إميل يوسف (33 ترنيمة )

1- (قلبك كله محبة يارب و انت الفرحة في كل زمان
انت الراعي وانت الأب وأمل كل تعيس يأسان)2

القرار
انت عظيم وقدير حبك حب كبير نيرك هين
ما انت حنين مش ممكن تتغيَّر يوم
اسمك ربي عجيب وحدك أقوى طبيب تشفى
بكلمة وتحيي الميت وتفرَّح قلبي المهموم

2- (من غيرك بتراب الأرض يقدر يخلق عين لِضرير
ويرجع لنهارُه الضي بعد ما عاش للضَلمة أسير)2
3- (لو يوم هان الضنى ع الأم لو نسيتوا انت ماتنساش
حضنك انت كبير بيضُم قلبك طيب مابِتقساش)2

1- اتعودت يا ربي في تعبي أجي أشكي لك م الأيام
وارمي قصادك كل متاعبي وأرجع وأنا مليان بسلام

القرار- عمري يا ربي في يوم ما ناديتك ولقيتك مشغول وبعيد
ولا رجعت زي ما جيت لك دايمًا بترجعني سعيد

2- لما حمولي تزيد على كتفي وأما تبكيني الأحزان
ألجأ ليك تبدد ضعفي تمسح دمعي تدي أمان

3- حبك لي كبير ومكفي ولغير شخصك مش محتاج
أنا بين أحضانك متدفي وأنت إيديك حوالي سياج

1- مش صدفه إن أنتِ معايا أصل ده رباط تعويض
أصل ده تتميم مواعيد ترتيب رباني لينا
الوحدة بقى لها نهاية بعد صلاة وصوم وسنين
الرب بعتلي معين دي وعود الرب أمينة

القرار- أنا باشكر ألف مرة على اختيار الرب ليَّ
دي قيمتك عندي تفوق كل اللآلئ والجواهر
أنا باشكر ألف مرة الرب وباعاهدك بحبي
وباصلي بيتنا يبقى منور دايماً بيسوع وطاهر

2- اللي مجمعنا الليلة ونده للفرح يعود
حاضر بينّا وموجود وإيديه ماسكة بإيدينا
أيامنا الجاية جميلة وبعيده عن الأحزان
بيسوع هانعيش ف أمان ما هو مالي الدنيا علينا
3- كل اللي الرب جمعهم ما تفرقهمش الناس
وأنا وأنتِ بقينا خلاص واحد ويسوع تانينا
واللي يسوع يبقى وسطهم بيعيشوا ف خير مضمون
وأنا باطلب منه يكون ساكن في البيت قبلينا

1- بكلامك عصبت عينيَّ وربطته علامة على إيديَّ
علشان مابقاش يوم من الأيام عايش ناسي حقوقك فيَّ
القرار - وهنام وهاقوم وأنا مش ناسي إنك سيدي وتاج فوق رأسي
ليك روحي وقلبي وليك حبي ليك أجمل حتة في إحساسي
هاتكون مالك كل حياتي هاتكون أول اهتماماتي
عنك هاتكلم وهارنم وبسيرتك هابدأ حكاياتي
2- مش رايح من غيرك مطرح من غيرك أصلا مش هافرح
أنا هامشي معاك وهلاقي نجاح
من غير ما أحسب وأجمع وأطرح
3-هاحلم على قدك مش قدي ومعاك هادخل أي تحدي
والناس هاتشوف بعينها آيات والبحر هايتشق وأعدي

1-حياتي معاك رضيت بيها يا رب بكل ما فيها
وقابل كل شيء وياك وعزة نفسي هارميها
ولو فيه حد كان جارح زمان خالص أو أمبارح
بكل بساطة أنا مسامح وعادي خلاص هاعديها
القرار- هاقدر أغفر وأقدر أنسى ولسه فيك هاقدر أحب
هو جرحي جنب جرحك يجي إيه؟
دهإنتموت مش أتجرحت عشاني أنا الخاطي يا رب
إنتحبيتني ما أحبش غيري ليه؟
2- ساعات بيكون بإمكاني أرجع حقي في ثواني
لكن لو جيبته أنا لنفسي كأني باضيعهتاني
أنا سايبكتصنهولي ولو ضايعتجيبهولي
معاك ماألجأش لحلولي وأنا عارفك بترعاني
3-هاغير كل حساباتي وهاصلب كبرياء ذاتي
وأعيش مشفي معاك وهاكونباشوف بعينيّ غلطاتي
ومش هاجرح في يوم أنسان بكلمة تعبت منها زمان
عشان ماأبقاش في يوم ندمان وأخليك راضي بحياتي

1- (من غير كُسوف هاجي و أفضفض باللي جوايا وأبوح
من غير كُسوف هاحكْي اللي بكَّاني وخنق فيَّ الطموح)2

