إميل يوسف (33 ترنيمة )

1-(وياك أنا وياك شبعان فرحة وأمان
وياك أنا وياك مش خايف من الزمان)2
ضامن عمري وحياتي ضامن بكرة اللي آتي
إنت سلاحي ونجاتي عزي وفيك الضمان
القرار
أنت الأب الحنين وأنت الخل الوفي
أنت الخير اللي يشبع وبحبك بكتفي
لو شمس الأرض غابت لو نورها هايختفي
نورك جوايا عايش مش ممكن ينطفي
أنا وياك
2-(بالقاك أنابالقاك وقت الأوجاع معين
بالقاك أنا بالقاك جنبي في وقت الأنين)2
نور يرشدني في ضياعي ويقدني للمراعي
فوق منكبيك يا راعي مرتاح طول السنين

الشك خني فكرت أني يارب غايب عن عنيك)
حسيت كأني متساب وتايه وحدي ضايع من إيديك)2
ونسيت ياربي غلوتي عندك أه نسيت
بس أنت جتني وسمعت صوتك تاني بيقول مش ناسيك)
بصيت لاقتني متشال ومرفوع بالحنان فوق منكبيك)2
وضاع مرار الشك أول ما أنت جيت
شددني لحضنك ضمدني لصدرك بحنان)
ومسحت دموعي الحيرانة وشيلت الأحزان)2
ونزعت الخوف اللي سكني ورديته أمان
وطاطيت وبقيت مكسوف منك وبقيت خجلان
سامحني غلطان سامحني مكنش قصدي أشك لحظة يارب فيك)
كان جهل مني أزاي سمحت لنفسي آلوم وأعتب عليك)2
أسف عشان شكيت في يوم إني أتنسيت
أسف لإني ملمستش أنك جنبي ومحستش بيك)
عارفك صايني ايوه عارف عمري يوم ما هاهون عليك)2
يا أبويا ياللي تحت جناحينك بانيلي بيت
ثبت إيماني وعلمني وخدني لقدام)
وساعدني أكون فعلاً أبنك مش بس كلام)2
وارتاح بين أحضانك وأقدر أغمض بسلام
من غير ما اقلق لا من الدنيا ولا من الأيام

)أنا فُقت خلاص وبودَّع كل شيء فرَّق في يوم بينك وبيني
أنا فُقت خلاص وهاعيش لك وف حماك كل اللي فاضل من سنيني)2
(عمري ما هارجَع أخونك تانى وأسيبك تانى وأتوه وأنساك
عمري ما هابعِد عنك أبداً ولا هاتردد أكون وياك)2
أنا روحي رجعت لي برجوعي لحضنك انت
أنا فيك لاقيت نفسي وبقول هافضل معاك
هافضل معاك
(كنت زمان بارفُض وبقاوم صوتك لما بينده ليَّ
كنت مفكَّر نفسي هالاقي في بعدي سعادة وأدوق حرية)2
بس اهي دارت بيَّ الدنيا دارت بيَّ الدنيا وجبني حنيني وبترجاك
أنا مش طالب غير غفران طهَّر قلبي وقودني وراك
أنا هاحيا لك ربي وأعيش لك وبإخلاص أنا فُقت خلاص
أنا فُقت خلاص

القرار
(أيديك يارب هما صناع الفرح على إيديك
إنت برضه غصن الأحلام طرح)2
1- بنقول شكراً وشكراً قليلة ومش كفاية
أصغر من خير ورحمة وحنان مالهوش نهاية
شكراً على كل يوم من عمري فات وعدى
على أمبارح وأول وشكراً على أنهارده
شكراً ليك ياربي اللي عمرك ما تعبنا
أو بألآمنا بترضي
أنت عالم باللي فينا وإنت شايف
إنت سامع صمتنا وهمس الشفايف
إنت حاسس
آنه القلب العليل حتى لو محبوسة بين جدران
ولليل إنت نار كل العيون وسط الظلام
كلمة منك إنت بداوي المواجع
لما تنده على الطموح بنشوفه راجع
إنت بلسم كل جرح وويل واه
إنت سكه السلامة للي تاه
إنت مصدر عزنا وسر السلام

2- مد إيديك أمسح الدمع اللي سايل
أعدل العود اللي محني واللي مايل خفف الحمل
اللي شايلاها لأيدينأ رسم الفرح الحقيقي
في العينين إدي حلم لكل قلب في يأسه عاش
وحدك إنت بتبقي أهل وناس
وعيلة للوحيد وللي أفراحهم قليلة
ما لي تجرى الفرحة من تحت التراب
تطلع الوردة بربيع عمري اللي شاب
ترجع الأمل اللي كان فاتنا وماجاش أنزع البرد
اللي تبت في المشاعر أحضن العمر بدفاك
وحدك يا قادر أروي كل أرض عطشانة
لحنان بدل الخوف والقلق راحة وأمان
إنت فاكر كل شعبك مش ناسيه إنت عارف
مين بيحتاج لك في ليله تبقى شمسة وسكته
ونوره ودليله إنت دار كل اللي متغرب
بعيد والطبيب والشافي من الجسد المريض
واللي مالهوش حد حضنك بيداريه

1- كل كلام الدنيا ما يكفي أشكر بيه لا ولا يوفيك
بعد اللي انت بتعمله ليَّ هافضل دايماً مديون ليك
غافر إثمي ورافع راسي وساتر عاري بدم يسوع
(مهما راح أشكر كل حياتي كل حياتي قليلة عليك)2

القرار- أنا مش ممكن أبداً ابطل أقدم ليك الشكر يارب
ده أنا من كُتر مراحمك ليَّ بقى شكري فايض م القلب

