أسامة حلمى (12 ترنيمة )

احنا الأجران الأجران الستة قلبنا فرحان مش بعروسة وتورتة
(لو عايز تعرف حكايتنا وفرحنا منين
افتح انجيلك تلاقينا في يوحنا أتنين)2
وفي قانا الجليل نتقابل احنا الاتنين
1- (لو شوفتوا يسوع أول واحد زارنا
في فرح ودموع قال نسأل عن جارنا)2
(لو شوفتوه قاعد و فرحنا بقى بكل وقار
مش زي العالم أفراحنا لخبطة وهزار)2
ده روح الله خلّى فرحنا أحد الأسرار
2- (لو شوفتوا يسوع كان قاعد مع مامته
هي بخشوع تترجالنا معونته)2
(دي العدرا قلبها حنين كله إحساس
وإلهنا بيقبَل شفاعتها عن كل الناس)2
مين ينكر شفاعتها ولينا في انجيلنا أساس
3- (لو شوفتوا يسوع في أول معجزاته
تسجدوا بخشوع ده هو الله بذاته)2
(لو شوفتوه باصص للميَّه جوه الأجران
و بيخلَق منها عصير كرمة تهتفوا بإيمان)2
(ده يسوع هو الله الظاهر في جسد إنسان)2

القرار- جوه المزود تلقى سلام وفرح كامل يملى القلب
جوه المذود تلقى النور شق ظلام الليل الصعب
جوه المذود صوت أجراس صوت بيعزي في محنة وكرب
يعلن بشرى لكل الناس الكلمة أتجسد بالحب
1- جوه المذود تلقى مجوس سابوا بلدهم ومسافرين
بالنجم طريقهم محروس من هيرودس ومش خايفين
وصلوا لملكهم في أمان وقلوبهم مليانة إيمان
دخلوا وسجدوا للمولود في المذود ليهم وجود
2- جوه المذود راعي صبر طول الليل يحمي الخرفان
جاله ملاك الرب ظهر بشر قلبه وصار فرحان
خد غنامته وراح ملهوف على بيت لحم بعينه يشوف
أجمل طفل حمل مولود جوه المزود كان موجود
3- جوه المزود شيخ نجار كان لمريم راعي أمين
كان بيرحب بالزوار اللي بهداياهم داخلين
ساب خشباته والمنشار ونسي شاكوشه والمسمار
راح وقعد جنب المولود جوه المزود كان موجود
4- جوه المزود تلقى الأم عدرا تواضعها كان درس
للي بنفسه كتير يهتم للي بغيره مش بيحس
وسط برود الثلج وتبن مريم قاعدة وحاضنة الابن
أم بتُسجد للمولود اللي خلق كل الوجود
5- جوه المزود تلقى بتول تلقى مجوس راعي ونجار
منظر فيه الوصف يطول منظر خلى العقل أحتار
جوه المزود شمعة تقيد والملايكة بصوت مسموع
تعلن جوه المزود عيد
جوه المزود تلقى يسوع

1- كان طفل صغير قاعد يسمع ويا الناس
ويسوع بكلامه حرك فيه أجمل إحساس
قدم سمكاته كانت كل حاجاته
علشانك ربي قدم خبزه لكل الناس
القرار - وأنا نفسي ياربي أقدم كل حياتي في إيدك
ولا يشغل بالي وعمري وقلبي غير تمجيدك
من إيدك أنا باديك ده أنا كلي ملك إيديك
مديون لك ربي ودمك حررني بصليبك
2- كان طفل صغير أمه تصلي وتتمناه
كان حلم وعاشت طول العمري بتستناه
لما صار ليها صموئيل الحلم حقيقة
لإلهها تقدم يخدم طول العمر معاه
3-كان طفل صغير بس ملك على راسه التاج
كان اسمه يوآش شاف بيت الله للبنا محتاج
أشتد حماسه ونادى في شعبه وناسه
إزاي نمنع عطايانا وبيت الله محتاج

1- بكلامه الحلو وصوته الهادي
كان نوح البار واقف بينادي
بيقول لكل الدنيا تعالوا
أحضان الله في الفلك تنادي
وبين العالم سد ودانه من طين
وعجين وسابوهفي مكانه
لو فكر لحظة كان يتعلم
إزاي الحيوانات سمعله
القرار - ما هو كل يوم جرس الكنيسة
يرن تن تنتنتن
ينده علينا تن تن تن تن تن
ده يسوع لحضنه داعيك
وفي بيته مستينك ويدق قلبك
تن تن تن تن تن
2- الفيل أتقلب قام من نومته
وفرك في عينيه ورفع زلومته
مش ممكن أخلي النوم يغلبني
دهأنا شوقي في قلبي لربي سابقني
والقرد أتشقلب على الشجراية
أتنين أتنين نطوا ويايا
مش عاوز أروح لإلهي لوحدي
غير كل صحابي ما يبقوا معايا
3- البلبل رنم والعصفورة والكروان
قال غنوة صغيورة
أنا قلبي في بيته أكيد مطمن
وحياتي معاه دايماً منصورة
والديب يدبدب ع التلجاية
ويقول للنحلة يلا معايا
ده كلامه الحلو في بيته يشبع
أحلى من الشهد كمان جوايا

