سماوى (10 ترنيمة )

1- أخلق فيّ قلب يحبك ويكون حبي ليك فوق كل شيء
وأنا معاك بِعز أصرخها بحبك سيدي وبناقص أي شيء
(ممكن يبعدني عنك أو يشاركني فيك)2
لما قلبي داق حبك عزم أنه يعيش يرضيك

القرار – (اختبرني يا إلهي امتحني واعرف أفكاري
كل طريق باطل فيَّ غيَّرني أكون سماوي)2

2- أخلق فيَّ عين نقية مليانه بس بشخصك أنت أبرع جمال
تشتاق لنورك في الكلمة تشوفك ربي انت أعظم مثال
(أبداً ما تنظر لغيرك ولا تزوغ في الطريق)2
أه بسيطة وعفيفة ثابتة عليك لو في ضيق
3- قدِّس فيَّ لساني دايماً بالصلاة ليك مليان بكلمة الحياة
ولا يقول كلمة جارحة الخارج منه بيمجِّد الاله
(ينطق دايماً بإذنك وتقوده ف الكلام)2
وحدك انت تكون حارسه ولا عليه أي ملام

القرار – (جاي وأنا مشتاق لحضنك ولجلسة اتمتَّع فيها معاك
وأما باجي لك تقبلني بضعفي ونفسي وروحي تهيم وياك)2

1- وياك .. ترفع نفسي المنحنية وتخبِّيني في الأحضان
وتقول لي: أنا أمرت بعزك إلهك حصنك والأمان
ينتهي كل كلامي ويتاخد قلبي في حب الإله

2- وياك .. أرفض كل خطية وأعيش لك وأكون في خوفك وفي رضاك
وأرفع عيني ع الأبدية وأصرخ: أمتى يارب ألقاك؟
خليني أعيش بأمانة والعمر الباقي أتبع خُطاك

3- وياك .. أدخل نهر سباحة لا يعبر وأتسبى في الأعماق
و أتاخد من نفسي وأهيم وأعبر وتزيد جوايَّ الأشواق
ترويني وأقول لك تاني منك أنا مش شبعان

4- وياك .. تتلاقى روحي بروحك ربي وتهرب الأحزان والآه
وترد ليَّ بهجة روحي وقلبي يفيض تسبيح وصلاه
ينشد قلبي علي لساني وأغني ليك يا أبرع جمال

القرار – (أنا مش عايز من الدنيا دي غيرك ربي يسوع في حياتي
وأعيش عمري كله الآتي هدفي رضاك في كل أوقاتي)2

1- (أنا ياما جريت و فنيت عمري
وراء أهداف كلها أرضية
ما أخذت إلا الحزن في قلبي
مشتاق أحيا حياة سماوية)2
2- (ما منعتش عيني ولا قلبي
علي كل مباهج في الدنيا
ولا شبعت عيني ولا قلبي
أشبعني بجودك يا فاديا)2
3- (ظنيت أن المال فيه سعادتي
أو السلطة ترفع هامتي
لكني حزنت وزاد همي
عندك انت غنايا وكرامتي)2

1- (شفيت لي جروحي رديت لي روحي
بدلت نوحي بلمسة حب وحنان
فايض تهليلي نهاري وليلي
أتحنن عليَّ وذنوبي في بحر النسيان)2
القرار- [(هللوووووووووووووويا)5 أنا فرحان]2
2- ( فكني من حبسي طلعني لشمسي
قال لي: مش منسي وابني الغالي كمان
علمني في درسي شجعني في يأسي
شدد لي نفسي وأداني قوه وسلطان)2
3- من موتي قومني وبصوته كلمني
وبأيده شددني وأداني ترس الأيمان
وفى حضنه أخدني وبحبه غمرني
وفي بيته سكني وعدوي تحت الأقدام

1- (أنا تلميذ عنيد والذهن بليد
أيه يا رب العمل؟
مدلي إيدك.. دربني من جديد
وأحيّ فيَّ الأمل)2
القرار - دخلني يا رب مدرستك
علمني أنكسر عندك
وأطلع صوره على شبهك
مشتاق أتلمذ على يدك
2- (راجع وأنا يائس. راكع في المقادس
غيرني يارب
وبموت عن العالم. على الأرض سماوي
وأعيش لك بجد)2
3- (دربني ياربي.. وبروحك أرشدني
وأسجد لك بحق
وأعيش حسب قلبك. خليلك وعبدك
وأحبك بصدق)2

