ليك كل أيامنا (16 ترنيمة )

١- تسبـيـح للرب يعلى وتعلى معاه الفرحة
قلبي هايغني للقـدير
بإيماني هاشوف الخير في ظروفي حتى الصعبة
غني يـا نفسي للقدير
باعلن إيماني شايف إلهي ليه السلطان ليه السلطان
ومـن أمامي ينقل جبالي بالإيمـان بالإيـمـان
(أنا هافرح واهتف مجدًا ليك مجدًا ليك مجدًا ليك)٢
هللويـا.. هللـويـا.. هللـويـا.. هللـويـا

٢- باعلن يسوع ملك وحيد على كل حياتي
قلبي هايغني للمسيح
وبصوت الحمد راح أشهد له تثبت صـلاتي
غني يا نفسي للمسيح
عمري وحياتي كل أهدافي للمسيح للمسيح
وليوم مجيئه هاستنى أشوفه في الأمجاد في الأمجاد
(أنا فرحان بهتـف مجدًا ليك مجدًا ليك مجدًا ليك)٢
هللويـا.. هللـويـا.. هللـويـا.. هللـويـا

١- أنا باطلب لمسة.. من هدب ثوبك
أنا باصدق.. فيك النجاة
لمسة تشفيني.. لمسة تقويني
وتخرج منك.. قوة حياة

القرار- (شافي جروحي)٢
أنا باجي وباسجد.. عند رجليك
(شافي جروحي)٢
أنا باجي وقلبي.. يحتمي فيك

٢- أنا باجي يا ربي.. بجرح في قلبي
وآلام محفورة.. جوايا سنين
إنت رجايا.. فيك الكفاية
إنت شفايا.. وهاروح لمين
٣- مسمار في إيدك.. وحربة في جنبك
جلدات على ظهرك.. تدي شفاء
مريت بآلامي.. شلت أسقامي
أخذت مكاني.. واديتني عزاء

أشكرك يا الله لاستجابتك الصلاة أشكرك يا الله
أشكرك يا الله لاستجابتك الصلاة أشكرك يا الله
١- أنت الصالح والأمين تحفظ وعدك للبنين
بارفع اسمك بالترنيم ومديون ليك طول السنين
٢- كل يوم أقضيه معاك أطلب مجدك ورضاك
وأنت تسد الاحتياج ده ما فيش أكتر من غناك

اسمعوا مني الرواية قصة حياة مسيحي
وهي دي الحقيقة هانغني اللحن تاني وتاني
يسوع مولود عشاني في حضن العذراء مريم
أنا شايفه عند شط المية والصيادين أهية
ودول هايبقوا التلاميذ تلاميذ المسيح
وفي أورشليم نشوف ناس رافعة السعوف
بتهلل بالهتاف للملك العظيم بيصلي
في جسيماني بالبكا ويعاني وشال عني أحزاني
وجه حكم بيلاطس وصلبه كان بقسوة
لكنه قام بنصرة من الأموات.. مجداً هللويا
قام بنصرة على الخطية وكان خلاصه هدية
ومسيحنا فاتح إيده ليك والدعوة بيعيدها عليك
اقبله وقول آمين قول معانا آمين

١- أواني من خزف أوانـي خـزفـيـة فـيها كنز كبـير
قـوتها مش فـيها لـكـن في إله قـدير
إيـمـاننا بالحياة الحياة الأفـضـل
إيماننا بالمسيح بربنا هايكمل هانسبح من تاني

القرار- (أوانـي مـن خـزف إحـنـا أوانـي أوانـي مـن خـزف ملك لـيسوع)٢

٢- ده إلهـنـا أميـن بـرغم ضعـفـنـا صـار معانا سـنـين
بـاركنا وضمـنـا
يسوع هو الكلام يسوع هو الألحان هو كل حاجة
وهو الفنان مؤتي الأغاني
إحنا أواني.. أواني من خزف ومش للبيع..

