منال سمير (134 ترنيمة )

١- (إزاي يا رب حنانك.. بيساع كل البشرية
وأي حد بيجيلك.. ترفعه من العبودية)٢

القرار- (أبوابك مفتوحة ليَّ.. مهما كان فيَّ خطية
بالحب تستر عيوبي.. وعلى صخرة تثبت رجليَّ)٢

٢- (وضعت في قلبي ترنيمة.. ترفع المجد لشخصك
حتى في برية أليمة.. هاعيش عمري أطلب مجدك)٢

٣- (كل التعابى تعالوا.. يسوع دعاكم إليه
الكل يلقي أحماله.. بالإيمان عند رجليه)٢

١- تحت الصليب باركع عندك.. وأتأمل في جراحاتك
وأنا باجي لك بجروحي.. وعارف إن شفائي فيك
حتى ولو كان الرأس سقيم.. حتى ولو كان الكل مريض
أنا باجي لك بجروحي.. وعارف إن شفائي فيك

القرار- ( بـجـــلـدتـك شـفـــيـت )٤

٢- كل إساءة لم تغتفر.. وجرح في القلب اتحفر
حتى لو كان بقاله سنين.. إيماني فيك أنت يا معين

٣- بارفع المجد لاسمك.. في صليبك قوة شفاء
قوة تحرير قوة تبرير.. قوة فرح وسلام وعزاء

(مافيش وجود لقوة تانية.. طول ما أنت هنا
ومافيش حدود لأي مجد.. هاتصنعه لنا)٢
(تعال أملك اليوم علينا.. وحطّم القيود
من النيران تخطف نفوس.. مجدك عليها يسود)٢
يا رب الحب في محضرك.. كل القلوب هاتدوب
والناس صحيح هاتتملي.. وملكك عليها يعود

١- (بتفهمني وتحس بيَّ تسمع كلامي اللي ماباقولهوش
وتحبني تشفق عليَّ وأصغر نور فيَّ مابتطفيهوش)٢

القرار- (أنا ليَّ مين يا يسوع غير قلبك اللي حبني
بتضمني وبيهمك أصغر حاجة بتهمني )٢

٢- (أصحابي ناموا بالليل وعينيك عليَّ سهرانة
وحتى لو كان ليلي طويل تبعت أغاني فرحانة)٢
٣- الضعيف أنت سانده شعر راسي أنت عادُّه
والطريق اللي أنا مش قده أنت تمسك إيدي فيه
لو مافيش حاجة في إيدي أنت ربي وفادي
وفي ضعفي تشفق عليَّ واحتياجي أنت ماليه

ليك مكان ليك مكان.. في قلب الآب
صدَّق إنه ليك مكان
محفور في قلبه.. منقوش على كفه
من زمان ليك مكان
هو بيدوَّر عليك.. سامع صوته بيناديك
فاتح قلبه يرحب بيك.. تعالى له باللي فيك
علشان في قلبه.. ليك مكان
صدق إنه ليك مكان

١- (شعبي يا رب بينادي.. تعال بنهضة في بلادي
تملا الصحرا والوادي.. ونشوفك أنت يا قدوس)٢

القرار- (يا قدوس يا قدوس.. يا قدوس يا إله الكون)٢

٢- (بالإيمان أنا شايفك.. أكيد سهران على وعدك
هاتيجي وتفتقد شعبك.. بلمسة ايدك يا قدوس)٢
٣- (هاتيجي ومش هاتتأخر.. وبصلواتنا هانسهر
وبالخير السما تمطر.. بكلمة منك يا قدوس)٢

القرار- ( هللوا هللوا سبحوا اسم يسوع .. هو راعينا واحنا حواليه
هللوا هللوا سبحوا اسم يسوع .. هو لينا واحنا ليه ) 2
1- وبنرفع يا رب جنودك .. إحمينا من الضعفات
وبروحك إصنع عجايب .. أكتر من اللي فات
وفي ضعفنا وقوتنا .. رافعين عينينا عليك
هاتنجينا لأن قلوبنا .. دايمًا تتعلق بيك
2- وترتفع في وسطينا .. بعمود سحاب ونار
ويتمجد اسمك فينا .. في الليل وفي النهار
وبنورك تطرد ظلمتنا .. وبنعمة تقود شعبك
إنت معانا ومين علينا .. نتمسك بوعدك

(يا راويني يا يسوع بحنانك.. حياتي هي رضاك
أنت يا ربي فرحة قلبي.. أنا عايش هنا باستناك)٢
يا رافع راسي في الضيق.. يا مجدي يا أغلى صديق
يا حبيبي يا مالي حياتي.. يا فاديَّ يسوع ما أحلاك
(هللويا هللويا.. قلبي ثابت وأنا وياك
هللويا هللويا.. أنا ليَّ مكان في سماك)٢

١- أنا باسجد عندك.. وباسبح اسمك
أنت إلهي.. باعلن عن مجدك
غفرت ذنبي.. فرحت قلبي
أنت حبيبي.. ودايمًا جنبي

القرار- بادخل ديارك.. بالتسبيحات
وأشوف أمجادك.. وأتوحد بيك
باهديلك حبي.. وكل حياتي
وباتوجـــك.. رب ومليك

٢- إيه عمري يسوى.. من غير حضورك
ملا حياتي.. شبع سرورك
قدامك دابت.. كل قيودي
حياتي فيك.. معني لوجودي

١- (يا اللي فديت حياتنا.. واشتريتنا بدم ثمين
كل ماضينا يشهد.. إنك لينا أمين ومعين)٢

القرار- (وانت اللي جمعتنا.. ووحدت قلبنا)٢
بنهدي لك عمــرنا.. يا ملكـــنا وربنــــا

٢- (بنسلمك حياتنا.. وبنهدي لك كل الأيام
عايزين نعيش لك عمرنا.. ونحط عندك كل الأحلام)٢