مرنم ماهر فايز (312 ترنيمة )

1- (انت اللحن اللي باغنيه.. هايم في كلامه ومعانيه
نبضه في قلبي وعايش بيه.. هافضل عمري الجاي أحكيه)2
(انت غُنايَ وسر غِنايَ.. والتسبيح اللي أهتف بيه
شهوة قلبي وقلب سمايا.. لذة عمري وعمري ده فيه)2

القرار- (لحن الالحان.. اسمك يا يسوع
نغم الأنغام.. حبك يا يسوع)2

2- (رحلة حُبه تاخدني إليه.. وفي ترحالي شاخص ليه
عطش الروح بينادي عليه.. ساكن فيَّ وساكن فيه)2
(أنسى مكاني وأنسى زماني.. وأنسى الكل وأفكر فيه
واسمع صوته بيملا كياني.. ده اللحن اللي أنا عايش ليه)2

القرار- (مع كل طلعة حق في يوم.. والآية بتشقشق راح أقوم)2
وأقول ليأسي لأ اليوم.. اكيد هاكون واحد تاني

1- (إلهي قادر يحييني.. ويعديني من الموت بأمان
ويشفي نفسي ويرفعني.. ويشجعني و أرجع فرحان)2
2- (إلهي قادر يغسلني.. ويحررني وأنا صارخ ليه
ولأنه أب هايرحمني.. وهايقبلني وأنا راجع ليه)2
3- (إلهي قادر يحملني.. ويكمّلني وأنا واثق فيه
ضماني كله إني في ضلّه وهافضل أقوله اتكالي عليه)2

قدوسٌ قدوسٌ قدوسٌ رب الجنود
رب الجنود مجده ملء كل الأرض
مجده ملء كل الأرض قدوسٌ ملك الملوك
قدوسٌ رب الأرباب قدوسٌ الرب يسوع
نسجد لاسمه القدوس
قدوسٌ قدوسٌ قدوسٌ لم يعرف الخطية
لم يفعل الخطية ليس فيه خطية
لكنه أحب الخطاة صار خطيةً لأجلنا
لنصير برَّ الله فيه هو الذي وُلد من العذراء
هو الذي مات على الصليب قام وصعد إلى السماء
وأيضاً يأتي عن قريب

القرار
مالناش غيرك انت إلهنا الحي بنترجاه
جايين ناحية قلبك بابا الكل امنحنا صلاة

1- رافعين قلوبنا إليك يا فاتح لنا باب الرحمة
ندخل نقبِّل إيديك الممدودة لنا بحياة

2- يا أبانا يا متكلنا مين غيرك انت يحن؟
ومين يجدد آمالنا لحياة في ملء الرضا؟

3- انت الإله اللي قلت لن يخزى منتظريك
منتظرة نفسي ورجوت بالحمد لك والدعاء

4- يا إلهنا حرر وحل من كل رُبُط الخطية
وامسك إيدين اللي ذل ولا تنساش اللي تاه

5- يا أبانا توبنا ليك وفيض علينا بنعمة
تخلّي شوقنا إليك يليق بحب الإله

6- عدِّي وزور اللي مَل أو كَل تحت المرض
واشفي المطروح وكل من صدق إنك شفاه

7- عزّي المحزون وزيد مخزون الفرح له
ده مافيش غيرك يعيد البسمة فوق الشفاه

كل سنة وإنت الطيّب
والطيبة اللي إحنا بيها طيبين
وكل سنة وإنت الخيّر
والخير اللي إحنا منه شبعانين
كل سنة وإنت الضامن والآمن
طول ما إحنا فيها متغربين
كل سنة وإنت السعادة
والعبادة ليك يا أمين
يا صاحب السنين كلها
والتاريخ ده قصتك
والبدايات إنت رسمتها
والنهايات دي ف ديرتك
كل سنة وإنت الطيب
والطيبة اللي إحنا بيها طيبين
وكل سنة وإنت الخير
والخير اللي إحنا منه شبعانين
وكل سنة وإنت الضامن والأمن
طول ما إحنا فيها متغربين

كيف كيف أعنت من لا قوة له
وخلصت ذراعاً ذراعاً لا عزة لها كيف

القرار – يا بو قلب طيب يا غني بالرحمة جيت كللتني
ومسحت دموعي وما اكتفيت.. بكيت معي)٢)

١- (منحتني حياة ورحمة حَفظت عنايتك روحي ليك
لمستني بكل نعمة شددت فيَّ الباقي ليك)٢
٢- (حملتني وحمّلت عمري بالخير وياما احتملتني
شهد ماضيَّ إنك راعيَّ وعبرت بيَّ على منكبيك)٢
٣- (نصرتني وقت انكساري وقت انهياري انتشلتني
مديون لك إنت ليلي ونهاري أفضل أغني بالحُب ليك)٢
٤- (في كل ضيقي اتضايقت ليَّ أنيت معايا وشاركتني
اتعلقت بيَّ وأنا في الأسية شديت إيديَّ خبيتني فيك)٢

