صفاء صبحى (41 ترنيمة )

عين في الضلمة وعين في النور لأ مش ممكن يا شطور
مش ممكن نسلك في الضلمة ونقول إحنا ولاد النور
يلا قوم بحياتنا ننور والرب يكون بينا مسرور

1- صالح يا ربي ولو بتسمح
بالصعوبات والأحزان
ده أنت بتعصب بعد ما تجرح
تسحق وإيديك تشفيان
القرار - صالح يا ربي كل الصلاح
وللأبد لينا رحمتك
مع إشراقة كل صباح
باشوف أمانتك ونعمتك
2- صالح يا ربي ده رغم جراحي
بتلذذني ب عشرة معاك
وأدوق شوية من أفراحي
اللي ها تكمل فوق في سماك
3- صالح يا ربي ولو مافهمشي
اللي بيحصل من حواليَّ
تقول ما تشغلش بالك وامشِ
ثبّت عينك بس عليَّ

1- إبليس مغلوب لأني ماشي مع يسوع
الحمد لاسمه أنا ماشي مع يسوع
إبليس مغلوب لأني ماشي مع يسوع
كل يوم أنا ماشي مع يسوع
هللويا أنا ماشي مع يسوع
الحمد لاسمه أنا ماشي مع يسوع
كل يوم أنا ماشي مع يسوع

2- إبليس نتف شعره لأني ماشي مع يسوع
الحمد لاسمه أنا ماشي مع يسوع
إبليس نتف شعره لأني ماشي مع يسوع
كل يوم أنا ماشي مع يسوع
هللويا أنا ماشي مع يسوع
الحمد لاسمه أنا ماشي مع يسوع
هللويا أنا ماشي مع يسوع
كل يوم أنا ماشي مع يسوع

مين ساكن بقلبك مين؟
واحد بس من الاثنين
ابن الله أو الشيطان
واحد بس مش الاثنين

(طوبى)5 طوبى يعني إيه؟
طوبى: يعني يا بخته يعني يا سعده
أو يا هناه للي بيرضي الرب إلهه وبيعمل رضاه
طوبى للي ما يسلك أبدًا في مشورة الأشرار
ولا في طريقهم أو مجلسهم يحلى له المشوار
لكن في كلام ربه مسرة قلبه ليل ونهار
فيكون زي شجرة مغروسة جنب الأنهار
دايمًا خضرا تمام في ميعادها بتدي أحلى ثمار
كل اللي يعمله ناجح ناجح باستمرار
(طوبى )4 طوبى للأبرار

( دخل وإتعشى معايا من يومها يا هنايا ) 2
( لا فيه ميه ولا نور وكمان مافيهوش سرور ) 2
1- أنا قلبي بيت صغير كان خربان وحقير
2- مره خبط باب قلبي فتحت لاقيته ربي
القرار- ( مين ساكن في قلبك مين واحد بس من الاتنين
يا اما الله أو الشيطان واحد بس من الاتنين ) 2

١- تك تك تك بتدق الساعة
تحسب وقتي إزاي بيفوت
وإن ما قضيته في حاجة مفيدة
يبقى حسابي مش مظبوط

القرار- وقتي ثمين وده ملك الرب
وعايز حكمة إزاي أقضيه
كل دقيقة في عمري أمانة
ولازم أصونها عشان أرضيه

٢- تك تك تك بتدق الساعة
وتحذرني أوعى تنام
دي الأيام شريرة قصيرة
فيها الوقت بيجري قوام

٣- تك تك تك بتدق الساعة
لكل شيء وقته بميعاد
وقت اللعب ووقت الراحة
ووقت الشغل باجتهاد

٤- تك تك تك بتدق الساعة
ده يسوع عالأبواب
فرصة عمري اللي باضيعها
لازم أدي عنها حساب

كان قلبي أسود أسود زي لون الفحم تمام
وحياتي كانت وحشة مليانة زعل وخصام
لكن لما عرفت الرب أنقذني من الظلام
نور لي قلبي وحياتي خلاني عايش في سلام
بقى قلبي أبيض أبيض زي لون التلج تمام
وحياتي مليانة سعادة أفراح وهنا وابتسام
إزاي يبقى الإسود أبيض إزاي يبقى قلبي جديد
مين يقدر يغفر خطاَيايَ ويخليني تملي سعيد
( دا الرب يسوع هو المصلوب مات وغفر كل الذنوب )2
دا من غيره مافيش خلاص روح له قوام تلقى المطلوب
يبقى الإسود أبيض ناصع بالدم الغالي يا محبوب

( والناس في يشوفوا يسوع يشوفوا محبة يشوفوا خضوع ) 2
تبقى حياتي رسالة مفتوحة كل الناس تقرا و تتعلم
من غير ما أقول أو أتكلم أو حتى أوعظ وأعلم
نفسي يارب وده شوق قلبي اني أعيش لك طول أيامي
وثمار عملك تظهر في في أفراحي وحتى ألامي

١- اِنْتَظِرِي الرَّبَّ يَا نَفْسِي
وَاذْكُرِي جُودَهُ لا تَنْسَيْ
فَذَاكَ بِحُبِّهِ الأَبَدِيّْ
لَكِ الْيَوْمَ كَذَا أَمْسِ

القرار- (اِنْتَظِرِي الرَّبَّ يَا نَفْسِي
يَسُوعُ قَرِيبْ
يَمِيلُ إِلَيْكِ وَيَسْمَعُكِ
كَذَاكَ يُجِيبْ)٢

٢- اِنْتَظِرِي الرَّبَّ وَرَحْمَتَهُ
يُرِيكِ عَظَائِمَ قُوَّتِهِ
وَلَوْ ظَنَنْتِهِ تَوَانَى
فَذَا لِلْخَيْرِ بِحِكْمَتِهِ

٣- اِنْتَظِرِي الرَّبَّ فَلَمْ يَخْجَلْ
مَنْ نَظَرَ إِلَيْهِ وَلَمْ يَفْشَلْ
يُنِيرُ الْوَجْهَ وَيَرْفَعُهُ
وَيُعْطِي بِفَيْضٍ مَنْ يَسْأَلْ

٤- اِنْتَظِرِي الرَّبَّ فَهْوَ يُقِيمْ
وَيُعْطِي بِجُودٍ فَهْوَ كَرِيمْ
يَسُدُّ الْعَوَزَ يَفُكُّ الضِّيقْ
بِحُبٍّ أَبَدِيّْ فَهْوَ عَظِيمْ