مينا ميلاد (11 ترنيمة )

القرار- (معاك الكل واحد بنتحد بنتشارك
مين فينا يقدر ينكر إيديك هي اللي بتساعد)2
1- (كنيستنا أم بترعانا وحضن واحد يجمعنا
هدفها تخلق جوانا إيد على إيد سر نجاحنا)2
2- (عينه عليك ليل ونهار حارسك من الضيق والأخطار
عايزك دايمًا شعلة نار تجري فيك ينابيع أنهار)2

القرار- نايم وعيونك حارساني عايش ودراعك سانداني
إيه أنا أكون من غيرك إنت دا إنت حمايتي وسر أماني
1- ليه مانادتش بدري عليك باهرب بس منك ليك
ساكن جوه حبة قلبك لكن قلبي قاسي عليك
2- خايف جواك بتخبيني تايه إيديك راح تهدييني
روحي معاك مرتاحة ياربي أطلب تعطف تملى يميني
3- حبك طعم ومعنى حياتي ليك القلب وكل صلاتي
خيرك خضر أرضي البور إنت ياربي وجودي وذاتي

1- احتياجي ليك ياربي جوه مني بيناديك
يرتجف قلبي في ضلوعي ضمني خبيني فيك
القرار- رجع العمر اللي راح خدني م الضيق للبراح
بين إيديك تنام خدودي المسني داوي الجراح
2- حاسس إني حد تاني اتهديت ابنيني تاني
اخلق م الطين لي عين خليك ستري طول زماني
3- ضعفي مالي القلب حزن حملي زاد ومين يعينني
باصرخ ليك يا يسوع تعالَ لم جرحي اللي واجعني

القرار - (مثل عظيم رحمتك يا خالق ارحمني
ومثل فرط رأفتك امحُ الخطأ عني .. امحُ الخطأ عني)2

1- (اغسل كثيراً سيدي نفسي من الذنب وهكذا خذ بيدي مطهِّراً قلبي)2
2- (اني بإثمي عارفٌ معترفٌ جهراً وهو أمامي واقفٌ أنظره الدهرَ)2
3- (قلباً نقياً طاهراً اخلقه بي مولاي وروح قدسٍ ظاهراً جدده في أحشاي)2

1- يا خالق الأكوان ومدبَّر الأحوال أنت بأيديك الأمر لو مال في يوم الحال رامي بحمولي عليك بإيماني واثق فيك لو تاه خروف بتجيبه فوق الكتاف متشال

القرار - ما أنت الراعي الأمين لقلوب الحيرانين نبعد ونعود عشان حضنك نبع الحنان لقلوب العطشانين

2- أنا عارف أني ضعيف لكن عليك مسنود من ضعفي تخلق قوة لما في قلبي تسود ببعد وأرجع لحضنك تستر عيوبي بحبك يكفي إحساسي إنك دايماً جنبي موجود

القرار - (كل يا رب ما أقف قدامك وأصلي لك
أرفع لك إيدي وروحي ومن قلبي أغني لك
ألقى إيديك تمسك لي إيديَّ وتقولي أنا شايلك في عينيَّ
مهما يحصل انت ابني ومش راح اسيبك)2

1- وألقاك معايا في وقت الفرح ووقت الضيق
إنجيلك ربي بيرشدني وكأنه صديق
تقويني في وسط الآلام تساعدني وتملأ القلب سلام
وألقى الحنان جوه في حضنك يا أحلى رفيق
2- هافضل ارنم لك طول ما أنا عايش يا يسوع
من قلبي باقدم لك شكري وبصوت مسموع
بفداك اديتني أغلى هدية بصليبك بهزم كل خطية
ده انت ربي وسبب فرحي تملّي يا يسوع

1- (لو تشرَق أو تغرب مش هتلاقي غير كنيستك
مرة حاول تعالَ قرب ده المسيح على كفه اسمك)2
القرار- (يا كنيسة يا أمنا يا وطن وقلب يحبنا
رغم الظروف صخرة ثابتة وحضن مفتوح يضمنا)2
2- (طقسك يحرك الحجر ألحان تغير البشر
جوه الكنيسة ملايكته زي الفروع في الشجر)2
3- (وقت الهموم والاحتياج أيقونة فيها مية علاج
قديس حقيقي بيستناك حسب الإيمان ها يكون معاك)2
4- (قداس ينور القلوب ذبيحة خطاياك فيها تدوب
ملك الملوك بيكون موجود جسده ودمه يمحوا العيوب)2

لما بارفع ليك إيديَّ ويا قلبي لما تملاني بسلامك وقت كربي
باشعر إني ويا أبويا ويا صاحبي لما باقعد في صلاتي معاك يا ربي
لو في وقت الضيقة جيت يا ربي ليك باجي وأرمي كل همي بين إيديك
وبحنان تمسح دموعي من عينيَّ وبعينيك بتقولي يا ابني مش ناسيك
يا اللي سامع قلبي لما بيناديك خلي كل أمور حياتي بين إيديك
وإن بعدت في مرة هاجي ليك وأسلم كل ما في كياني يبقى ملك ليك

المجد لله في الأعالي لما جالنا من الأعالي سيد الأسياد وليد
يهوه جالنا في الجسد وسطنا هنا اتولد جه في صورة العبيد
والرعاة عرفوا الخبر لما جيش الله ظهر رنموا اللحن الجديد
جالنا في المذود حمل وبإيدين سمعان حُمِل رب يحمل من العبيد
يا بشر استقبلوه في القلوب وملكوه ده المخلص الوحيد

يا يسوع أنا مستنيك وباجهز قلبي ليك
بميلادك اسكن فيَّ راح أكون لك ملك إيديك
ابنك نوّر في الدنيا خلى الكون كله سعيد
وميلادك نوّر فيَّ إداني أنا قلب جديد
جاي توهب لينا حياة بميلادك يا ابن الله
علشان مشتاق لأولاده ده نزل من أعلى سماه
زي ما نوّرت المزود ونورك ماله حدود
أنا عايزك تيجي في قلبي وتكون جوايا موجود
لو جيت أنا هابقى راعي وأسجد لك إنت يا ربي
لو جيت أنا هابقى مجوسي وهديتي هاتكون قلبي
أنا هافرح بيك يا يسوعي طول ما إنت ساكن عندي