محسن صبحي (61 ترنيمة )

1- (قلبي أسير نعمتك.. وعملها في قلب حياتي
ده أنا مديون لرحمتك.. من بداياتي لنهاياتي)2
جبتني من المزابل.. وصنعت لي اسم جديد
وكنت راجع وقابل.. تقبلني ضمن العبيد
(قلبي أسير.. قلبي أسير.. قلبي أسير نعمتك)2
2-(قلبي رهين كلمتك.. وجّهني منين ما تريد
ده أنا مشتاق في سكتك.. صوتك في حياتي يزيد)2
و أتحرك وأنا شايفك.. ببساطة عين عارفاك
واعيشلك وأنا خايفك.. بقداسة ناس عايزاك
(قلبي رهين.. قلبي رهين.. قلبي رهين كلمتك)2
3- (قلبي شهيد خدمتك.. وأضيّع فيها الغالي
أعلن اسمك وفديتك.. وصليبك وأنكر حالي)2
يد على المحراث.. و بالتانية بامسح دموعي
ناسي كل اللي فات.. وصوابعي لأجلك شموعي
(قلبي شهيد.. قلبي شهيد.. قلبي شهيد خدمتك)2
4-(قلبي مناه مجيتك.. ويكون في سراجي الزيت
مع حكيمات بيعتك.. كعذارى لازمنا البيت)2
سهري لاسمك باغني.. ونشيد يجُر نشيد
وفوق هايبقى التغنِّي.. بفرح أبدي ومجيد
(قلبي مناه.. قلبي مناه.. قلبي مناه مجيتك)2

1- أحلى اسم نرنم بيه بنقوله أو بنغنيه
يا يسوع اسمك ترنيم شعبك أحلى ما عنده وأغلى ماليه
أحلى اسم نرنم بيه

القرار- يســـــوع يســـــوع يســـــوع يســـــوع
اسمك عالي حلو وغالي على قلب الشعب اللي فاديه
(أحلى اسم نرنم بيه)2


2- اسمك برج حصين نتمنَّع فيه حمايتنا بنجري إليه
اسمك بينا عظيم نتمتَّع نكرم شخصك ونعلّيه
أحلى اسم نرنم بيه
3- اسم جلالك يفضل لينا راية نصرة وعزنا بيه
عارفين اسمك كل طريقنا هو نجاتنا وغالبين بيه
أحلى اسم نرنم بيه
4- هانسبح وهانذكر اسمك بالروح نفرح بمعانيه
حواليك نتجمع تباركنا وتنسينا اللي نعانيه
أحلى اسم نرنم بيه

1- (قدام حاجات مالهاش جواب.. قدام ألم فوق الاحتمال
قدام إله وكأنه غاب.. وكل سهم شك بسؤال)2

القرار- (بإيه هارُد و بإيه هاصُد.. وإيه سند غير هو قال)3
(هو قال هو قال)2.. هو قال ما تخافش يا ابني
(هو قال هو قال)2.. واللي قال ولا مرة سابني

2- (قدام زمن مافيهوش صحاب.. قدام سنين مُرّة وتُقال
قدام بشر زي الذئاب.. قدام عدالة ميزانها مال)2
3- (قدام جسد همه التراب.. والذات وكل شهوة بقتال
والحية رامية من الكتاب.. إنصاص آيات شبكة ضلال)2

1- (مش عايز أجيلك ربي زي كل مرة
يومين ويرجع قلبي ينساك بالمرة)2
2- (ساعدني أجيلك أعيش وياك للمنتهى
و سلوك إيماني يأكد إن ضياعي أنتهى)2
3- (مش عايز أعيش مؤمن ضعيف جِسداني
وصوت الموج يتعبني ويهز إيماني)2
4- (خليني أكون ذابح ليك ربي مشيئتي
ضد الريح سابح وإيماني عوامتي)2
5- (مش عايز أكون خادم الناس تهنيني
حب الظهور يخدعني والأنا تغريني)2
6- (علمني أكون خدّام أغسل الرجلين
وليوم لقاك أعيش يسوع زيك أمين)2

القرار- (حنانك يا إلهي يحيّر و يفوق كل حدود العقل
حبك ثابت ما بيتغيّر يحمينا من الخوف والجهل)2
1- (سامع صرخات الإيمان أبدًا مش بتضيع ولا صرخة
تشفي التعبان و الحيران يعرف وياك معنى الفرحة)2
2- (مين يعفو ويُنجي سواك بطيء الغضب وصبور
تحمل أولادك لحماك راكبين أجنحة النسور)2