2- فيه عطايا يارب بتترد لكن عطاياك دي الإحسان
لا بتترد ولا يكفيها ولا يوفيها عمل إنسان
ومافيش واحد مهما يكون يقدر يدي اللي بتديه
(ياللي غامرنا بجودك أنت في شكرك يعجز كل لسان)2
3- باشكر في المُرة والحلوة وباقبل بيك كل الأحوال
ولا عمري في يوم هانكر فضلك مهما إن عشت وعمري ده طال
ما أنت راعيَّ ومش بتسيبني ولا بتعوزني يارب لشئ
(ليك أنا باهدي سجودي وحمدي ده أنا مش لاقي كلام يتقال)2

القرار
(أنا أصل أبويا الرب الغالي العالي وملك الكون
أطيب آب وأعظم راعي وأكبر قلب حنون)2
(وياه مش بارهَب يوم من شيء
ما هو رب واب وأوفى صديق
وأنا جنبه دموعي مابتزورنيش
ولا يوم الخوف يعرف لي طريق)2

1- أنا لابس ثوب الهنا والعز
وجوه قصور الفرحة باعيش
وخطاوي الحزن بعيد عن دربي
وكل سهامه مابِتصبنيش
(ومستحيل ومستحيل تقدر شباك
الوهم تصطاد خطوتي
ولا حاجة يوم تقدر تموِّت
فيه نصري وفرحتي)2
ده أنا ابن الملك
2- لو كل جيوش الشر اتحدت و اتحدتني ماتِهزمنيش
ده أنا عنواني في حضن أبويا وفي إيده اللي مابتسبنيش
(ومستحيل وانا جوة حضن الرب ساكن أتجرح
ده أنا عمري كله ده أنا عمري كله
صبح حياة متشبَّعة بهجة وفرح)2
ما أنا ابن الملك

1- (علشان بَحبك مستحيل الدنيا تسود
في عيني ولأن حبك هو بلسم كل جرح يبقى في
سلمت ليك يا إلهي أيامي اللي جاية
أنا مش هَلاقي غيرك أنت يخاف عليَّ)2
القرار- (يا يسوع محتاج لك ويايا حوالي وجنبي
وجوايَ ترشدني ورأيك يهديني
وفي ليلي تنور دنيايا)2
2- (علشان بحبك أنا عايز أقضي العمر كله معاك
يا ربي علمني حبك كل ما بضعف بَفتكر إن أنت جنبي
خليني ليك يا فادي وأملك كل قلبي
وإحفظني من ضعفي وميولي ونقص حبي)2
3- (علشان بحبك كل مرة بعدت عنك جيت بندمي
ولقيت في حبك شيء غريب وعجيب بينزع مني ألمي
يأرب حبك هو تاج راسي وعلمي
عزايا أنت بيك رجايا وأنت أملي)2

يارب يا عالي يا شايفني يا كاشفني
بعادي كابوس مخوفني
وقلبي الحجري يا يسوع دق
وجاي بصِدق باقول محتاجلك اسعفني
بعيد عنك أنا ف غربة حياة صعبة
بدونك فرحتي كدبة
تعبت وصبري يا يسوع مَلّ
لقاك الحل (معاك تتغير الحسبه)2
كل حاجه باقيه فيَّ بتنايك
فُك قيدي وشد أيدي وهاتني ليك
عوّض سنين ضاعت هدر طمني نسيني الخطر
أنا روحي ضايعه ومش هاترجع إلا بيك
قيود إبليس مَلِت يدي وأنا لوحدي
تملّي دموعي فوق خدي
حاولت كتير أقوم وأتفك
ومن غير شك فشلت لأنه ما بيدي
وجودك جنبي يسندني
توّبني مستني كلمة تنجدني
غرقان وعايزك تبقى لي بر
وأكون لك حر (ده وعد ليَّ تشددني)2
كل حاجة باقية فيَّ بتناديك
فُك قيدي وشِد إيدي وهاتني ليك
ونجي نفسي من الغرق
رجع طموحي اللي أتسرق
يا إله بتخلق من عدم إحييني بيك

1- (من وسط جدران السنين بصرخ
بصوت قلبي الحزين بنده عليك
أنا جاي ليك مليان جراح ندمان
على عمري اللي راح رجعني ليك)2
القرار- (مد إيديك يا فادي قومني وأنهضني
في شيء أقوى مني عنك بيبعدني)2
2- (في البعد عنك شباب الفرحة شاب وتاه الحلم عني
وأنا بره حضنك طعم الراحة غاب وضاع أنساني مني)2
3- (من يوم ما سيبتك عشت كتير بسأل راحت فين الحرية
فين الراحة فين البسمة فين الفرحة الحقيقة)2
القرار - مد إيديك يا فادي قومني
وأنهضني في شئ أقوى مني عنك بيبعدني
مد إيديك يا فادي قومني وأنهضني
جنبك هالأقي اللي فاتني قربك هايسعدني

القرار
(صعب عليا أبعد عنك وإنت يارب النور لعيني
صعب عليا أهجر حضنك بعد ما شالني ورحب بيَّ)2
1-(بعد ما عشت معاك أفراحي بعد ما طابت كل جراحي)2
بقي معقولة أسيبك تاني وأفرط تاني في إيد سنداني وماسكه أيديا
ده صعب عليا
2- (مين يلاقي الهنا ويعود ليلل الضنا مين يقبل يكون عايش أسير
مين يبيع الفرح ويقول أروح أتجرح أنا فيه ضامن سلامي وكل الخير)2
ماقدرش أعيش أيامي ماقدرش أطول أحلامي
ولا عمري هلاقي سلامي غير وانا بين حضن أيديك
نصرتي وحدك وسنيدي جنبي في فرحي وتنهيدي
أنا سيبت في إيديك أيدي وهاعيش أنا خدام ليك
ده صعب عليا