مرنم ماهر فايز (312 ترنيمة )

القرار- (راجعين للمدينة والدمعة الحزينة
راح يمسحها بإيده الفادي الحنان)2

1- (وعد إلهي ده وعد أكيد يوم ما يجينا ده يوم العيد
فوق حوالين العرش نزيد في التهليل ويا التمجيد)2
(و نرنمها مع الألحان)2
2- (مالناش هنا في الأرض مكان رحلة غربة وليها زمان
هدف الرحلة إن الإيمان يبقى علينا وزادنا كمان)2
(نطوي الرحلة مع الألحان)2
3- (فوت يا زمان الصعب علينا زمن الملك أهو راجع لينا
مهما الأرض هاتطرح لينا عمر العالم ده ما يغرينا)2
(ولا يحنينا عليه إنسان)2
4- (يكفى تمني ويكفى أنين قرب يجي أكيد راجعين
شوق في القلب بقاله سنين وإحنا نقولها تعال أمين)2
(وإحنا نقولها تعال أمين)2

1- أنا ماشي ونورك قدامي .. وكلامك نوري في أيامي
إبليس إن كان يتحداني .. راح أدوسه بدم اللي فداني
القرار- أنا ماشي وحبك لي منار .. وصليبك عداني من النار
2- أنا ماشي مادام إنت معايا .. والهدف أهو واضح جوايا
في طريقي باراجع خطواتي .. وباتابع صوتك في حياتي
3- أنا ماشي ودايس على ألمي .. وصليبك فوقي صبح علمي
في طريقي أنا لازم أتألم .. توهبني آلامك أتعلم
4- أنا ماشي وصوتك عزاني .. من روحك يا يسوع إملاني
تسبيحك يعلى في مشواري .. وهتافك يحلالي في داري
5- أنا ماشي مسافر لنهاية .. وهاسيب العالم ده ورايا
اليوم الرايح مش راجع .. بشرية ومليانة مواجع

1- (ياللي حوّلت المرارة.. اللي في حياتي لترنيمات
حتى ضعفي و جهل قلبي.. مامنعش الإحسانات)2
(كل ثانية في عمري عدت.. لو هاتحكي تقول كتير
كل نبضة في قلبي غنّت.. بافتكرلك كل خير)2

القرار- (بافتكرلك بافتكرلك)2.. بافتكرلك كل خير

2- (احساناتك تاج و طوق.. على راسي وعلى قلبي
وجوهر التاج اللي فوق.. ده كله موت الصلب ربي)2
(ده اللي خلاني اجي ساجد.. و أحني رأسي وأقول صغير
بالصليب أنا صرت واجد.. في المسيح نعم المصير)2
3- (لولا مسكة إيدك إنت.. كنت أضيع ويا اللي ضاع
أنا مش أفضل من اللي.. خان وأنكر واللي باع)2
(قلبي مديون لك يا غالي.. عمري كله هاعيش أسير
نعمتك رأفت بحالي.. وراح تكمل يا قدير)2

1- أنا ماقدرش أتحمّل.. حياة وأنا مش في رضاك
دي الدنيا وما فيها.. لا تساوي لحظة معاك

القرار- ويا دوب أتوب.. وروحي تحن إليك
أطيب في طيب.. وأتحرك نواحيك
والفرحة تخليني أدوب.. وأتجمّع تاني فيك

2- أنا ماقدرش أكمّل.. من غير وعد و إيد
تسندني أعبُر بيها.. وتجيبني وأنا بعيد
3- أنا ماقدرش أطوّل.. في الغربة ولا في دار
أتغرَّب وأنا فيها.. عن وجه الأنوار
4- أنا ماقدرش أحوّل.. عيني عن طرف إيديك
أنا عبدك خدامك.. وباقبِّل قدميك
5- أنا ماقدرش أغفّل.. في رحلة طُهر معاك
عيني بمجدك فيها.. افتحها على ضياك

1- ملك الملوك اللي رعاني
رب ومافيش أرباب تاني
رب الجنود اللي فداني
أشهد وأعلن إيماني

القرار- عمانوئيل جه وسطينا
يا كنيسة اهتفي بأغاني
مجداً ليك حمداً ليك
مجداً ليك شكراً ليك

2- صلبك وموتك خلاني
أحيا وأعيش إنسان تاني
وضعت ذاتك علشاني
أشهد وأعلن إيماني
3- صخر الدهور جّه نجاني
بدل الشرور بِرّه عطاني
من العالم واتبناني
أشهد وأعلن إيماني
4- نسّاني حزني وعلّاني
أنا عالي فيه عن أحزاني
وهناك مافيش احزان تاني
أشهد وأعلن إيماني

القرار-المؤمن مولود فرايحي معيِّد للمسيح فرايحي
وعلى دق العود فرايحي بيرفع التسبيح فرايحي

