إميل يوسف (33 ترنيمة )

1-عشت سنين ولا كان على
بالي إن ده ممكن يوم يجرالي
بقي أنا أتغير ونتصالح قلبي الأفراح
ده أنا كنت نسيت طعم الراحة
وماكنتش أصدق بصراحة
إن أنا هاقدر أعوض يوم واحد راح
إنت دخلت حياتي وتاني
جات أحلام كانت نسياني
قلبي أتعلق بالحب اللي لقاه جواك
يا يسوع وإنت معايا سابيني وبقيت باعرف أغمض عيني
من غير ما أقلق علشان مطمن وياك

القرار- (كل اللي انقضى قبل ما أقابلك بالنسبالي كأنه ما جاش
وسنيني اللي أنا عشتها قبلك دي سنين ضايعة مابحسبهاش)2
عمري معاك يا يسوع وبدونك مالهوش طعم عشان يتعاش

2- بعد ما حبك ملا أوقاتي صعب أتخيل شكل حياتى
وأنا من غيرك دي ماتبقاش يا إلهي حياة
إنت وجودك كان بيبقالى طعم سنيني اللىبي حلالى
قلبي أسيرك حضنك أنا برتاح جواه
إنت عاملي مكانة وقيمة نصر كبير من بعد هزيمة
لولا قابلتك كنت فضلت في إيد الموت
أتقدمني في كل بداية أنا بطمن وإنت معايا
ربي قبلتك سيدي وأقولها بعلو الصوت

صعب كتير أبعد يا غالي
صعب كتير أنساك يا فادي
دي محبتك في عروقي سارية متأصلة
ورحمتك جوايَّ ساكنة ماتفسرة
وحتى لو صبحت ظروفي ماتكدرة
أنا نفسي ماشفية بدمك متحررة
لا لا مش هانساك لا ده أنا عمري معاك
قلبي أسير حبك يا جاهي شرفي كبير إنك إلهي
أنا حر فيك وعبد ليك برغبتي
وما دام وراك هاوصل معاك لفرحتي
وحتى لو يقسى الزمان أنا ليك هاعيش

1-) في مرة حلمت حلم في يوم
وأنا موهوم أكون حر وطليق فرحان
وأتاري الحلم كان مسموم
وكله غيوم ورحت بنفسي للسجان)2
إيدين الوهم ربطوني
طفوا الشمس وعموا عيوني
ومن يومها الأمان أهو راح
وبات محبوس في كان ياما كان

القرار
باقرب منك أحضني
وخدني لعندك إسكني
سرق مني الزمن عمري
وحدفني في دوامات الخوف
كفى العمر اللي ضاع
مني معاك راجع يطمني
بسابق خطوتي وباجري
ومشتاق لك وجاي ملهوف

2- (طعني الخنجر الممدود
وأنا مربوط ومتداري في غيوم الليل
وأنا شراعي اللي كان مفرود سقط
في سكوت طواه الريح ومرمي عليه)2
محتاجلك تعديني وعلى جناحك توديني لدنيا
العيشة فيها براح مافيش غيرك يا رب بديل

3- (أنا عايزك تمد جسور تداوي
كسور وتعبر بيَّ فوق النار
نكون شمسي تكون النورأمل
وسرور وتضمن أخرة المشوار)2
تكون داري اللي بارجعله
وصوت يهديني باسمعله
أنام على كتفك أنت أرتاح
وألاقى الليل طلعله نهار