١- الله أمين وأب صالح.. وهو إله بكره ومبارح
فاكر وعوده وإن إحنا نسينا.. وخطوة بخطوة ماسك إيدينا

القرار- أما أنا وبيتي.. هانعبدك يا يسوع
أنا وكل اللي في بيتي.. ملكك وحدك يا يسوع
والنور اللي فينا مش هانخبيه.. بيتنا هاينور لأنك فيه
أنت إلهه وبالحب ماليه.. بيتنا هاينور بيك يا يسوع
بيك يا يسوع

٢- ابني بيت أنت ملكه.. يخرج تسبيح من شبابيكه
وحِّد قلوبنا وضلِّل علينا.. دايمًا كلامك قدام عينينا

١- تشق البحر ويصير يابس وشعبك يعبر كل صعب
أسوار تتهد بالتسبيح أنت إله المعجزات
تهدي الريح ويصير سلام والخوف مايعدش ليه مكان
الخبز يشبع الألوف والماء الحي يفيض أنهار
هاتسجد كـل ركـبة وتنحني الجباه
ويعترف اللسان أنك رب لمجد الآب
٢- صليبك يعتق من الخطية وقيامتك معنى للحياة
روحك يمنح الحرية ونصير بك أولاد الله
فرحك يغمر بالرجاء وكلامك حق وروح
وحياة حياتنا شهادة حية لشخصك نهتف مجداً لابن الله

١- (ربي ذراعك قديرة.. بتشـــكل الجبـــال
نفس الإيدين الحنونة.. تمسح دموع الأطفال)٢

القرار- (يا يسوع قلبك متواضع.. يا يسوع أنت وديع
وعشان ذراعك قديرة.. مش ممكن حد يضيع)٢

٢- (الأرض كلها ملكك.. والكون بيرفع حمدك
والملايكة بتسجد لك.. قلبي الصغير بحبك)٢
٣- (وعارف كل أفكاري.. حتى السر المكتوم
وتفكرني لما بأبعد.. إني بالدم مختـــوم)٢
٤- معــايا وعينــك علــيّ.. بحبــك بتحــــاوطنــي
وبقوة إيدك تحميني.. معاك مين يقدر يغلبني
فديت نفسي من الحفرة.. ثبت رجلي ع الصخرة
وضعت في قلبي ترنيمة.. مسِّيت شفايفي بالجمرة

١- شايفين حقك.. تشق العتمة.. في أراضينا
ونفوس بتتوب.. تنفك قيود.. من أياديها

القرار- جيت يا يسوع لبلادنا.. وأمرت هنا بالبركة
وعدك سور حواليها.. (أمان وسلام لولادها)٢

٢- شعبك يشهد.. خير ومراحم.. طول أجياله
يتوحد بيك.. وينادي باسمك.. طول أيامه
٣- مجدك يعلى.. في وسط بلادنا.. ويملك فيها
ونور إنجيلك.. يخش بيوت.. محرومة يرويها

١- (شعبي يا رب بينادي.. تعال بنهضة في بلادي
تملا الصحرا والوادي.. ونشوفك أنت يا قدوس)٢

القرار- (يا قدوس يا قدوس.. يا قدوس يا إله الكون)٢

٢- (بالإيمان أنا شايفك.. أكيد سهران على وعدك
هاتيجي وتفتقد شعبك.. بلمسة ايدك يا قدوس)٢
٣- (هاتيجي ومش هاتتأخر.. وبصلواتنا هانسهر
وبالخير السما تمطر.. بكلمة منك يا قدوس)٢

١- في الجلجثة كنت أنا هناك.. وبيدي سمرت يداك
سمعتك تصرخ للآب.. وأنت تحمل عني العقاب
أسلمت الروح وانشق الحجاب.. أعلنت لي الآن فُتح الباب
٢- هل أستطيع أن أتعامى.. عن حبك الذي تسامى
وأعيش عمري ناسيًا خلاصك.. وأسير دربي هاربًا من وجهك
ولو حاولت لن أستطيع.. أن أتجاهل ذلك الصنيع
(فحب الفادي سر حياتي.. وذا الصليب طوق نجاتي)٢
عند الصليب.. عند الصليب.. اليـــوم آتــــــي
٣- لك إلهي سأعيش عمري.. وصليب العار قد صار فخري
(وسأخبر كم صنعت بي.. من وحل الخطية قد نشلتني)٢
عند الصليب.. عند الصليب.. اليـــوم آتــــــي