القرار – (يارب فيك راحة التعابى انت الدليل وانت الإجابة)2
بلسم القلب العليل في الحيرة والليل الطويل
بتضُم وانت ضمِّتك بتهوِّن الحمل التقيل
يسوع يضُمّ وضمِّته بتهوِّن الحمل التقيل

2- (جاي بالقيود مشِّيني مفكوك منها بس اربُطني بيك
جاي بالقيود ومصدّق إن شفايا ودوايا ف إيديك)2
3- (عيني عليك لما الآمال اتبعترت وسط الطريق
عيني عليك وحلمي اللي صدّا معاك هايرجَع له البريق)2
4- (مش مُستحيل اللي اتسلب يرجع لي و بأضعاف يعود
مش مُستحيل علشان ده وعدك وانت صادق في الوعود)2
5- (معاك وبس هايرُوح ظلامي وينجلي و ييجي النهار
معاك وبس بعد النواح تسبيح و فرحة وانتصار)2

أيام م العمر عدوا كتار قوي لو يتعدوا
مية واحد خالف وعدة وإنت كنت الأمين
راعيتني بطول حياتي كنت يوماتي وليلاتي
جنبي في فرحي وضيقاتي كنت تملي المعين
ولا مرة نسيتني لا لا ولا هاتسيبني استحالة
ويايَّ في كل حالة تشهد عنك سنين
علشان كده ليك سنيني ليك شوقي وليك حنيني
ولو كنت أطول تجيني ترضي في قلبي تعيش
أنا ماشي وراك راضي وما دام هاتكون قصادي
مهما هايحل ده عادي عاديمايهمنيش

1- عادي مش مستغرب م اللي بيحصل
أصل كلام الناس لا هايخلَص
ولا من ورا ضَهري ولا قصادي
وعادي مهما الناس هايجِيبوا في
سيرتي مهما كلامهم شوّه صورتي
هاتعوُد وتجمّلني يا فادي

القرار
أنا مش هانسى إن انت معايا
مهما يقولوا إن انت بعيد
باعلِن إنك هنا ويايا وإني
لا يمكن يوم هابقى وحيد
مهما كلامهم جرح فيا
مش هاينقَّص حبك ليا
حتى لو أنهار شيء جوايا
تبنيه من أول وجديد

2- أنا كان بيصعب عليا منهم ناديتني
وفهمتني اديت وداني
لحكمتك نورتني وعرَّفتني
إن اللي عينه على البشر مايستناش
رقة مشاعر في الخطر مابتتلاقاشْ
وماينتظِرش إن القلوب تخلِص أوي
يعني عادي في أي يوم يتباع ببلاش

3- الدرس كان مؤلم وصعب لكن قدرت أتعلمه
وفي كل يوم باكبر معاه في شيء جديد أنا بفهمه
هاخد الحجارة اللي اترجم بيها
وهاقوم وهبني منها سور هايعلى كل يوم
مافيش حجارة تهِد سور وتحطمه
هَاتحامى فيه وايديك تحوش عني الهموم

4- أنا من هنا ورايح هاكون قد المتاعب كلها
وإن كان ثمن عيشتي في رضاه حبة جراح أحبها
هارمي اللي فاتني واعدي مش فاكر زمان
بطّلت أدوَّر في الدفاتر على اللي كان
باطلِق سراح فرح اللي بإيديا أتسجن
أحزاني أخدت وقتها واكتر كمان

1- (كنت بالوم الخطاة دلوقتي أنا زيهم
باقول اللي يقولوه وأمارس فعلهم)2
وبابان كملاك قدامهم وباحاول أكون أحسنهم
ما أنا خايف ياخدوا بالهمإني أوحش منهم
أوحش علشان عاشرتك والمفروض إني عارف
أنا كده باجرحك ما انا كنت ف يوم عاهدتك
أبقالك طول ما أنا عايش وحياتي تفرحك

القرار- يا يسوع أرجوك ساعدني أنا يوم ورا يوم باقاسي
مكسوف وموطي راسي رجعني زي زمان
حوش كل شيء باعدني وانا أهو خدني لمكاني
أخفيني وسود كياني وفي صوتي وصورتي بان

2- (أنا كنت ملح ونور دلوقتي أنا بانطفي
وفسد ملحي وخلاص تأثيري بيختفي)2
مش نافع أبقى سفيرك وإزاي هانفع من غيرك
أنا جاي طالب تحريرك ألمسني وأنا هاتشفي
هاتشفي من فتوري من كسلي ومن التهاون
من الضعف ومن الصدأ وهيرجع ليَّ نوري
طول ما أنت فيَّ ساكن وهاشوف ليلي أنقضى