صفاء صبحى (41 ترنيمة )

1-(لما كنت صغير عرفت يسوع منين؟
لما قريت كتابه المقدس الثمين)2

القرار- كتابٌ من الله ونافع للتعليم
كل كلامه كذلك للتأديب والتقويم

2-(عرفت إن الخلاص نناله بالإيمان
مش ليَّ أنا وحدي بل لكل إنسان)2
3-(واقرأ فيه كمان حياة الرب يسوع
اللي مات وفدانا مخلِّص الجموع)2
4-(علشان كده دايماً لازم نقرا الكتاب
ونقدمه للناس فَيفرح بينا الآب)2

( ومدام يسوع القائد راح يبقي النصر أكيد ) 2
1- فتح عينك كويس وبص على قدام ورا يسوع بالخطوة اتقدم للأمام
2- والودن افتحها كويس واسمع الكلام ومهما يقولك نفذ تتمتع بالسلام
القرار- وأكيد وأكيد راح تبقى سعيد أيامك فرحة وكلها عيد
وأكيد وأكيد راح تبقى سعيد أيامك فرحة وكلها عيد

قلبي الصغير لربي هديتي
قدمتهوله ومعاه محبتي
كل حياتي بقيت ملك ربي
وهو صديقي في كل رحلتي
قلي يا ابني اديني قلبك
وخللي عينيك تملي تلاحظ سكتي

1- فرحة وفرحة بتملا حياتي كل طريقي فيه أفراح
فرح خلاصي وفرح نجاتي من العبودية بقيت مرتاح
فرحة هنية بالحرية فرحة تدوم كل الأيام
فرحة تهوِّن لي البرية مهما يكون في طريقي آلام
2- فرحة وفرحة في كل طريقي كلي سعادة وأنا وياك
ماسك إيدي فيعلْى نشيدي ما أحلاها أيامي معاك
فرحة هنية وأحلى هدية إن حبيبي معايا صديق
فرحة تهِّون لي البرية مهما أمُر في ضعف وضيق
3- فرحة وفرحة فوق الأفراح فرحتي إن في يوم هالقاك
دي بترفعني وتشجعني أقضي حياتي باستناك
فرحة هنية حالاً جايه فرحة هاتكمَل يوم لقياك
فرحة تهوِّن لي البرية إني قريب هالقاك في سماك

(أنا مبسوط وفلوسي كتير أنا عشار وده شغل خطير
باخد حقي أنا مش بس لكن أكتر منه كتير)2
(يوم قاعد ولقيت فيه هيصة وزحمة فرحت أسأل عشان إيه
قالوا يا زكا.. يسوع في الشارع وكل الناس ملمومة عليه)2
(وكنت سمعت أنا عنه كتيرإنه كلامه وفعله قدير)2
ونفسي أشوفه بنفسي ولكن فيه مشكلة إني قصير
(جاني على طول فكر وإحساسأنا ممكن وسط الزحمة أنداس)2
لازم أفكر فكرة سريعة أطلع بيها فوق الناس
(ولمحت الجميزة وجريت وطلعت فوقيها وبصيت)2
فلقيته يقرب ويقوللي زكا أسرع وأنزل
يا زكا أنزل أنا جاي لك في البيت
قوام قوام ما اعرفش أزاي نزلت وكلي محبة
إليه قبلته في قلبي وبيتي كمان عملت وليمة أرحب بيه
قلت يا ربي أنا راح أدي نص فلوسي للمساكين
(وكمان هابدأ صفحة جديدة أنا راح أبقى في شغلي أمين)2
(والناس مني خلاص ما تخاف هاعمل بأمانة وإنصاف
واللي ظلمته في حاجة زمان راح أردها أربع أضعاف)2
ولما شاف التوبة حقيقة وإني خلاص من قلبي نويت
(فرح ربي)2 وقال اليوم تم خلاص لهذا البيت
أنا فرحان وفرحي كتير ربي حبه لي كبير
قبلني ونضف قلبي تمام وعمل في حياتي تغيير

القرار- (أنا ها أسهر وأستناك وأستنى يوم لقياك
تيجي وتاخدي معاك للمجد في أعلى سماك)2
1- ما أحلاه الوعد أكيد راح تيجي وبالتأكيد
تتحق لي المواعيد وأنا ها أفرح وأنا وياك
والعالم مهما يكون في نعيم أو حتى أتون
ها يزول والصعب يهون وأنا باسهرباستناك
2- ياحبيبنا تعال قوام طالت بينا الأيام
وقلوبنا في شوق وهيام تتمنى يوم لقياك
ده العالم كله أنين وقلوبنا فيها حنين
تترجى تعال آمين يا حبيبنا بنستناك

طوبى للي يسمع ويعمل كمان دايمًا يبقى ناجح في كل مكان
زي شجرة مغروسة بجوار الأنهار كبرت وجابت ثمار
وورقها أخضر ودايمًا بيزهر طوبى للي يسمع ويعمل كمان

يسوع قرب يجينا ويحقق أمانينا
زي ما الكتاب بيقول وده وعده صادق لينا
في لحظة في طرفة عين راح نخطف على السحاب
ومع يسوع فرحانين نكون في بيت الآب
لازم نفضل سهرانين ونبقى في الانتظار
للمجيء مستعدين في الليل والنهار

القرار - (هيا افرحوا في كل حين هيا
اشكروا على كل شيء صلوا بلا انقطاع)2
1-(هيا افرحوا في كل حين في الرب افرحوا
فَفرحه قوتكم وأيضًا افرحوا)2
2-(هيا اشكروا على كل شيء في هذه الحياة
بالشكر تعلم طلباتكم لربنا الإله)2
3-(صلوا وكونوا واثقين صلوا بلا انقطاع
فوعده للمؤمنين الكل مستطاع)2
هيا افرحوا في كل حين في الرب افرحوا
هيا اشكروا على كل شيء في هذه الحياة
صلوا بلا انقطاع

أُعلمك و أُرشدك وأنصحك لتسلكَ
عيني إليك تنظرُ لتحفَظَك في طُرقك
لذاك سر ولا تخف لا تخف لا تخف
لأني أنا معكَ
أُعلمك وأُرشدك وأنصحُكَ عيني إليك
أُعلمك وأُرشدك وأنصحُكَ فلا تخف