مجموعة أسندني (39 ترنيمة )

١- تقدر توصل لي في ضعفي
وتعوض عن كل ما فات
تعضدني وأنا ساقط محني
ترفع تحيي بعد ممات

القرار- تقدر مانت قدير مين زيك
تحيي الموتى وليك سلطان

٢-وتحرر من قيد طال أسره
وترجع عصفور كان تاه
يرجع لمكانه ولعشه
وإنت مكانه وإنت شفاه

٣- تقدر تخلق خير من شري
وتحول لعنة لبركات
مين يمنع فيض لما بتدي
قلبك مليان لينا هبات

٤- تقدر تحسم وقت طويل
عدى على وأنا في صراع
تشرف رغم ظلام الليل
وتغير كل الأوضاع

١- (قَرَّب لِنا مِشوارنا طَويل
خُد بِإيدينا وامشي مَعانا
ماتسيبناش وَحدِنا جاي ليل
مِن فَضلَك خَلِّيك وَيَّانا)٢

القرار- كَلِّمنا بِكَلام مِن عَندَك
صوتَك يلهِب قَلبِنا فينا
اتكَلِّم واكشِف عَن قَلبَك
نَوَّر لِنا ذِهنِنا وعينينا
كَلِّمنا بِأُمور عَن صَلبَك
كَلِّمنا أكتَر عَن حُبَّك
واعلِن لِنا بِالرُّوح عَن مَجدَك
(كَلِّمنا عَنَّك يا فادينا)٢

٢- (فَهِّمنا ده إيماننا قَليل
مين غيرَك يمسِك بِإيدينا
فيه عُبوسَة والفِكر عَليل
وعِلاجنا صوتَك يداوينا)٢

٣- (اسنِدنا دا القَلب بَليد
حاجتُه يآمِن بيك ويتوب
شَجَّعنا دا الخوف بيزيد
قَوِّي إيماننا بِالمَكتوب)٢

٤- (فَرَّحنا بِإعلان ودَليل
إنَّك أنتَ بِشَخصَك بيننا
أصل حُضورَك ما لُه مَثيل
مِن فَضل جَلالَك عَلِّمنا)٢١

١- (ياللِّي حاسِس بِالمَشاعِر جايّ ليك تِرأف بِحالتي
جايّ أحكي لَك واقول عَ المِستِخَبِّي)٢
كُل كِلمَة وأيّ حاجَة راح أقولها وبصَراحَة
لَمَّا أقول لَك مِش سَذاجَة ما إنت اللِّي بتِدِّي راحَة

القرار- (ما إنت قادِر تِحتِويني ولا تِفضَح مَرَّة سيرتي
لَو لِغيرَك بُحت بيها مِش بِعيد تِتهَزّ صورتي
هاجي مِطَّمِّن وواثِق مِش هاتِنقَص لَحظَة قيمتي
باكشِف القَلب وعُيوبي واعلِن النَّقص في طَبيعتي)٢

٢- (رَبِّي عَطفَك ده وحَنانَك يرفَع المَحني ويائِس
واللِّي مِش قادِر يقول لا النَّاس تِعاتبُه)٢
واللِّي مِش قادِر يكَمِّل حَتَّى خَطوَة واحدَة تاني
واللِّي كان عَشمان مِأمِّل والسَّراب طار بِالأماني

(واللِّي نَفسُه ما عاد شي طايق يجي ويقول الحِكايَة
ياللِّي بِتمَيِّل وتِسمَع ولا مَرَّة تقول كِفايَة
والسَّاعات تِصبَح دَقايق وإنت مِستَنِّي مَعايا
حِضنَك المَفتوح بيوسَع والإيدين تِمسَح بُكايا)٢