رفيق جمال (284 ترنيمة )

1-(أنا مش مستني مديح ولا خايف م التجريح
مش هاسمع للإنسان لو حتى كلامه مريح)2

القرار – (أنا هدفي أعيش بأمانه وأشهد عن حب يسوع
لو عِشت لنفسي خيانة أنا هدفي أعيش ليسوع)2

2-(لو فيه كلمات إعجاب أو لوم وكلام بعتاب
أو حتى كلام جذاب باطل وفي نظري سراب)2
3- (أنا عِشت سنين مخدوع وما بين أفراح ودموع
مشغول بكلام الناس وكياني معاه مدفوع)2

القرار- (إزاي مارنمشي وأنت إلهي قوتي!
والنور اللي بيملا حياتي وسلامي وفرحتي)2

1- (ده موتك عني و فدائك احلى قصة راح احكيها
وحبك ليَّ وإحسانك أحلى أغنية أغنيها)2
2- (النعمة اللي أنا عايش فيها والبركة اللي بتملا حياتي
راح أشهد بيها و أغنيها وتبان في كلامي وصلاتي)2
3- (رجائي اللي أنا مستنيه رجوعك ليَّ من تاني
أشوفك و أتمتع بيك وطول الأبدية في أغاني)2

1- احنا الشعب اللي انت فديته وبدم صليبك رشّيته
قدّسنا وخصِّصنا يا سيد كمِّل عملك اللي بديته
القلب الفاسد طهرته والفكر المسلوب حررته
(والخاطي المسكين برَّرته)2..احنا الشعب اللي انت فديته

القرار- يا إلهنا القدوس القادر قدسنا لشخصك نقّينا
قَوِّم كل ضعيف أو عاثر نوّر بقداستك ليالينا
عايزين نحيا لك في طهارة من غير ما العالم يسبينا
تبقى حياتنا سراج ومنارة ويشوفوا الناس عملك فينا

2- احنا الشعب اللي انت فديته ومن كل قيوده حلّيته
القلب الميت أحييته ومرار الماضي حلَّيته
الماضي بموتك سمَّرته والحاضر وحدك غيَّرته
(ومصيرنا الأبدي نوَّرته)2 احنا الشعب اللي انت فديته
3- احنا الشعب اللي انت فديته لحياة في قداسة انت دعيته
في الخدمة نعيش لك أيامنا ونشهد بفداك اللي عطيته
نكرز وبروحك تسندنا نار حبك تشعل حماستنا
(والسما تفرح بخطاة يتوبوا)2 نتكلم وانت تأيدنا

1- يا إلهي يا إلهي.. لا رجاء لي سواك
تاق قلبي تاق لُبي.. أن أفـــــوز برضـــــاك

القرار- ملء روحك اشتياقي.. هَبهُ لي واستر خَطاي
يرتوى منه غليلي.. فيك لا غير رجاي

2- أنت ربي نور قلبي.. أنت حصن أتقياك
فأملان يا رب قلبي.. روح قدسٍ من علاك

3- قلبي أملا روح حبٍ.. روح برٍ وسلام
روح إيمانٍ وصبرٍ.. روح لطفٍ ووئام

4- هبني صبراً مع أناةٍ .. مع تعففٍ نبيل
لا حياة لي بغير .. روحك السامي الجميل

5- ملء روحك حياتي.. ملء روحك الوديع
ملء روحك امنحني.. يا يسوع يا سميع

القرار –(إلهي لما يفتح ولا باب يتقفل
أنا ربي نعم والمستحيل يتعمل
طيب أنا هاقلق ليه والكون كله في إيديه
*عارف بيعمل إيه وعليه باتكل
*عارف بيعمل إيه صالح مهما حصل)2
1- (لو الخيوط أتعقدت وأتلخبطت كل الأمور
وفرحة عينيَّ أتغربت والضلمة غطت على النور)2
(بإيماني ها شوف واقع تاني حتى لو الدنيا معنداني
ربي عنده حلول علشاني ينهي الأزمة ويبعتلي سرور)2
2- (يسوع تملي بيرفعني وبعرف أفرح فى آلامي
طيب وبيطيب خاطري ويشيل حزني اللي في كلامي)2
(أنا عايش عمري معاه بالروح في قلبي كتابه على طول مفتوح
بيعين ضعفات ويشفي جروح يسندني ويضمنلي سلامي)2