1- مغفور الزلات مطوَّب مستور العيوب مطوَّب
يدخل تأديبات مطوَّب يخرج من حروب مطوَّب
ويا طوباه فرايحي
2- ساكن بيت الله مطوَّب عايش بالإيمان مطوَّب
حافظ حق الله مطوَّب منتظره وسهران مطوَّب
ويا طوباه فرايحي
3- يا عزه باللي فداه مطوَّب متكِّل عليه مطوَّب
مُختار م الإله مطوَّب وعارف يهتف ليه مطوَّب
ويا طوباه فرايحي

القرار - مد ايديك ع البحر يا موسى أنا أمرت وسيكون
مرة أخيرة وبعدها لن تروا تاني جيوش فرعون

1- مد ايديك ع البحر وشُقه أنا يدّي مع الإيمان
(تكسر رؤوس التنانين وتسحق لوياثان)2
2- مد ايديك بعصا الصليب واضرب ع المياه
(تحصد نصرة وتحصد أرض والعدو يحصد آه)2
3- مد ايديك ع البحر أنا جاعل لك في البحر طريق
(واصمت لأني راح أقاتل عنك وقت الضيق)2
4- مد ايديك أنا مادّد يدّي ع الأمواج وياك
(يُعبر شعبي واعلن مجدي لعدوي اللي عاداك)2
5- مد ايديك صرختك الصامتة هزت السماوات
(هاعبر بيك وهاسمَّع شعبك من أعاديك صرخات)2
6- مد ايديك أصدرت أوامري للبحر و هايطيع
(والعدو متغرّ وما يدري إنه أمر جيشه يضيع)2
7- مد ايديك أعدائك مدّوا وفكّروا إني بعيد
(والسما وجيوشها استعدوا بفقرات التمجيد)2
8- مد ايديك من تاني وقولّه يعود بحر وله موج
(العدو فكّر إن دخوله بحوري دي منها خروج)2
9- مد ايديك للشعب يسبَّح وآدي مريم بدفوف
(قول الرب اتمجد وافرح خلّي الأرض تشوف)2
10- مد ايديك ليشوع واتشفع لسه حروب وحروب
(إلى أن آتي بنفسي وأرفع للراحة الشعوب)2
11- مدوا ايديكوا لمن سمايا و ارتووا من صخر الدهور
(تشبعوا من حضرتي وحماية إلى دهر الدهور)2

1- (إن لم تكن أنت أنشودتي)2.. (فلن أرنم للأبد)2
(فأنت لي نشيدي سيدي)2

القرار- (أنت أمامي وعن يميني)2.. (أنت بقربي أنت بقلبي)2
(و لاسمك ربي يسوع انتمي)2

2- (إن لم يسر أمامي وجهك)2.. (لن أخطو من هنا بدونك)2
(فأنت لي نوري ومرشدي)2
3- (لو لم يكن كلامك لذتي)2.. (لهلكت إذاً في مذلتي)2
(فأنت لي نبع تعزيتي)2
4- (إن لم تبني وتحرس قلعتي)2.. (فباطلٌ تعبي و سهري)2
(فأنت صانعي وصخرتي)2
5- (إن لم تباركني سيدي)2.. (لن أُطلِقَكْ ولو كسرتني)2
(فأنت لي الآن قوتي)2

قوم نزل عودك من ع الصفصاف واستل نشيدك زي السياف
قوم رنم تاني مانتاش وحداني الرب سنيدك والعدو خواف
القرار – قوم رنم قوم رنم الرب يردك والريشة في يدك فوق الأوتار زي المجداف
مركبنا اتحرك والمينا اتشاف والريس جنبك ماسك الخطاف
البر أمان طول ما الإيمان نغماته في قلبك عاليين ونضاف
قوم دا إلهك حي قام من بين الأموات أنفض كفن الأحزان قوم ده سيدك قام
راجع بغنايم لولي وأصداف والمركب عايم من الخير أصناف
عمال بترتل عودك بيهلل فرحك يا سماوي مالهوش أوصاف

القرار-(حيٌّ هو الرب إلهي اللي أنا واقف قدامه
حيٌّ سيدي الملك اللي أنا عايش خَدَّامه)2

1- (لا أنا خايف من شيء إن كان ولا من مخلوق مهما إن كان)2
ولا محتاج شيء من إنسان ده مكفيني سلامه
2- (أنا عاكف على المكتوب ضد التيار المقلوب)2
باشهد ليسوع المحبوب وأتشارك في آلامه
3- (أنا شايف آخر المشوار جاي الفجر وجاي نهار)2
ولحد الشرّ ما ينهار أنا هارفع أعلامه
4- (أنا عارف إيماني بمين ده القادر يحفظني أمين)2
جاي وهاشوفه بكل يقين زي ما وعد في كلامه
5- (أنا واقف مستني وعود تتحقق والمجد يعود)2
ونوقف كده صفين بالعود ونعلَّي في أنغامه