جيسون إسحق كرمي (19 ترنيمة )

1- افتح يا رب عيون شعبك.. يشوفك انت ويسمعلك
تغفر خطاياه ويرجعلك.. و ع الخطايا يدوس
وإن كان في وسطينا حرام.. قدام عدونا انهزام
اكشف لنا فين هو عخان؟.. واحفظنا من اللصوص

القرار- يا عالي يا قدوس.. يا خالق النفوس
شعبك هنا واقف أمامك.. جايين بهيبة قدهم جلالك
يا عالـــــي يا قــــــدوس

2- بالدم شعبك اتقدِّس.. عمل صليبك يا مخلّص
واحنا جينالك نتخصّص.. شعب المسيح مفروز
وعشان كلامك انت الحق.. وغير كلامك ماهوش حق
هانرفضه و نقوله لأ.. وبالوصــــايـــا نلــــوذ
3- جايين غرضنا تشكلنا.. ده احنا عملك يا جابلنا
إناء كرامة هاتعملنا.. بروحـــــك القـــــدوس
ونعيش عشان نخدم شخصك.. مجد وكرامة تكون لاسمك
شباب كتير يتكرَّس لك.. ويصير معاك محظوظ
4-بيوت عبيدك تحفظها.. تمدّ إيدك وتصونها
صوت الترنُّم يغمرها.. تيجي بحضور ملموس
مافيش مثيلك يا غالب.. تصنع لشعبك عجايب
وتحفظه في التجارب.. وإبليس يعود مفروس
5-فضّينا منها أيادينا.. لا تخصّنا ولا هيش لينا
بالتقوى وقداسة السيرة.. ماهيش غنى وفلوس
ولا احنا هانكلبش فيها.. وطأة قدم بنعديها
لكن قلوبنا ما تبغيها.. عابرين بعزم ندوس

1-( وسط ظروف البلد الدايرة .. رايحة لفين أهي ماشية وسايرة

كل الناس قلقانة وحايرة .. وأنا متصان فيها ومتطمن ) 2 

القرار- ( أنا متصان فيها ومتطمن .. أصل إلهي عليها مهيمن 

يحصل مهما هايحصل فيها .. أنا متشال في عينيه ومتأمن ) 2 

2- ( أخبار قتل وموت وجريمة .. والأمان بقى موضة قديمة

والإنسان أصبح بلا قيمة .. وأنا بدم يسوع متمن ) 2

3- ( ضربة من ضرباته زمان .. صارت الضلمة في مكان

وبيوت شعبه في نور وأمان .. قلبه على شعبه بيتحنن ) 2

4- ( مين يمسكها ومين يرأسها .. لو حتى هايعيد تأسيسها

مش هاشغل بالي ولا أدرسها .. ولا هافضل أفكر وأخمن ) 2

5- ( هو بإيده ماسك الدفة .. وماعندوش أحداث بالصدفة

مهما عدو الخير يتخفى .. الترتيب من فوق متزمن ) 2

6- ( هو نوري وخلاصي ليَّ .. هو حصني في طول ليالي

مين يؤذيني ويقوي عليَّ .. لو حتى في هلاكي يفنن ) 2

7- ( يعزل ملوك وينصب غيرها .. والأزمنة هو يغيرها

لو قال كلمة مين يكسرها .. واللي يفكر يبقى إتجنن ) 2

8- ( بلدي مباركة ده صوته ووعده .. وقت الضيق هايعدي وبعده

جاي المجد بفرحة وسعده .. اللي مصدق وعده يأمن ) 2

القرار– ( أنا هاملا الكون ترنيم وأغاني لرب عظيم )2
حرّرني في يوم وفداني (وشراني بدم كريم)2

1- ( راح أعلي الصوت بهتاف وف وادي الموت مش هاخاف )2
مليان بأمان مطمِّن (ومعايا راعي الخراف )2

2- ( وراح أعلن بالتسبيح إني ملك المسيح ) 2
هارفع ترنيمي ذبيحة (حمد وشكر ومديح )2

3- ( صوتي هايوصل للناس يعلن أجمل إحساس )2
فرحان بيسوع محبوبي (اللي وهبني الخلاص )2