القرار – (مهما الضيقات تشتد ما نظرش أنا لغيرك
لا أخزى ولا أرتد وأثق في تدبيرك)2

1- (يا نوري في الضلمة يا زادي في الضيقة
وماحِدش عن كلمـــــة بتقُودني في مشيئة)2
وأن طال زمان الوعد خيري في تأخيرك
2- (يا ضامني من الأيام وأنت الطريق نفسه
لو قلبي عدي في آلام انت اللي بتحسه)2
رامي عليك الغد واليوم شايل نيرك
3- (جاني العدو كنهر ماعرفتش اعمل إيه؟؟؟
ثابت ف صخر الدهر وبنفختك تمحيـــــه)2
منقوش أنا على اليد وحياتي من خيرك

القرار- (طوبى لأناس عزُّهم بك طرق بيتك في قلوبهم)2
(عابرين في وادي البُكا يصيِّرونه ينبوعاً لهم)2
1- (قلبي ولحمي هما يهتفان للرب الإله الحيّ الودود)2
(طوبى لمن يسكنون هناك يسبحونك حمدا بالسجود)2
2- (ما أحلى مساكنَك يا ربَّنا قويٌّ أنت يا رب الجنود)2
(فقلبي دواماً في شوق إليك لذلك نفسـي إليك تتوق)2
3- (لأن اليومَ في ديارِك خيرٌ عندي من ألف يوم)2
(فضَّلتُ الوقوفَ على أعتابك على أن أسكن مع خطاة القوم)2
4- (لأن الربَّ شمسٌ ومِجن فهو يعطي رحمة وعون)2
(عن السالكين إليه بالكمال وعن طـالبيه لا يمنعُ خير)2

1- (عايز أحبك بجد مش بالقول والكلام
ولا يبقى في قلبي حد أبقي لك بالتمام)2
(ده أنا ياما قلت إني بحبك وقلبي مش معاك
وياما شهدت عن حبك والفكر بعيد هناك)2
والفكر بعيد هناك
2- (عايز أرنم وأعيش كل الكلام اللي أقوله
والفرحة ما تنتهيش في الغربة الليل بطولة)2
(ده أنا ياما هتفت بلساني وقلبي بينزف دموع
والضعف في قلبي قساني وعشش بين الضلوع)2
وعشش بين الضلوع
3- (عايز أدوب في الكتاب وأعيش بين السطور
وأرتاح أنا من عذاب البعد والفتور)
(ده أنا ياما مسكته بأيديَّ وما حسش قلبي بيه
وياما قريته بعينيَّ وما عشتش باللي فيه)2
وما عشتش باللي فيه

*من لحظة خيانتي
لما قلت أمانتي وأنا ميت بالحياة
مهموم دايما كعاتي وبفتش عن سعادتي
(والمر ليَّ دواء)2
1- (مجنون)2
بجرح في نفسي بالشر والإدمان
مجرجرني القاسي لأرض الهوان
متمرمر بأغنى لليل والأحزان
وما لقتشي راحتي وبقيت أنا ندمان
القرار - برجع ليك أقبلني ردني من كل الموت
قول كلمة لضعفي قبل الفرصة ما تفوت
(ندمان إني سبتك وطفيت أنا الشموع
وراجع أقول بحبك بتوبة ودموع)2
وعايز زماني أعشلك أعيش أنا بالخضوع
والباقي من حياتي يكون ذبيحة ليسوع
أه أه أه أه أه أه أه أه أه أه أه أه أه أه
2- (مسجون)2
من كتر يأسي مش قادر أتوب
مش قابل أنا نفسي وغرقان في الذنوب
بعاده هدفها تبعدني عن الله
اللي هو الحقيقة ومصدر كل الحياة
3- (حنون)2
حنون ولا مره قولت ده خاين وشرير
وياما باعني بنظره ورافض التحرير
ده أنا في لحظة رجوعي لقيت قلبك كبير
ضمتني جوه حضنك وغمرتني بالخير

عالى لفــوق أنا رافع إيدى عندك ملكى وعزى وسيدى
وبعز أنا مش عاوز حـاجة إن كانت مش راح ترضيك
أبــــداً أبــــداً ولا يغنينى
ولا يشبع قلبى ويروينى
ولا يملأ عينى ويكفينى
غير بس إللى تجود بيه إيديك
رافع إيـدى بفرحـة وباأعـلن إنت ياصاحب الوعد بتضمن
إنك تصنع للى فعلاً حط رجاء أيامه فيك
أبداً أبداً مش مستنى
حد من الدنيا يطمئنى
أو مسنود على غيرك لكن
سندى هايكون كله عليــك
رافع إيدى بفخر وباأهتف طاير زى النسـر باأرفرف
عالى عالى ومليان قوة إنت أمين وأنا باأشهد ليك
أبداً أبداً مش متساب
وحدى هنا فى دنيا الأتعاب
ماليان قلبى سلام من وعدك
رب المجد بذاته حاميك