رفيق جمال (284 ترنيمة )

القرار - قوم رنم وأرفع صوتك ده أنت ابن الملك
قوم خليه يفك قيودك يسود ويمتلك
تتملي بالروح القدس وتعلي الهتاف
(قوم ده أنت مكانك عَالي ومتشال على الأكتاف)2
1- (أنهار مياه هاتفيض باسمه وهاتروي العطشان
والرب هايمسك بيمينك وفي لحظة تكون مليان)2
روح الله يعين ضعفاتك إبليس مالوش مكان
2- (تتحول لشعلة نار تقدر تنقل جبال
روح الله يملك جواك تتغير الأحوال)2
في المسيح خليقة جديده وتجديد للآمال
3- (كل مكان فيه روح الله بيكون فيه تحرير
تتفتح عيون الأعمى و يبقى بنوره بصير)2
تقدر تغني بعلو الصوت وياه هاعيش أمير

1- أنا عايز أوفي بوعدي أحيا لشخصك نذير
وأعيش صادق في حبي مش بس كلام كتير
ضيعت سنين في عمري عشت لنفسي وقاسيت
جاي لك باصرخ ساعدني من قلبي باقول نويت
القرار- دي حياة واحدة بتجري والعمر ظل وبخار
لو عشت لنفسي هاخسر جاي لك واخد قرار
قدسني عشان أعيش لك أبقى لحبك أسير
والباقي أعيشه ملكك ما كفاية دا راح كتير
2- شعارات زايفة باقولها وكلام مافيهوش حياة
وإرادة ضعفة عاصية وحدك فيك النجاة
امسك إيدي وساعدني طهِّرني من الذنوب
المسني واشفي ضعفي توِّبني عشان أتوب
3-والقدرة الإلهية تحميني من الفساد
فأعيش في طريق مخافتك وابذل كل اجتهاد
أنكر ذاتي وأحمل من فوق كتفي الصليب
أخدموالحب يشعل جوايا نارلهيب

1-(راجع بعد بعادي كتير راجع تاني لقلب كبير
جاي لك ربي وقلبي كسير بعد مرار وعذاب وأنين)2

القرار- (مشتاق تُملك كل كياني ولا للعالم أرجع تاني
وأفضل عايش ليك بإيماني مهما إن مرت بيَّ سنين)2

2-(يمكن أكون فكرت زمان إن في بُعدك عنّي أمان
شوفت هناك كل الأحزان جاي لك ربي وكلي حنين)2
3- (راجع أنا من تاني إليك بارمي بكل حمولي عليك
شايف حُبك جوه عينيك أصلك انت يا ربي أمين)2

أنت عظيم عظيم عظيم يا الله
عظيم في أمانتك عظيم في محبتك
عظيم في تحريرك عظيم أيضاً في شفائك

القرار- (انت وحدك أنا محتاج لك تسند ضعفي تقويني
انت تُرسي وصخري وحصني وم الحفرة تنجيني)2

1- انت وحدك حارب عني وفي حضن قلبك تداريني
مهما أحاول وحدي يا ربي الخطية بتغريني
باطلب شخصك تيجي بوعدك (ترفعني كمان تحميني)2
2- قاصد بابك باخلع عني شري بدمك غطيني
اشفي نفسي وذُلي وحيرتي وانت بروحك احييني
وأنظر ربي لأرضي العطشى (ارويها كمان وارويني)2
3- انت وحدك أنا منتظرك تحفظني وتعديني
فيك القوة وليك القدرة تكفيني وتغنيني
انت بس بتشبع قلبي (ياللي بالغالي شاريني)2

1- (في وسط مخاوفي بتطمنى وبتملانى أمان وسلام
بتعلمنى أخطي بقوة وياك فوق شوك الأيام)2
القرار –(حقي أسبح ليه وأغني وأملى كل الدنيا هتاف
أقول بيسوع يا قلبي أتشجع أوعى لحظة واحدة تخاف)2
2- (لما الشمس بتبعد عني وأشعر إن الدنيا ظلام
أحس بنورك شمس فيقلبي دايماً صاحية ما بتنام)2
3- (موجه فرح بتغمرقلبي وبترفعني بقوة لفوق
بتدوبني في حب يسوع وبتملاني حنين وشوق)2