1-(جاي بذبيحة حمد باقدمها بقلبي الفرحان
جايب لحن في ايدي وكلمة باقدمها بإيمان)2
(جاي وباقدم ليك من اللي في ايدك ليك)2
(يا وطن الإنسان يا وطن الإنسان)2

القرار-(علمني أقدم ليك تسبيح يرفعني إليك)2
(وأكون كذبيحة حمد أنا بين إيديك)2

2-(ياللي اديتني حياتك حب أنا باهدي حياتي إليك
حبك ساكن جوه القلب وقلبي ساكن في ايديك)2
(قلبي يغني أكيد طول ما الحب يزيد)2
(ويزيد الإيمان يا وطن الإنسان)2
3-(اسمك أحلى أسامي الدنيا و أحلى أسامي الكون
مجداً لاسم يسوعنا الغالي وللجنب المطعون)2
(شمس الأرض تغيب والنور يبقى صليب)2
(راية الحق تبان يا وطن الإنسان)2
4-(ملك المجد واسمك عالي وفي ايديك السلطان
أمم الأرض وكل شعوبها وكل ملوكها كمان)2
(بكرة هاتسجد ليك تخضع تحت ايديك)2
(يا صاحب السلطان يا وطن الإنسان)2

1- (قلبي أسير نعمتك.. وعملها في قلب حياتي
ده أنا مديون لرحمتك.. من بداياتي لنهاياتي)2
جبتني من المزابل.. وصنعت لي اسم جديد
وكنت راجع وقابل.. تقبلني ضمن العبيد
(قلبي أسير.. قلبي أسير.. قلبي أسير نعمتك)2
2-(قلبي رهين كلمتك.. وجّهني منين ما تريد
ده أنا مشتاق في سكتك.. صوتك في حياتي يزيد)2
و أتحرك وأنا شايفك.. ببساطة عين عارفاك
واعيشلك وأنا خايفك.. بقداسة ناس عايزاك
(قلبي رهين.. قلبي رهين.. قلبي رهين كلمتك)2
3- (قلبي شهيد خدمتك.. وأضيّع فيها الغالي
أعلن اسمك وفديتك.. وصليبك وأنكر حالي)2
يد على المحراث.. و بالتانية بامسح دموعي
ناسي كل اللي فات.. وصوابعي لأجلك شموعي
(قلبي شهيد.. قلبي شهيد.. قلبي شهيد خدمتك)2
4-(قلبي مناه مجيتك.. ويكون في سراجي الزيت
مع حكيمات بيعتك.. كعذارى لازمنا البيت)2
سهري لاسمك باغني.. ونشيد يجُر نشيد
وفوق هايبقى التغنِّي.. بفرح أبدي ومجيد
(قلبي مناه.. قلبي مناه.. قلبي مناه مجيتك)2

1- أول من قام وهو الحيـــاة بصليبه داس على الموت ونهاه
2- تاني الأقانيم في ثالوث قدوس قـــام من الأموات لأنه القدوس
3- تلات أيام وتلات ليـــــــال وفي الفجر قام وتم اللي قـــــال
4- أربع أناجيل وشهود عيــــــان كرزوا في العالم بأنه قــــام
5- خمسة في مية دول خمسماية بعد القيامة كمان شافوه علانية
6- ستة مع بطرس رجعوا للصيد بعد القيـــامة جابهم بالإيـــد
7- سبعة أسابيع من القيــــــــامة وأرسل روحه يوم الخمسيــــن
8- ثامن زي نوح بعهده الجديــد دُفنا معاه وقمنا لحياة أبديــــة
9- تسع ثمـــــار روحه القدوس تشهد وتقول فينا الرب قـــــــام
10- عشر وصايا وأجر الخطيـة أكمل ودفع وببره قام وقومنــــا

1-(لو فرض والدنيا ضحكت والسعادة جت في يوم
والمرض والفقر غابوا وكان منابك أعلى كوم)2
(والحياة مابقيتش صعبة واختفت كلمة يا غربة)2
(اسمع اللي فصلها بعد ما شاف أصولها قالك إيه
ماتساويش ماتساويش والكل باطل ماتساويش
ماتساويش ده ثمنها بلاش تفاصل ماتساويش)2

2-(شمس من تحتيها لا منفعة ولا فيها ارتياح
حفنتين تعب الحياة كلها قبض الرياح)2
(خد لي جنبك خيمة يا أبويا إبراهيم يا غريب
نفسي أبعد عن سدوم حتى لو فيها القريب)2
(وأبني مذبح قلبي يفرح بالصلاة والترنيمات
روحي تسبح وألقى مطرح للسكن بعد الممات)2
و أنده اللي فاكرها جنة راجع الحسبة وتأنى
واسمع اللي فصلها بعد ما شاف أصولها قالك إيه
(ماتساويش ماتساويش والكل باطل ماتساويش
ماتساويش ده ثمنها بلاش تفاصل ماتساويش)2