قشة وقشة سابوا العشة راحوا لمزود مش مشهور)
بكوا وانكسروا لما افتكروا أبداً مش هايجيلهم دور)2
بس في ليلة جميلة عجيبة سابوا الضلمة وشافوا النور
شاف القش يسوع متجسد نونو في المزود محطوط)
قام واتنطط نام واتبطط علشان يبقى سرير مظبوط)2
فرش وعرش ومين كان يدري إن الفرح عليه هايدور
أصل يسوع دايماً بيدور على اللي حزين والناس ناسياه
واللي مفكر إنه مِكسر ومافيش أبداً فايدة معاه
يّجي بذاته يسوع في حياته تصبح غالية وحلوة معاه)2)

1-كان طفل صغير قاعد يسمع ويا الناس
ويسوع بكلامه حرك فيه أجمل إحساس
قدم سمكاته كانت كل حاجاته
علشانك ربي قدم خبزه لكل الناس
القرار - وأنا نفسي ياربي أقدم كل حياتي في إيدك
ولا يشغل بالي وعمري وقلبي غير تمجيدك
من إيدك أنا باديك ده أنا كلي ملك إيديك
مديون لك ربي ودمك حررني بصليبك
2- كان طفل صغير أمه تصلي وتتمناه
كان حلم وعاشت طول العمري بتستناه
لما صار ليها صموئيل الحلم حقيقة
لإلهها تقدم يخدم طول العمر معاه
3-كان طفل صغير بس ملك على راسه التاج
كان اسمه يوآش شاف بيت الله للبنا محتاج
أشتد حماسه ونادى في شعبه وناسه
إزاي نمنع عطايانا وبيت الله محتاج

خشب في خشب مصنوع وعليه أحلى الرسومات
وده مش حجاب موضوع ده حامل الأيقونة
الباب الملوكي العظيم في الوسط ما بين بابين
ووراه فيه ستر جميل وعلى الجنبين طاقتين
ربي يسوع الحنان على اليمين تلقاه
ويوحنا المعمدان وشفيع كنيستنا معاه
أم عمانوئيل مريم على الشمال وبشارة
والملاك ميخائيل ومارمرقس ده مثال
من فوق صور التلاميذ والعشاء الرباني
وفوقهم الصليب ومريم والرائي
قدام الصورة قنديل سراج منير وجميل
أعلام القديسين دول لينا مثال ودليل
ياحامل الأيقونة يا جميل جوه كنسيتي
بشوف فيك السموات وأشتاق ليها بقلبي

تك تك تك ده الوقت بيجري ساعة بساعة بتخلص بدري
والأيام بتفوت وتعدي والسنوات بتفوت
كل دقيقة عمرك فيها مابيرجعش في خطوة مشيها
غالية حياتك ليه بترميها وتندم لما تفوت
تك تك تك ساعتك زعلانة لفت كام ساعة وتعبانة
وأنت لا صلوه ولا شغلانه وفي كسلك مربوط
شوف شوف ده كتابك بينادي تاني تأجل ليه المرة دي
وقتك ليه ضايع ع الفاضي ولا في رفوف محطوط
دوم دوم دوم قلبك بينادي ليه تأجل توبة الغلطة دي
ده الباب مفتوح اللحظة دي توب لا الفرصة تفوت
تن تن تن ده جرس وتملي وقته تسبيح أو بيصلي
ده اللي يسوع في حياته تملي يوصل للملكوت
شق شق شق نوورالصبحيه صاحية الشمس من الفجريه
عارفه إن الوقت عطية ليها حساب مضبوط
يا اللي بتهمل وقتك فاكر إن العمر ده ملهوش أخر
أعمل زي الابن الشاطر قووم لا الوقت يفوت
قووم لا الوقت يفوووت

ربي يسوع من ضلمة قبره قام وقيامته قوية قوية
بعد آلام الصلب وقبره فرَّح بقيامته البشرية
(قام وبقوة وبكدة هو)2
(فرَّح بقيامته البشرية)2
كل حزين زعلان على موته بعد قيامته صبح فرحان
مريم والتلاميذ من صوته سمعوا كلامه شافوه بعيان
(قام وبقوة ورسم هو)2
(ضحكة على وش الزعلان)2
مامنَعهوش من القبر ظلامُه ولا تربيطة الأكفان
ولا حراس واقفين قدامه ولا باب للقبر وأختام
(قام وبقوة وعليه هو)2
(عمر ما كان للموت سلطان)2
حتى كنيستي بعد ما تبكي ويكسيها الأسود أسبوع
ترجع تاني تقولي وتحكي بعد ما قام م القبر يسوع
(قام وبقوة ومسح هو)2
(من على خدي كل دموع)2

1- زي طفل جميل وصغير قاعد يسمع لك يا يسوع
قدم خبزاته وسمكاته لما جاعت الجموع
أصل حبك جوه في قلبه خلاه يمشي وراك ما يجوع
نفسي كمان أنا كل حياتي اتبع خطواتك يا يسوع
2- زكا قصيَّر خالص خالص كان نفسه يشوفك يا يسوع
فكَّر يطلع فوق الشجرة نط بسرعة على الفروع
أصل حبك جوه في قلبه خلاه دايماً بيك مرفوع
نفسي كمان أنا كل حياتي اتبع خطواتك يا يسوع
3- متَّى في شغله مشغول جداً يضرب يقسم في المجموع
نظرة عينك خطفت قلبه قام وياك على طول يا يسوع
أصل حبك جوه في قلبه صوتك جواه كان مسموع
نفسي كمان أنا كل حياتي اتبع خطواتك يا يسوع