منال سمير (134 ترنيمة )

(في وقت ضعفي بانادي لك
في وقت حزني أنا هاجي لك)٢
وعارف إنك هاتشيلني على الأكتاف
معاك هارتاح ومش هاخاف
أنا هاجي لك وأحكي لك على اللي فيَّ
أنت المخلص أنت فاديَّ
(أنا هاجي لك علشان غيرك مافيش
ليَّ هنا في الأرض أو في السما
في محضرك حزني بيهرب مالاقيش
أي تنهد لكن كل هنا)٢
(علشان اسمك برج حصين باجري عليه
استرني ربي في دمك اللي عني سال
علشان حبك هو الغطا اللي أحتمي بيه
ارفعني ربي أنت تصنع المحال)٢

عندي قوة في قلبي جوه أقدر أحب كل الناس)
علشان أبقى زي يسوعي اللي منحني الخلاص)٢
عندي كمان قوة غفران أقدر أسامح الغلطان)٢)
وأنسى كل غلطه في حقي وأتمنى يبقى فرحان

(١)
بانور الشجرة وعليها نجمة
ونورك جوايا مالي قلبي بسمة
باحتفل بميلادك دي الأعياد أعيادك
والأنوار تنور حوالين الولاد

الـقــرار
(فرحة العيد ربي لما سكنت في قلبي
أنا باهديلك حبي في يوم الميلاد
إنت جيت علشاني وأخدت مكاني
ومليت قلبي أغاني في يوم الميلاد)

(٢)
بحبك يا يسوعي من قلبي باصلي لك
ليك باقدم عمري وبصوتي باغني لك
علشان أنت جيت لي وخليتني أجي لك
وبقيت كل حياتي وفرحة الأعياد

1- يا كنيسة ارفعي راسك ربك رب القدرة
وفي شدة العواصف يسوع هو الصخرة
لا حنانه هايتغير ولا قدرته تتحير
هو سيد الأسياد النهاردة وبكره

يا كنيسة امسحي دموعك وافرحي باللي 2- فداكي
هو اللي يطيب قلبك ويفرح الباكي
ويقوم من الرقاد ويحول الرماد
لرداء تسبيح سماوي وجماله يملاكي

3- يا كنيسة استنيري يشرق عليكي نهار
ده كوكب الصبح مسيحك وجالك باقتدار
لا جبال تقف قدامه وقوتك أفراحك
وتعيدي بيسوع ليه وحده الانتصار

(بارفع إليك تسبيحي.. طول ما أنا موجود
يا ملكي يا إلهي ... رب الوجود
عالي في عيوني.. يا إلهي طول الحياة
اسمك العالي بيحرر.. ويفك قيود)٢
(وصوتي ليك هايعلي.. كل أيامي
ده إنت فرح قلبي.. وإنت سلامي)٢
أفراح سماوية في حضورك.. بتغمر قلبي
ده كفاية إنك معايا.. وإنت ربي

١- (ربي هاسكن في سترك.. وهاعيش أنا تحت ظلك
لو جسدي شدني.. حبك بيردني)٢
أنا رجليَّ ضعيفة.. لكن أنت رجايا
هاجي تضلل عليَّ.. علشان أنت الحماية

القرار- (خبيني من يوم الشر.. خبيني من برد وحر
خبيني من السهام.. خبيني من الأوهام)٢
(وفي حضنك الدافي)٢.. خبيني

٢- (العالم بيحاوطني.. بشرّه حواليَّ
كل ما ليك أقرب.. الشر قدام عينيَّ)٢
مهما بيشد قلبي.. إيماني إن أنت جنبي
على سترك هاجري ربي.. علشان فيك الحماية

١- باعترف قدامك يا يسوع المسيح
إني ماستحقش دماء الذبيح
سالت علشاني والصليب فداني
أنا راجع ليك بقلبي الجريح

القرار- توبة من قلبي اللي تاه عنك بعيد
توبة من قلبي لفاديَّ الوحيد
وأنت زمان ياما خبّطت على بابي
النهارده يا ربي هافتح قلبي وأبوابي

٢- باعترف قدامك بقساوة قلبي
والخطية سادت وأنا شايف ذنبي
وبرغم الخطية باجي باللي فيَّ
اقبلني أنا راجع بتوبة قلبي

1- مستحق السجود الحمل اللي اندبح
ده صليبك فيه شفانا لينا حرية وفرح
وبقلوبنا نيجي ليك وبسجودنا بنعليك
ده الذنوب عندك مغفورة وكل حمل ينطرح

القرار - ياللي دفعت ثمن خطايانا.. ياللي بتعزي كل حزانى
ياللي إنت كاشف إيه جوانا.. سجودنا ليك يا يسوع
سجودنا ليك يا يسوع

2- نيجي ليك زي ما إحنا جوه قلبك محفورين
رغم كل ضعف فينا في صليبك مقبولين
البعيد إنت تلاقيه شفنا حبك قد إيه
راح ندوس على الخطايا وبالمباهج نستهين

١- (أنا قلبي يسجد لجلالك كل يــــوم
ولساني يشكر ع الحياة اللي في يسوع)٢
أنا بيك سلامي ونصرتي وحبي يدوم
كنت النهارده هابقى إيه من غير يسوع

القرار- (يا يسوع أنت ملك الملوك رب الأرباب
أنت في نورك يختفي كل الضباب)٢
وتبدل الضعف اللي ساكن من زمان
وتدي قوة ونصرة فوق كل الصعاب

٢- أنا نصرتي في شخصك حقيقة مش كلام
بعد الهزيمة اللي ملت قلبي دموع
أنت بتملا القلب فرحة وسلام
كنت النهارده هابقى إيه من غير يسوع
٣- (يا ربي نورك وسط ضلمتي يبان
وبكلمتك تشبع حياتي بعد جوع)٢
حتى في ضعفي تضمني وتدّي الأمان
كنت النهارده هابقى إيه من غير يسوع

١- (جاي أشهد إنك ربي.. مخلصي فاديَّ
إنت سيد حياتي.. ليك الحق فيَّ)٢

القرار- (إنت مخلصي)٣.. وهاعيش لك طول عمري

٢- (لما يهزمني ضعفي.. آجي أتحامى في حضنك
وترفع ذنبي عني.. وأشوف صورتي في قلبك)٢

٣- (أنا ملك إيديك يا إلهي.. من فضلك قدسني
قويني على الخطية.. وبيدك احفظني)٢

٤- (لما بالمس حنانك.. العمر يطول حواليك
هافضل حياتي أنشد.. المجد كله ليك)٢