1- أنا عايز أوفي بوعدي أحيا لشخصك نذير
وأعيش صادق في حبي مش بس كلام كتير
ضيعت سنين في عمري عشت لنفسي وقاسيت
جاي لك باصرخ ساعدني من قلبي باقول نويت
القرار- دي حياة واحدة بتجري والعمر ظل وبخار
لو عشت لنفسي هاخسر جاي لك واخد قرار
قدسني عشان أعيش لك أبقى لحبك أسير
والباقي أعيشه ملكك ما كفاية دا راح كتير
2- شعارات زايفة باقولها وكلام مافيهوش حياة
وإرادة ضعيفة عاصية وحدك فيك النجاة
امسك إيدي وساعدني طهرني من الذنوب
المسني واشفي ضعفي توبني عشان أتوب
3- القدرة الإلهية تحميني من الفساد
فأعيش في طريق مخافتك وابذل كل اجتهاد
أنكر ذاتي وأمشي من فوق كتفي الصليب
أخدم والحب يشعل جوايا نار لهيب

1- الله قوة لنا وحمانا الوطيد في الضيق عون قادر ونصير شديد

القرار – فلذا لسنا نجزع والقلب لا يفزع ولما نزعزع والرب معين

2- الأرض إن تزحزحت ودهتها المخاطر أو قلبت جبالها فلنا الرب ناصر

3- الرب وسط شعبه ومعين الكنيسة تفرحنا من فيضة بركات نفسية

4- عظيم الرب العلي متعال ممجد للدهر معنا حصننا وحمانا الموطد

1- (عايز اقعد قدامك أفرح وأشبع بيك
أصغي لكل كلامك أنا متعلَّق فيك )2

القرار– ( أنا ماليش غيرك انت يا خيري في أيامي
أنا ما ليش غيرك انت يا عزايَ وسلامي )2
( كل رجايَ فيك وعينيَّ عليك وبقلبي باناديك يا إلهي يا راعيَّ )2

2- (هارفع صوتي وأرنِّم وأقولك مديون ليك
مهما أشكر وأتكلم مش ممكن أوفّيك )2

1- ليك سلطــان.. تحــول الميــّة لخمــر
ليــك سلطـــــان.. تخلق قلوب من قلب صخر
ليــك سلطـــــان.. تشق طريق في وسط البحر
ليــك سلطـــــان.. تنور في قلب العتمة فجر

القرار- ( ليــك كل السلطـــــان.. بتسبحك الأكوان
وبتعلن إن يسوع غالب.. غالب على الدوام ) 2

2- ليــك سلطـــــان.. تهدي الريح ويا البحر
ليــك سلطـــــان.. تعوَّض بدل الخزي فخرَّ
ليــك سلطـــــان.. من قلب الكسر تخلق نصر
ليــك سلطـــــان.. تفجر في قلب الصحرا نهر

3- ليــك سلطـــــان.. تقـــدر تحـــرر الأسيــر
ليــك سلطـــــان.. تغفر بحب ذنوب كتير
ليــك سلطـــــان.. تعصب القلب الكسير
ليــك سلطـــــان.. تحمي ولادك يا قدير

1- اصنع بنا نهضتك .. كارزين باسمك
معلنين دمك .. في وجه عدونا
نارك ارسل لنا .. غيرتك اشعل فينا
أمرين عدونا .. ارحل من أمامنا

2- فلن تصمد بوجهنا .. دومًا تحت أقدامنا
رب الجنود معنا .. ارحل من أمامنا

القرار- (ماتعولش الهم وماتخافشي ربنا موجود
ده إلهك حي ما بينامشي ومالوهش حدود )2

1-اطمِّن روح لطبيب الروح ده الباب مفتوح بابه مش مسدود
و ياريت تناديله ولما تجيله الشوك هايشيله وهايبقى ورود ربنا موجود

2-يا طوباك يا هناك طول ما هو وياك عايش جواك وعليك بيسود
خليه مسؤول عنك على طول والهمّ يزول والفرح يعود ربنا موجود

3-لو ماسك فيه ومسلِّم ليه والعمر عليه دايماً مسنود
شرَّك يمحيه خوفك يداريه على طول تلاقيه جنبك موجود ربنا موجود

1-( الله بيدعمني ويسندني و في وقت الأزمة بينجدني )2
وإن كان وارد أتوه في السكّة ألاقيه يناديني ويرشدني

القرار- ( مش حاجة تطمِّن طبعاً طبعاً بتطمِّن
والجاي متأمِّن طبعاً طبعاً متأمِّن )2
(يبقى أنا كيف أتوكِّل على إنسان
وازاي أحزن لو فارقوني الأعوان )2
وإذا كنتم شايفيني وحدي أنا مش وحدي
ده ( اللي معايا )3 سيد الأكوان

2- ( ماتقولش كتيرة وقليلة لا تُعدَم من يدُّه وسيلة )2
شايل أركان الكون كلُّه وعارفها بأصغر تفصيلة