1- دي آبار مشققة دي آبار مافيهاش مياه
لكن يا يسوع في نبعك مية بتوهب حياة
ونسيبك ليه بقى وإنت يا يسوع إله
بالخير بتروي شعبك وبتغفر للخطاة
2- يا يسوع كام ألف مرة عدينا بوقت صعب
وشربنا مية مرة علشان سبناك يا رب
وبنرجع لك نلاقي حبك يا إلهنا باقي
بتقول ليكوا اشتياقي وفي حضنك نهر عذب
3- يا يسوع صخرة حياتنا قادر تملاها زرع
قادر لو يوم عطشنا تخرج من الصخرة نبع
على طول سهران علينا مشغول يا إلهنا بينا
وإيديك تلمس عينينا وبتمسح أي دمع

١- (ياللي بديت الرحلة معايا واثق فيك إنك هاتكمل
إنـت الفرح في وقـت بكايـا وإنت القلـب اللي بيتحمـل)٢


القرار- (شكراً ليك يا اللي بترعاني يا اللي إيديك دايمـاً رافعاني)٢


٢- (رغم إن أنا باتغيــر دايـمـاً إنـت أميـن ما بتـتـغـيـرش
وعـدك صادق لمـا بتوعـد عن وعدك إنـت ما ترجعش)٢
٣- (خطـة عظيمـة مدبرها لـي رحلة عمري إنـت راسمها لـي
ساعدني يا رب أعيش لك عالي فوق العالـم فوق أحوالـي)٢
٤- (شوقـي يا رب أحبك أكتـر ده ما حدش بيـحبـنـي قـدك
وحد قلبـي وخلينـي أسهـر طول أيامي أشهد عن حـبـك)٢

1-(أفكارك صالحة لينا مش شر لكن سلام
نمسك بوعودك أمينة ثابتة وفيها الضمان)2
(بسلام يملك في شعبك ورجاء ثابت يقين
نشكر نمسك في وعدك دي الكلمة أساس متين)2

القرار- تتكلم بالسلام لشعبك ع الدوام
حي وفي العرش لينا بتخلص للتمام
ورجاء عمال بيزيد بالروح وسرور يفيض
وطول ما الفكر ساكن عندك (فيه سلام أكيد)2

2- (وف عصف الريح علينا لما يقل الإيمان
وظلام الخوف مالينا اظهر وأؤمر سلام)2
(دي الريح هايجة وعنيفة والموج عالي وعنيد
هدّي قلوبنا الضعيفة وهدّي الموج الشديد)2
3-(اتكلم بالسلام للقلب اللي أنجرح
واللي في درب الآلام اشفيه واملاه فرح)2
(واتكلم للحيارى ونوَّر لهم الطريق
انت بس المنارة وأنت أعظم رفيق)2

1- عمري ابتدأ يوم ما عرفته
لما تعبت رجعت له
أتاري ربي كان مستني
واقف على الباب
يوم بعد يوم باتمسِّك بيه
وأحس إني مديون ليه
لقيت حياتي بين إيديه
أغلى الأحباب

القرار- (هابقى ماشي إيدي في إيده
ماسك فيه عمري ما اسيبه
هو حبيبي وأنا حبيبه فرحان بيه
أروح معاه وأفضل أغني
هو إلهي وضماني إني
عن حبه ما في شيء يفصلني وكلي ليه)2

2- أحلى أيام تبقى معاه
بيفرَّح قلبي من جواه
بالخير والحب والسلام هو بيملاه
إلهي فرحي كله يا ناس
كنوز الدنيا معاه تنداس
نوَّر في قلبي بيه إحساس
عمري ما هانساه

كل الأشياء تعمل معاً للخير للذين يحبون الله
(رومية 28:8)