القرار – (طوبى للي إثمه اتغفَر وخطاياه اتسترت
محفوظ م النار والخطر والدينونة عبرت)2

1- (أصبح من أولاد الله ليه في الابن ضمان وحياة)2
(والروح القدوس جواه)2 بيعرَّفه كل ما لله
2- (أتحرر بعد الغفران وأتبَرر عايش في أمان)2
(والشيطان مالهوش سلطان)2 أصلُه ده من أولاد الله
3- (كل ما لله أصبح ليه ولا شيء من الدينونة عليه)2
(والوعد المضمون في إيديه)2 م البرية لحد سماه
4- (يسقط أيوه لكنّه في يوم الروح يحزن فيه ويلوم)2
(ويرجّعه فرحان ويقوم)2 تترد له بهجته بالله
5- (مَرْضي عنه في المسيح متغطِّي بدم الذبيح)2
(يحلا له الغُنا والتسبيح)2 والتمجِيد لاسم الله

القرار- (مادد إيدك لينا يا رب واقف مستنينا بالحب
مش هاين عليك هلاكنا بأفكارنا اللي متوهانا)2

1- (بكل حبُّه بينتظرنا بينتظر دايماً رجوعنا
نعترف بقسوة قلوبنا وبآثامنا و كل ذنوبنا)2
2- (حبك ده يا يسوع عجيب خايف علينا يا حبيب
م الدنيا اللي دايماً واخدنا و لليأس موديانا)2
3- (تعالوا نمسك بقوة إيديه تعالوا نرمي الحمل عليه
ونقول له خلاص رجعنا للحُضن الأبوي و ارتاحنا)2

1- مع إنها صعبة الأيام
والشر زاد في كل مكان
ما بقاش خفي بل للعيان
عايزين نعيش لك بالإيمان

القرار- (شوقنا لكلامك والقعدة قدامك
وتوجهنا بسلطانك وصاياك تغلى علينا)2

2- نقف أمامك مُتضعين
نصرخ إليك أنت الأمين
وفيك دوانا يا معين
جايين بتوبة يا حنّان
عن كل تيه وضلال راجعين
عن كل زيف وشرور تايبين
وانت اللي تغفر نروح لمين!
جايين بتوبة يا حنّان
3- يمكن نكون مخدوعين
وراء الطقوس متخفيين
والتقوى صورة العابدين
جايين بتوبة يا حنّان
أفكار كتيرة متحيرين
لنفوس بغيرة مأسورين
احنا لفين واحنا لمين
جايين بتوبة يا حنّان
4- كلام كتير ومش عاملين
والحب اصبح في كلمتين
أعمال جسد والروح حزين
جايين بتوبة يا حنّان
الضعف ساد و مغلوبين
ترنيمنا باكي ونغمه حزين
امتى نقوم متشددين!
جايين بتوبة يا حنّان
5- أيام أخيرة يا مؤمنين
احنا ايه ولمين عايشين؟
وإن كان باقي لنا فيها يومين
عايزين نعيش له بالإيمان

القرار- (ونشتاق لكلامه والقعدة قدامه
ويوجهنا بسلطانه وصاياه تغلى علينا)2

1-(جاني يسوع خبط ع الباب قمت فتحت للرب الباب)2
( نساني سنين العذاب)2(ده إلهي وهاتمسك بيه)2

القرار- المجد اللي أنا عايش فيه إزاي أوصفه وأحكيه
ولا يمكن كنت أحلم بيه ولا بالحب اللي بيعطيه

2-(أصبح أبويا وصرت أنا ليه جوةفي قلبي راح أخبيه)2
3-(مهما أوصف مش راح أوفيه)2(قلبي وروحي وعمري أنا ليه)2
4-(حول ربي الضلمة لنور بعد ما كنت في ساقية بادور)2
(أطلقني زي العصفور)2(حتى إيديَّ ماسكة إيديه)2