راعيَّ ومسيَّج حواليَّ)2
مهما كانت الأخطار
4- (ده ضمن لي الأبدية في مدينة سماوية)2
(الرب يسوع هيمسح كل دموع)2
وأنا مستني مجيئه الآن

1-(ياللي بالخطية محني ياللي مغلوب من عاداتك
ياللي عبد وسيده قاسي ومُنيته يدمَّر حياتك)2
أغلب الشيطان واهرب للمسيح واترك فسادك

القرار- (ده المسيح قائد في موكب النصرة الكبير
واللي غالب ييجي يمشي في الجمع الغفير)2
ده بصليبه وجثيمانه فضح العدو و دانه
وسمَّر الصك في مكانه بمسامير
بعد موته و بقيامته غلب العدو وديانته
وحرر الأسرى من السجن المرير

2- (ياللي طول اليوم بتشكي من عدوك عماليق
والجسد جواك بيحكي قصة الشهوة اللي فيك)2
شوف إيدين مرفوعة تشفع جاب يسوع النصرة ليك
3-(ياللي عنده عينين بتدمع للدموع متحوشة لك
ياللي عنده ودان بتسمع كلمة جابها الروح وجالك)2
يلا احني الراس واركع غلبته هايديهالك
4-(ياللي في العالم بتضايق ومش قادر بجد
ثِق يسوع الحي غالب غلبته ما ليها حد)2
كل ضيقة بتضايقها يعوضك بدلها مجد
5-(ياللي مستني مجيئه لما هاييجي من سماه
يلبس الفاسد نقاوة والميت يلبس حياة)2
يُبتلع الموت لغلبة والجحيم يتسد فاه

القرار- (وعرفنا معاك معنى الفرحة ونسيتنا أيامنا الجارحة
لما قبلتنا بعد ضلالنا ومليت قلوبنا بالبهجة)2

1-(فرحتنا إنك في حياتنا بالرغم من كل آلامنا
والأفراح بتزيد قوتنا ونتغلِّب على كل أحزاننا)2
2- (فرّحنا بنفوس راجعة لك زي الخصي وزكا ما جالك
ارسل أفراحك وكلامك فيهلل شعبك لجلالك)2
3-(جددت من تاني رجاءنا أننا راجعين تاني لوطننا
وهناك هتدوم لينا أفراحنا لما في سماك هتسكننا)2

القرار- (جرد الرياسات جرد السلاطين
أشهرهم جهارًا ظافرًا بهم)2

1-(محا الصك اللي علينا في الفرائض
اللي كان ضد لينا ونقض الحائط)2
2-(أبطل شوكة الموت وبموته إدَّانا حياة
قام ومنحنا غلبة ونصرة ولينا رجاء)2
3-(أشرق جوا قلوبنا بنوره وهزم الضلمة
وعرِفنا مجد الله في وجهه وحبه غمرنا)2
4-(وبسلطانه العالم نغلب بالإيمان
وندوس على حيَّات وعقارب الشيطان)2
5- (وبمجيئه العدو يسحق تحت أرجلنا
وتنتهي كل حروب ومكايد لما ياخدنا)2

1-(ياللي مليت حياتي أفراح بعد ما كنت بعيد
خليت حُزني ماضي وراح وأبتدت الأناشيد)2

القرار- (فرحك جوه القلب يا سيدي
هو سروري ومصدر عيدي)2
(ولا يتأثر باللي بيحصل أو إيه مهما إن كان)2

2- (وأرتوى قلبي بغمر كلامك اللي يرد الروح
كلمة تداوي وكلمة تعزي وكلمة تشيل النوح)2
3-(املا حياتي بثمر الخدمة ناس تتعرف بيك
فأشارك السما أفراحها بخاطي بيرجع ليك)2
4- (مستنيك يوم لما تجيني تكتمل الأفراح
يوم عُرس الخروف نتهلل ونشوف الجراح)2

1-(أفكارك صالحة لينا مش شر لكن سلام
نمسك بوعودك أمينة ثابتة وفيها الضمان)2
(بسلام يملك في شعبك ورجاء ثابت يقين
نشكر نمسك في وعدك دي الكلمة أساس متين)2

القرار- تتكلم بالسلام لشعبك ع الدوام
حي وفي العرش لينا بتخلص للتمام
ورجاء عمال بيزيد بالروح وسرور يفيض
وطول ما الفكر ساكن عندك (فيه سلام أكيد)2

2- (وف عصف الريح علينا لما يقل الإيمان
وظلام الخوف مالينا اظهر وأؤمر سلام)2
(دي الريح هايجة وعنيفة والموج عالي وعنيد
هدّي قلوبنا الضعيفة وهدّي الموج الشديد)2
3-(اتكلم بالسلام للقلب اللي أنجرح
واللي في درب الآلام اشفيه واملاه فرح)2
(واتكلم للحيارى ونوَّر لهم الطريق
انت بس المنارة وأنت أعظم رفيق)2

1- أنا عايز أوفي بوعدي أحيا لشخصك نذير
وأعيش صادق في حبي مش بس كلام كتير
ضيعت سنين في عمري عشت لنفسي وقاسيت
جاي لك باصرخ ساعدني من قلبي باقول نويت
القرار- دي حياة واحدة بتجري والعمر ظل وبخار
لو عشت لنفسي هاخسر جاي لك واخد قرار
قدسني عشان أعيش لك أبقى لحبك أسير
والباقي أعيشه ملكك ما كفاية دا راح كتير
2- شعارات زايفة باقولها وكلام مافيهوش حياة
وإرادة ضعفة عاصية وحدك فيك النجاة
امسك إيدي وساعدني طهِّرني من الذنوب
المسني واشفي ضعفي توِّبني عشان أتوب
3-والقدرة الإلهية تحميني من الفساد
فأعيش في طريق مخافتك وابذل كل اجتهاد
أنكر ذاتي وأحمل من فوق كتفي الصليب
أخدموالحب يشعل جوايا نارلهيب

1-(قدِّس ربي أعماقي دوافعي
وحياتي تكون طاهرة نقية
يبقى الظاهر زي الجوهر
وصورتك ربي تظهر فيَّ)2

القرار- وجه قلبي لفعل رضاك
وأعمل كل مسرة قلبك
(مش كلمات أو شعر أشواق
لكن أحيا حياة تشهد لك)2

2-(اتحكم في كل أموري
وقود ربي دفة عمري
فعل إرداتك هو سروري
ولا يخالف أمرك أمري)2
3-(نوَّر عيني بوجهك دايمًا
لما يسير قدامي يريح
ولا راح أخطي بدونك أبدًا
حتى إن كان طريقي مريح)2