١- (مسجون وباحلم بالحرية.. بقلب حزين ورا قضبان
مستني النور في ليل متألم.. فجره لعيني سور وحيطان)٢

القرار- (لحد ما جاني وصوته نداني.. قوم اليوم مانتاش أسير)٢
كسرت سيف السجان.. وخلاصي اديته بالمجان
(افرد لفوق جناحيك.. وفتح في النور عينيك)٢
(ده كل مالي هو ليك)٢

٢- (كانت عيشتي أسير لقيودي.. سكة طويلة وحمل تقيل
ضعفي ماليني ومين يشفيني.. ومين يرحمني وأنا عليل)٢

١- مش بيحتاج الأصحاء لطبيب
واللي من غير الجراح إنه يطيب
وانا محتاج رحمتك وحضن محبتك
والقسوة اللي في حياتي تختفي بلمستك

القرار- (في قسوتي حنانك يبان
وفي ظلمتي حبك يسطع فيَّ)٢
حبك يسطع فيَّ

٢- مش بيحتاج البريء إنه يتوب
واللي مـن غيـر الخطأ سـتـر العيوب
وانـا ربي كسيـر عشـان ذنبي كبير
ويا رب اللي ييجي لك مستحيل يفضل أسير
٣- ربي تعال املاني بالروح وهز كياني
صحي أشواقي تاني وارفع إليك تسابيح
بدموعي بترجاك متعني برؤياك
أنظر إليك في سماك يا سيدي المسيح

١- وسط نار التجربة والتجارب متعبة
باعرف إن في إيديك حياتي كل يوم مترتبة
حتى لو مرينا بمصاعب المهم عينينا فين
هل عليك ولا بننسى بركة حياتنا منك سنين
(ورا الغيمة في أنوار فوق السحابة في أسرار)٢
وأنا عارف إني في إيد ملك الملوك هو أبويا وإله جبار
٢- يمكن أحلامي مش متحققة وحفرت لنفسي آبار متشققة
لكن برغم ظلام السما في نجوم متلألئة
ربي أحصر أحلامي فيك أولاً أطلب ملكوتك
قلبي يشبع لما ألاقيك وتهديني دايماً بصوتك

١- (يا يسوع ليك كل أيامنا.. وكل اللي جاي قدامنا
ملكوتك يملى أحلامنا.. ونورك هايشع فينا)٢

القرار- (روحك جوانا ووسطينا.. وتعال واتمجد فينا)٢
ونعيش أيامنا وليالينا.. نشهد عن حبك يا فادينا

٢- (استخدم حبك جوانا.. وروح قدسك اللي ملانا
مين علينا وإنت معانا.. يا يسوع وحدنا وقوينا)٢
٣- (بنحط قلوبنا قدامك.. تمسح وتكرس أولادك
يا يسوع ورينا أمجادك.. ويسوع يبقى واضح فينا)٢

١- يسوع مشتاق يشفيك من كل جرح فيك
عايز يرفع كل حزنك ده هو حاسس بيك
ده جه مخصوص عشانك يغفر كل آثامك
يحرر قلبك وحياتك من كل قيد
ده أنت غـالي عليه مـنـقوش على كفيه
وبحبه ليك مستنيك عشان تتمتع بيه

القرار- (يا بخت القلب الجعان يا بخت العطشان يا بخت المشتاق إليه ده ربه هايكفيه)٢
ربه هايكفيه

٢- لكل واحد يجي قلبه صـادق حقيقي يطلب يسوع
ويدعوه إيديه مفتوحة ليه
عمر ما حبه هايخذل اللي هايجي
ويرمي كل حـملـه وكـل تـعبـه عند رجليه
عايز يفتح عينيك على حياة جديدة
وكل يوم يفوت معاه كله مراحم جديدة