1- (عبادتي إليك ماهيش من دوافع شعوري بواجب
عبادتي إليك هيام واشتياق ومن قلب حابب)2
(أكون في حضورك و يسبيني نورك.. و يتقدس اسمك في كل الكيان)2
(كما في سماك كذلك بأرضك .. ممجَّد ممجَّد ليك السلطان)2
عبادتي إليك هيام واشتياق
2- (عبادتي إليك بتفتح بصيرتي فوق المحدود
حياتي دي غربة لكن في حضورك لبيتي باعود)2
(وأفرح لأنه يمينك رحيمة .. وتسهل في عيني ظروفي الأليمة)2
(وألاقي كياني اجتمع من شتاته .. وقلبي اللي طلبك سمعت لصلاته)2
عبادتي إليك بتفتح بصيرتي
3- (عبادتي وصلاتي، خضوعي لكلامك شرف واعتبار
وأنا كنت أطول إني أكون من ولادك ده أغلى افتخار)2
(وهاجيلك وأقول لك بحبك يا غالي .. ووجودي أمامك دي قمة آمالي)2
(يا أبرع جمال من كل البشر .. أمام احساناتك أنا في غاية الصغر)2
عبادتي وخضوعي شرف واعتبار

القرار – (ما يهمنيش غيرك أنت يا ربي ما يهمنيش
ولا يشغلنيش أي شيء وأنا بامشي في دربي ولا يشغلنيش)2
1-( شايف شخصك قدامي هدفي وغايتي وسلامي)2
(مهما تكون حرب كبيرة مش هارجع يوم في كلامي)2 ... ما يهمنيش
2- (وأنت بنفسك ترعاني ما هايحصل يوم تنساني)2
(وسلاحي في يديّ وعودك تُرسي وأمني وضماني)2 ... ما يهمنيش
3- (مش هاخلص عمري لغيرك ياللي بتغمرني بخيرك)2
(واثق ما هييجي اليوم فيه مش هاشغل تفكيرك)2 ... ما يهمنيش

1- (الحاجة ليك وحدك يا راعينا وسط النار والشوك بتجينا)2
(نتعلق بيك وتنجينا)2 وعلشانّا ياما بتتحمل
القرار- (ياللي حبيتنا من الأول بُعدنا عنك طول)2
(أشتاقنا نرجع لك تاني)2 وبخلاصك نفرح ونهلل
2- (الحاجة ليك وحدك يا فادينا قادر تنعشنا وتحيينا)2
(نرجع نلقاك مستنينا)2 وبجودك أيامنا تكلل
3- (الحاجة ليك وحدك يا بار ياللي دُقت عشانّا مرار)2
(نطلب وجهك ليل ونهار)2 ولا نجري لغيرك نتسوّل

القرار –(استيقظي استيقظي البسي قوة يا ذراع الرب
واهتفي واهتفي مجد يسوع ملء كل الأرض)2
1-(خرج غالب ولكي يغلب سحق رأس من جاء يسلب)2
(بحبه وفداهُ بصلبه ودماهُ)2
(يسوع جرَّد الرياسات ما في الأرض وفي السماوات)2
داس الموت قام ظافراً
2-(كسر الفخ وأطلقنا وفي الغلبة أسسنا)2
(يهوه هو قوتنا واسمه رايتنا)2
(نسحق باسمه الحيّات وبه نصنع الآيات)2
نعلنه دوماً منتصراً

الساكن في ستر العلي في ظل القدير يبيت
أقول للرب ملجأي حصني إلهي متكلي
لأنه ينجيك من فخ الصياد ومن الوبأ
بخوافيه يظللك وتحتمي تحت جناحيه
ترسٌ ومجنٌ حقه لا تخشى من خوف الليل
لا.. لا.. لا تخشى ولا من سهمٍ يطير في النهار
لا.. لا.. لا تخشى ولا من وبأ يسلك في الدُجى
لا.. لا.. لا تخشى ولا من هلاك يفسد في الظهيرة
لا.. لا.. لا تخشى
يسقط عن جانبك ألف وربوات عن يمينك إليك لا يقرب
إنما تنظر مجازاة الأشرار لأنك قلت أنت ملجأي
جعلت العلي مسكنك لا يلاقيك شرٌّ
ولا تدنو ضربةٌ من خيمتك لأنه يوصي ملائكته بك
لا.. لا.. لا تنسى لكي يحفظوك في كل طرقك
لا.. لا.. لا تنسى على الأيدي يحملونك
لا.. لا.. لا تنسى لئلا تصدم بحجر رجلك
لا.. لا.. لا تنسى
على الأسد والصل تطأ الشبل والثعبان تدوس
لأنه تعلق بي أنجيه أرفعه لأنه عرف اسمي ي
دعوني فأستجيب له معه أنا في الضيق أنقذه وأمجده
من طول الأيام أشبعه وأريه خلاصي يدعوني فأستجيب له
لا.. لا.. لا أنسى معه أنا دائماً في الضيق
لا.. لا.. لا أنسى أنقذه وأمجده
لا.. لا.. لا أنسى من طول الأيام أشبعه
لا.. لا.. لا أنسى وأريه خلاصي