عبد المسيح صادق (19 ترنيمة )

1-(الأيد ممدودة ليك والعين دايمًا عليك)2
وكتافي بتحملك وعنايتي بتشملك وأمر بكره يراعيك
القرار – (وهاسيب لك الاختيار تدخل حضني براح
يا تتوه بين القفار بين دمع وبين جراح)2
2-(ليه هربان في السفن ليه حلمك يندفن)2
هأمر بحرك يجيلك وأمر موتك يسيبك وتدوس قبر وكفن
3-(إن كان ع الحمل أشيله وإن كان ع السد أزيله)2
وأجيبك حر ليَّ قلبك ينده عليَّ لو حتى فين هاجي لك

1-(هنروح وإن طالت بينا المسافات
هنروح وإن زادت نار الحروبات
هنروح وهندخل سما السماوات)2
القرار- (ونقابل حبيب الروح
ونقبل كل الجروح)2
(كل الأحزان هتروح وننسى كل الألمات)2هنروح
2-(هنروح مالناش هنا في الأرض مكان
هنروح ونشوف الفادي الحنّان
هنروح نستوطن وطن الأوطان)
3-(هنروح واللي تعِب في السما يرتاح
هنروح ونشاهد صاحب الجراح
هنروح وأنا قاصده وماشي سوّاح)2

القرار – (اسمعني لمرة تانية أنا راجع يا يسوع
وبتوبة قلبي جاي لك وأكيد مافيش رجوع)2
1- (وسنين عدت عليَّ ونسيت إن أنا ليك
والعالم في بحوره خدني راجع مشتاق إليك)2
2- (أنا باعترف إني بِعتك يا يسوع بتمن رخيص
سامحني يارب كُلي أنا أسير إبليس)2
3- (أنا باندم على اللي فات وسنين عمري اللي ضاعت
وحياتي في بعدي عنك حقيقي ياربي تاهت)2
4- (أنا قبلك كنت تايه ولقيت راحتي في لُقاك
من الوقت الجاي هاعيش لك وهاطير حر في سماك)2

1-(باشعر براحة لما باجي لك وأحس إني عايش في أمان)2
(تعلن وجودك ويا جودك يخلي قلبي يحس الحنان)2
يخلي قلبي يحس الحنان يخلي قلبي يحس الحنان
القرار – (ربي باجي لك بكل ظروفي بارمي همومي عند الصليب)2
(وألقى نجاتي وراحة حياتي لما باجي لك بروح الخضوع)2
2-(شعرت إنك مش ناسيني كنت معايا خلف القضبان)2
(مديت لي أيدك في وقت احتياجي وكنت ليَّ راعي لحياتي)2
كنت ليَّ راعي لحياتي كنت ليَّ راعي لحياتي
3-(شعور حقيقي مش كلام لأنك أنت رب السلام)2
(حميت حياتي من كل آلام واديتني قوة في الضعف كمان)2
واديتني قوة في الضعف كمان اديتني قوة في الضعف كمان

1- (جايلك وبكل ذنوبي نفسي أتغير يا يسوع
تستر لي كل عيوبي تمسح من عيني الدموع)2

القرار – (راجع من تاني ياربي من بعد عذاب ومرار
تُهت في وادي أحزاني راجع دلوقتي اختار)2
راجع دلوقتي اختار

2- (راجع وفي قلبي شوق تعبت من الحِرمان
شيل عني كل أحمالي جاي أرتمي في الأحضان)2
3- (راجع وفي قلبي إيمان تغيّر كل ما فيَّ
تديني قلب جديد يخدم اسمك يا فاديَّ)2

القرار- (ليك خطة وترتيب في حياتي ليك خطة وترتيب
ضامن فيك العمر الآتي ضامن فيك كل المواعيد)2
1-(نعمتك سبقت رجوعي قبل وجودي من التكوين
بالحنان أشبعت جوعي مابقيتش من المحتاجين)2
2-(خطتك كانت لنجاتي من دينونة وموت أكيد
كان عليَّ الحكم آتي والعقاب كان لي شديد)2
3-(رحمتك رفعت لي راسي عوضت لي عن السنين
نَجيتني علّت إحساسي علمتني أكون أمين)2
4-(كِلمتك رسمت جوايا أحلى صورة لأحلى سيد
وأبتدي منين الحكاية حبك يوم ورا يوم بيزيد)2

1- (أنا قلبي اللي عشانك اتحمل كتير
داق العذاب بدالك وخدت انت التبرير)2

القرار – (وانت ولا سامع ندايا وانت ولا قابل دعايا)2
(رافض و بقساوة وحياتك في الضياع)2

2- (بُص يا بني لجروحي وسيبك من القََسيّة
على الصليب بدالك شِلت أنا القضية)2
3- (كم مرة كنت بتسمع وترفض حبي ليك؟
تعالَ قلبي مشتاقلك مستني ترجع إليه)2

القرار – (باهديلك المجد يا ربي و بتسبيحك هاملا الكون
باعلن فرْحي وباعلن حبي وباقولّك أنا ليك مديون)2

1- (باهتف من جوايا وأرنم وأعلن حقك حق أكيد
وبكل الحب أنا هاتكلم راحة قلبي معاك هاتزيد)2
2-(هارفع راية حبك عالية فوق جبالي و مرتفعاتي
عندك ربي نفسي غالية رغم ضعفي وجهل حياتي)2
3-(هاسمع صوتك واعلن اسمك فوق أراضي عنك بعيدة
عايزك تيجي بكل مجدك تيجي تنور أرض جديدة)2